Hechos 6:1 - Nuevo Testamento Toba Maskoy

¹ Aplhameiangkek nak apkellelto nema altamesaikamok ma'a, ka ampai'akha lhnak apkeliaskama apatno'ok griegos apkellelto hebreos, apketlheianmo griegos lhentampak'a apanko'ok ketsek atlhevaikamo mota alpasmoma aktekamok lhamakho knem ma'a.

Hechos 6:1 ပူးပေါင်းရင်းမြစ်များ

Hechos 11:20

Koka apkelvai'ak nak na moklhem'a enenlhet'avok apkelleniem'o Chipre kakpota nhan Cirene, apkeleltennaseiangka lhnak na ania'a aktaqmanma aplhenammap Apveske Jesús enenlhet griegos ma'a akieto Antioquia.

Hechos 11:26

Lhema iantelhkapa lhnak apkakhaiangkok ma'a, apkankesekho lhnak ma'a, apketlhekmoseiangko lhnak na apkellelto iglesia m'a. Koka m'a akieto nak ma'a nema altamesaikamok anak ampai'akhasekha nkek nak apkeltemeskasekha apkelvesai'a Meliaskeiam Cristo.

Hechos 11:29

Netamen nema altamesaikamok akieto Antioquia atlheianvekho lhnak apvalho'ok moklhem'a apkelleltakha la elpasmok kakpota ellapaskesek alpasmoma apkelialheng'a ko Judea.

Hechos 2:41

Nnengkek nak allavkeskamo konne iemmen apkellelto meliaskeiam aptemakha apkeltennaikama Pedro m'a, aplhameiangkek nak aptaikamok meliaskeiam Jesús ma'a, malha lhnak 3.000 enenlhet'avok ma'a.

Hechos 2:45

Apkeliamasmek nak na lhepop apanko'ok kakpota nhan lhamakho qaselha apankok, apkennaskesammakpek nak patakkom alaimommalhkelha la m'a.

Hechos 2:47

Apkeliavenkaseiangka nhan apvesai'a Eniapom Neten ma'a, apketlhenammakpo lhnak na apkellelto apkeliamolhma m'a. Lhamakho knem na ntemak aplhamasekamok Apveske m'a enenlhet'avok knema ta alvongkeskama tep.

Hechos 4:35

nema allapaskama, kakpota ennaskekhak moklhem'a alietemelha la alaimommalhkelha m'a.

Hechos 4:4

Mang nantek enenlhet'avok apkellailhemo apaivoma Pedro kakpota nhan Juan, mang nak na eliaskeiakmok ma'a, malha lhnak 5.000 apkelennava'ak ma'a.

Hechos 5:14

Aplhameiangkek nak apkelennava'ak kakpota nhan ngkelvana'ak aptaikamok meliaskeiam Apveske m'a,

Hechos 5:28

—¡Nellaske lhta niekhe ketlhengkap sekhe lhta metlhekmosangkek mokhom ania'a etlhenek apvesai'a m'a enenlhet alhta, koka manghengeleliehekhok ma'a! Apkeleltennasema koka mokhom ania'a lhamakho akieto Jerusalen, hengetlhenke lhta nhan ennengko'o nengelelto neliankenkeskama ema apankok ma'a enenlhet alhta —lhna aptemak.

Hechos 6:2

Netamen nak ma'a, 12 nema alapaskamo nak apkellankesekho lhnak aplhamakho meliaskeiam ma'a, lhna aptaiangkok: —Mangkolatsema ennengko'o angelieniekhak netlheianma ania'a aplhenammap Eniapom Neten kakpota angelhpankesek ma'a aptekamok.

Hechos 6:7

Niangveiakmek nak nema alhpankeskama apaivoma Apveske, aplhameiangkek nak na nema altamesaikamok natemma Jerusalen, aplhaniek nak na sacerdotes meliaskeiam ania'a aplhenammap Jesús.

Hechos 9:29

Metka apkai'akha lhnak na aplheianma apvesai'a Apveske m'a, Apkellatemmommakpek nak na m'a griegos, apkellanekhek nak na niekhe apkenmahai'a ennapok ma'a.

Hechos 9:39

Apkelieplekhek nak Pedro m'a, ka apkelvekho lhnak ma'a akietnakha apak ngkelvana. Mang na ntek lhentampak'ak aliepqalhemo m'a, ka alvetaskeskamo lhnak Pedro ietamopai'a kakpota nhan apkelvenaktema ngkelvana'ak allentalhnema allanai'a lhnak Tabita neksa aktema alhnankok ma'a.

Hechos 9:41

Ka apmamo lhnak amek Pedro m'a, apkenengkasekho lhnak neten, apkellaveiangka nhan apkellelto apkelpokkenammap ma'a kakpota nhan lhentampak'ak, apkelvetaskeso aktaiekha alhnankok mokhom Tabita.

Romanos 12:7

Enenlhet apto lhta aplhevai'a apmopvana etnek nema asennaikama, ntasek etnek aktaqmanma apmakmekama. Apto lhta nhan aplhevai'a apmopvana etlhekmoksek, ntasek eieplavkesek ma'a.

1 Corintios 10:10

Meleltamo nkek na metka nkek Eniapom Neten, ka aptaiangko lhnak nanek nelieihengka'a, lhnak nanek nkeniemai'ak nkonnapok netsepma ngken.

2 Corintios 11:22

Apkelammakpek na aptaiangko Hebreos ma'a, ko'o nhan asto Hebreo, apkelammakpek na aptaiangko israelitas, ko'o nhan israelita, apkelammakpek na aptaiangko Abraham aptavana'ak neptamen, ko'o nhan asto m'a.

Filipenses 3:5

nnengkek nak hetneskeskamo nhan akiaqtemenammalhka nekhatkok askammelhakha akvaiakmo kelha 8 aknem asteiam, asto nhan ko Israelita apanke askeniem'o nhan apasmekha apketkak neptamen Benjamin annenga, asto hebreo panke'. Asto lhta nhan aspasmekha fariseos apkellelto nak apkelieplavkeskama akiennaktema nkek ley Moises,

1 Timoteo 5:3

Elpasem hata nhan lhentampak'a metka nak atkak,

1 Timoteo 5:9

Elpeneso ta apnaqtalhesaikamok alvesai'a lhentampak'a kakpota nkotlhevangkok qaselha alpasmoma, koka vanlha ta alvaneiam akvaiakmo tep 60 iantelhkapa anko'ok, vanlha koka lhema atava' akvetai'a sekhe lhta,

Hebreos 13:1

Etlhengkes hata mota apkellasekhammakpo apankavek apieseksek anak ketlhengkap ham, malha aptonak apkelialheng'a apankavek la'a.

Santiago 1:27

Koka akto aktaqmelo nentaqmelkasemmalhko engankek napaqtek Eniapom Neten nentaikama mota amaika'a apkelieihekama kanhan lhentampak'a neksa alvetai'a akientalhnema, kanhan mongellankehe na hengellekhoho ngkolatsekama la enenlhet meliamolhma.

Santiago 4:5

Ka ngkanek akietnemo nak Eniapom Neten apaivoma aklheianma, ntemak hengke'e: «Avanhek ankek apkamelaiam Eniapom Neten akieplomo apkenmeiavekama engelvalho'ok anak ennengko'o hengellaikamok», ntemak ma'a.

Santiago 5:9

Ketlhengkap elialheng'a, melentepkasama nkek apkelvesai'a po'ok la'a ngkanek ketse nkaimelhkak apvektanlha ta hengiekpelkemo niapom, hata eliekpelkok apkeltemakha ketlhengkap ma'a.