Hechos 6:9 - Nuevo Testamento Toba Maskoy

⁹ Lhema aknem na ntemak ma'a apkelvai'o lhnak enenlhet apkelleniem'o apkaqnekhelha judios akvesai'a Esclavos nema alpaqnemekha, apkelvai'o lhnak na enenlhet ko Cirene, Alejandria, Cilicia kakpota nhan ko Asia, ka ampai'akha lhnak apkellatemommap Esteban ma'a.

Hechos 6:9 ပူးပေါင်းရင်းမြစ်များ

Marcos 13:9

¡Ellaho ta ketlhengkap! Nkolhek hata aliantemakho apkakhangkelha apkelientalhnakha apkelveskaie, mangkolhek hata altaqmelkaso m'a. Nkolhek hata nhan altekpongka nemaknekhelha ngkanek ko askeltamesaikamok ketlhengkap. Koka etlhengkes hata hetlheianma ko'o napaqtavek ma'a,

Lucas 21:12

Amanie apmak'akha ngkotnek akientalhnema nak, ngkolhek hata anmenlhenangka ketlhengkap, elpathetakpok hata. Ngkolhek hata allangkongvakmo apkelemhama apmaniaie' apkaqnekhelha judios kakpota ngkolhek aknaktemo' nemmammalhkelha' aniem'o asvesai'a ko'o.

Hechos 11:20

Koka apkelvai'ak nak na moklhem'a enenlhet'avok apkelleniem'o Chipre kakpota nhan Cirene, apkeleltennaseiangka lhnak na ania'a aktaqmanma aplhenammap Apveske Jesús enenlhet griegos ma'a akieto Antioquia.

Hechos 13:1

Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

Hechos 13:45

Apkeliasepkeskangkek noka judios apkelvetai'o enenlhet'avok apentalhnema apkankesekha Pablo m'a, ka apkelempai'akha lhnak apkeliaskama apatno'ok kakpota nhan apkeltaknongkomo neksa apkeltennaikama Pablo m'a.

Hechos 15:23

Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 15:41

Ka aplhengamo lhnak ma'a, apkeliekai'o lhnak Siria kakpota nhan Cilicia, apkeliateikokho lhnak moklhem'a iglesia apkelvaianlha la'a.

Hechos 16:6

Pablo kakpota nhan apketlhelhma'ak apkenmahai'avek na niekhe elpaiaksek ania'a aktaqmanma iokhalhma Asia, koka Espíritu Santo lhnak meltemok ma'a. Ka apkeliekai'o lhnak konne iokhalhma Frigia kakpota nhan Galacia,

Hechos 18:24

Apvekho lhnak na temma Efeso lhema judio apvesai'a Apolo, iokhalhma Alejandria lhnak apkeniemai'ak ma'a. Apvanke pankek nak elpengkamok enenlhet'avok ngkanek avanhek nak apiangveiakmo Vakkahak Eniapom Neten Apaivoma.

Hechos 19:10

akvaiakmo hanet iantelhkapa. Lhamakho enenlhet'avok apkelloma m'a iokhalhma Asia, apkelelto judios kakpota nhan griegos, apkellengai'ak nak ania'a aplhenammap Apveske.

Hechos 19:26

Nelleng'ak ennengko'o, nelvet'ak na enenlhet anak apvesai'a Pablo aplheianvei'o kanke'e natemma nak Efeso, kakpota nhan lhamakho iokhalhma Asia, dioses anak nellanekamok anak ennengko'o mankotno haveniapak anke, aqhemo lhnak ma'a. Mante pankek na enenlhet meliaskeiam apketlhekmoskama m'a Pablo.

Hechos 21:27

Nkama lhta akvaiam 7 aknem aksavhommalhkelha apkellalhnasekha apvalho'ok ma'a, moklhem'a judios apkelleniem'o Asia apkelvet'ak alhta Pablo m'a konne Eniapom Neten apnemakha, ka apkelentepkaso lhta akmaska m'a, apkelketamengko lhta kakpota elpathetek ma'a.

Hechos 21:39

Ka apkatemmongka lhta Pablo m'a, lhta aptak: —Have ko'o m'a enenlhet anak aplheno nak lheiap, judio apanke ko'o, ka asteiaianlha m'a natemma Tarso, akto neten ankek akiaspommalhka m'a akieto iokhalhma Cilicia. Heiangko no sekhe altennama napaqtavek enenlhet'avok anak hengke'e —lhta aptak Pablo.

Hechos 22:19

Ka askatemmongka lhta m'a, lhta stak: "Apveske, apkeliavek aplhamakho enenlhet'avok asmeiekho lhta mota askeliaikama apkellelto meliaskeiam lheiap akieto apkaqnekhelha la judios. Ka askelpathetmo lhta nhan ma'a, askeltekpoiangka nhan, allaqlhengkesek na nengaqlhengkasemmalhkelha.

Hechos 22:3

—Ko'o nak asto judio apanke, asteiaianlha na temma Tarso akieto konne iokhalhma Cilicia. Asvanekanlha nke'e Jerusalen anak, ka heltameskama nentalheskama hengetlhekmoskama apvesai'a Gamaliel, ka heltameskama ko'o m'a askeliehekho ley apanko'ok nelieihengka. Vanlha mota askelienlhaneiakmo aliehekhok Eniapom Neten, ka aptaiangkolha nak ketlhengkap.

Hechos 23:34

Neksa apeneskama lhna lhta apkelietsatema vakkahak gobernador Felix, lhna lhta aptemak apkenmalhneiangka Pablo: —Ko la akieto apkavakha lheiap —lhna lhta aptemak. —Cilicia ko skeniem'ak —lhna lhta aptemak Pablo.

Hechos 24:18

Askalhnasekho lhta nhan ko evalhok ma'a napaqtek Eniapom Neten akieto apnemakha. Ma lhta nhan angvankesekhak enenlhet ma'a, ma lhta nhan atepkeskamak akmaska m'a. Helvet'a lhta nhan moklhem'a judios apkelleniem'o Asia, koka apvanka'a niekhe nhan elelhiemok hengke'e kakpota eleltennasama lheiap askelanai'a la ngkolatsekama ko'o.

Hechos 26:11

Askeliaqpelhketaiangke mota apiempeiok akietemelha la apkaqnekhelha, askeltemo elvatesangkok aptaikamok meliaskeiam Jesús. Asmenlhenaikama akvakho mo'ok apkellavakha ngkanek avanhe lhta apkenmopaska askellanei'o m'a.

Hechos 6:10

Mang noka nkonmopvanka'ak ellammelhek Esteban ma'a ngkanek avanhek nak apiangveiakmo aniem'o Espíritu.

1 Corintios 1:20

¡Aqhemo m'a apkeliangveiakmo nema nak apkeliangveiakmo, escribas, kanhan apkenmopvanka'a apkelpaqmeiasma etlhenek qaselha nenvanlha nak! Eniapom Neten koka aptemeskesakhak aktaikama nkek ma'a apkeliangveiakmo nak.

Galatas 1:21

Netamen asmeiakho lhta nhan iokhalhma Siria kakpota nhan Cilicia.