Hechos 6:3 - Nuevo Testamento Toba Maskoy

³ Ntasek eliekiesangkok apieseksek anak ketlhengkap 7 enenlhet altaqmanma la apkeltemakha, nema la nhan apkeliamo, allaneiangko la nhan apvalho'ok Espíritu Santo kakpota etnangkok apkelhpankesaikamok ma'a.

Hechos 6:3 ပူးပေါင်းရင်းမြစ်များ

Juan 21:23

Lhta ngkanek nkopaihek ania'a apieseksek apkelieplekama Jesús menietsepek hata m'a apkeltameskama nak. Ma lhtoka nkotnemak niekhe aplheianma Jesús ma'a, lhtoka aptema niekhe apkanemo Jesús hengke'e: "Askelto la niekhe eloka mokhom enenlhet anak akvakmo asvaktamo ta, mankoietok lheiap eihok ma'a", lhtoka niekhe aptemak Jesús ma'a.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Hechos 1:21

Apkakhangkek enenlhet hengke'e netlhelhma'ak alhta mota neksa apnema lhta apveske Jesús hengke'e.

Hechos 10:22

Ka apkellatemmoiangka lhnak enenlhet, lhna aptaiangkok: —Capitan Cornelio lhta hengellapaskama ennengko'o apkeltemo angeliama lheiap kakpota etlhekmoskakhak ma'a. Apto nak enenlhet apeivomo m'a, apkeliehekho nhan Eniapom Neten, enenlhet'avok judios avanhek ankek apketlheianma mota apiamolhma apankek ma'a Cornelio. Ka nkeniemai'ak ma'a apakmetkeskamo lhna lhta lhema ángel apokkenammap kakpota hengellapaksek ennengko'o hengke'e —lhna aptaiangkok ma'a.

Hechos 15:23

Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 16:2

Ntasek na mota apketlheianma apkelialheng'a m'a Listra kanhan Iconio m'a apketkok anak Timoteo.

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Hechos 22:12

Apne lhta m'a lhema enenlhet apvesai'a Ananias, apiave panke lhta lhma, apkeliehekho lhta mota ley Moises, apketlheianme lhta mota enenlhet ko Damasco apiamolhma m'a.

Hechos 28:14

Ka nelvetangvakho lhta engelialheng'a m'a, apkellelto lhta angaqhangkok na sekhek lheme lhema semana m'a. Netamen nellempokho lhta mokhom netlhengama, nelvakho lhta apiav'akha temma Roma.

Hechos 6:2

Netamen nak ma'a, 12 nema alapaskamo nak apkellankesekho lhnak aplhamakho meliaskeiam ma'a, lhna aptaiangkok: —Mangkolatsema ennengko'o angelieniekhak netlheianma ania'a aplhenammap Eniapom Neten kakpota angelhpankesek ma'a aptekamok.

Hechos 6:5

Nkelleklemavek nak apvalho'ok enenlhet'avok ma'a, ka apkeliekiesaiangko lhnak lhema enenlhet aklanei'o apvalhok Espíritu Santo kanhan mei'askeiam apvesai'a lhnak Esteban, kakpota nhan po'ok Felipe, Procoro, Nicanor, Timon, Parmenas kakpota nhan Nicolas apkeniem'o m'a Antioquia, aptemongvai'a lhnak na judio m'a.

Hechos 6:6

Ka apkeliantemekho lhnak napaqtavek nema allapaskamo m'a, apnengkenaiangko nhan apmeio'ok takhaplhet'ok ma'a, apkelelmalhneskeskamo nhan.

Hechos 9:30

Apkellengai'ak nak ania'a apkelialheng'a m'a, ka apkeliantemekho lhnak akieto m'a Cesarea, netamen ma'a apkellapaskamo nhan natemma Tarso.

1 Corintios 12:8

Napokha nhan apketlhevangkok apkenmopvanka'a kakpota elpaqmetek nema apkeliamo aniem'o m'a vanlha lhema Espíritu, napokha nhan apketlhevangkok apkenmopvanka'a kakpota elpaqmetek ngkeskama apkeliangveiakmo m'a aniem'o koka nhan nheklhek ma'a Espíritu.

1 Corintios 16:3

Eliekiesamo ta apankavek na ketlhengkap enenlhet apieseksek anak ham kakpota etsakhak patakkom anak kanha vakkahak aktalhesammalhka akieto m'a Jerusalen.

Efesios 5:18

Metnamo nkek na akvakmo alieiesolhma vino ngkanek nkoltemeskesek hata malha metka apkelielhnengvaiam ma'a, ntasek koka elleltok ellanangkok apvalho'ok Espíritu.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

Santiago 1:17

Eniapom Neten koka nkeniemai'ak ma'a aktaqmanma, kanhan akiokho nkek apkeliangveiakmo ngkanek apto nhan Niapma'ak ma'a alapommatemo nak neten, mamma nkek na akiaqmoiekha la mo'ok apvalhok ma'a.

3 Juan 1:12

Lhamakho engelialheng'a apketlhengke mota aptemakha Demetrio, apto lhnak apiamolhma m'a, nelvet'ak na ennengko'o aptemakha have niapak ankek ma'a. Ennengko'o nhan netlhenak apto apiamolhma m'a, apiavek na lheiap nenlhenke mota qaselha have niapak anke mota nentangkok.