Hechos 6:14 - Nuevo Testamento Toba Maskoy

¹⁴ Aplhengkek lhek Jesús ko Nazaret ma'a etvasekhak nak lhek pa'at akpokkenammalhka nak kakpota nhan eiaqmongkasekhak mo'ok nentemakha nentaiangkolha hengaikamok alhta Moises annenga —lhna aptaiangkok ma'a.

Hechos 6:14 ပူးပေါင်းရင်းမြစ်များ

Marcos 14:58

—Nenleng'a lhta ennengko'o apaivoma Jesús, apmahai'a etvaksek Eniapom Neten apnemakha nak nellanai'a lhta nengelelto enenlhet apankave nak. Netamen hanetolhema aknem alhta nhan aplhenak epenaksek apkelanekha alhnankok ma'a, metka apkelpasmoma enenlhet'avok —lhna aptaiangkok ma'a.

Lucas 21:24

Moklhem'a ta etekio'ok pelettav akvenaktema, po'ok hata ngkolhek aliantemo apkenmammap mo'ok apkellavakha. Netamen apkellelto metnangko nak judios elientalhneskasangkok hata apkelvetai'a akientalhnema m'a natemma Jerusalen, koka nkomaskengvomok hata akientalhnema nak akvo'o ta aknem ma'a aktemakha nema aklheianma av'alhok.

Lucas 21:6

—Nkotvasalhkak hata lhamakho nke nak, mankaimalhkek hata takhalhet mo'ok metaimong —lhna aptemak.

Juan 2:19

Ka apkellatemmongka lhta Jesús, lhta aptak: —Hata apnaqtevasakho la ketlhengkap Eniapom Neten apnemakha nak, hanetolhem'a aknem hato ka ngkotnek alanekhak mokhom alhnankok ham —lhta aptak Jesús.

Juan 4:21

Ka apkatemmoiangka lhna lhta Jesús ma'a: —Nkanketakmek aknem menmeiakhek hata metaimong akhaiam anak kanhan Jerusalen apkenmahai'a ellasennama Eniapom, have niapak ankek astakha nak.

Hechos 15:1

Apkelvai'ak nak judios apkelleniem'o iokhalhma Judea akieto Antioquia, ka apketlhekmoseiangko lhnak apkelialheng'a melvongkasakpek tep meliaqtemenangko la nekha tkok apkelammelhakha, aptemakha lhnak nanek Moises apkellanemakha etnangkok.

Hechos 21:21

Koka apkellengai'ak na ania'a aktemakha apketlhekmoskama lheiap ma'a judios apankave nak apkakhangko m'a apieseksek metnangko nak judios, aplheianveiakmo lhna lhta lheiap ntasek elieniekhak ley Moises anak, ntasek na lhta nhan elieniekhak aptaiangkolha nak apkeltemeskesaikamok apkeliaqtemenkeskama nekha tkok apkellammelhakha apketkak, kakpota nhan ntasek na lhta nhan elieniekhak nentaiangkolha nak ennengko'o hengke'e judios.

Hechos 25:8

Koka lhna aptemak Pablo apkellatemmoiangka apkasennammakpo m'a: —Motvaskama ko'o ley apanko'ok anak judios, motvaskamak na Eniapom Neten apnemakha nak kakpota nhan apiav'akha apveske Romano —lhna aptemak Pablo.

Hechos 26:3

Apiavek lheiap neliamenammalhko lhta netlheianma m'a aniem'o nentaiangkolha engankave nak ennengko'o judios. Apiavek na lheiap nentaiangkolha nak judios ka ngkanek askeltavek ko'o eniailhok metka akpekhai'a askeltennaikama nak.

Hechos 28:17

Hanetolhem'a aknem alhta ntak akiekai'a m'a, ka apkelto lhta Pablo ngkolhek allav'o apkelemhama apmaniaie judios apkellelto apkelloma m'a Roma, lhta aptak apkellano: —Mamma ko'o askammelhaikama nennemolhema judios kanhan apkeltemakha nelieihengka, nkaqhok koka moklhem'a apkelemhama apmaniaie judios akieto m'a na temma Jerusalen hellangkongvakmo lhta m'a apkelemhama apmaniaie romanos apkeleltemo heiaqlhengkesek nenmammalhkelha m'a.

Galatas 3:19

Nlhevai'ak nak nanek ley, akmovana ngkoteskesek meliehekho enenlhet, malha niekhe nha ntema nnelha m'a apvai'o aptaven neptamen Abraham apeneskamo lhnak nanek aplheianma m'a. Ángeles nak nanek apkenmama takha ley, apkelletsavkeskamo m'a Moises, aptemo nhan Moises apketsavkeskamo ley enenlhet'avok ma'a.

Galatas 3:23

Hengenmaikama lhta ley anak akvakmo akvai'o m'a mongiaskeiam anak, malha nennaktemommalhka lhta ntemak akvakmo m'a akno hengelvetaskeso mongiaskeiam.