Hechos 5:41 - Nuevo Testamento Toba Maskoy

⁴¹ Ka apkellenteiapmo lhnak nema alapaskamo napaqtave apkelientalhnakha apkelveskaie, nkelpaihekhek nak apvalho'ok ngkanek apkellengaiangkek nak akmaska aniem'o apketlheianma Apvesai'a m'a.

Hechos 5:41 ပူးပေါင်းရင်းမြစ်များ

Lucas 6:22

Aktaqmelakho nkek ketlhengkap apkeltaknommap anak, nema alvannaikama kakpota nhan nema alentepkeskama apkelvesai'a ketlhengkap aniem'o apkelieplekama m'a Enenlhet Apketka nak.

Juan 15:21

Nkotnek hata akvai'a m'a nema akmenlhenaikama nak ko'o songkek askeltamesaikamok ketlhengkap, enenlhet meliamolhma nak ma'a meliekpelkak apto heiapaskama ko'o.

Hechos 21:13

Koka lhta aptak Pablo hengellatemmongka: —Mollaiose nke apvalho'ok ketlhengkap, meliapqalh ankek nahan, aniakha ta ko'o Jerusalen niekhe astetemmalhka ta m'a, niekhe nhan asmatnama ta aniem'o apvesai'a Apveske Jesús —lhta aptak hengellano m'a.

Hechos 5:21

Lhema aknem na ntemak akiekai'a m'a, sosekhe ankek apkenmeiekho lhnak Eniapom Neten apnemakha, apketlhekmoskekho lhnak ma'a ania'a aktaqmanma. Koka apiav'akha sacerdote kakpota nhan apketlhelhma'ak apkellavei'o lhnak aplhamakho metno apketkok ko israel elpasengva lhema apkaqnekha apkelientalhnakha apkelveskaie'. Netamen ma'a apkellapaskamo lhnak apkellasennaikama kakpota eliantementamok mokhom nema alapaskamo akieto m'a nengaqlhengkasemmalhkelha.

Romanos 5:3

Nkelpaihakhek na engelvalho'ok ngkanek ntepkaskek na nenvaskapekho neksa akvai'a la akientalhnema.

2 Corintios 12:10

Avanhek na akpaihekha evalhok neksa moiennaktema la'a, neksa aimommalhka nhan qaselhaha, nema heiaqmasekama, neksa akvai'a akientalhnema aniem'o enenlhet apkenmahai'a henaqtevaksek aniem'o nhan moi'askeiam Cristo. Neksa moiennaktema apankek la'a, malha asiennaktema pankek ntakhak ma'a.

Filipenses 1:29

Eniapom Neten apkellaikamok ketlhengkap qaselha aktaqmanma nkek akvesai'a meliaskeiam Cristo, apkellaikamok na apkellengaiangko akientalhnema aniem'o apkelleliehekho Cristo.

Hebreos 10:34

Apkelietnai'ave lhta nhan napaqta'a aplhatmommap la'a, nkelpaihekhe lhta nhan apvalho'ok neksa nemo al·hatsoskeskama qaselha apanko'ok ngkanek apkeliavek ketlhengkap nnaiangkek qaselha apanko'o metka akmaskengvaiam ma'a neten.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Santiago 1:2

Ketlhengkap elialheng'a, nkolpaihekha ta apvalho'ok neksa akvai'a la akientalhnema koka akmahai'a nkoiepkonek

3 Juan 1:7

Apketlhengke mota m'a apkenmak'akha la enmankok kakpota elpaiaksek ania'a aktaqmanma aplhenammap Jesucristo, man koka enmankok takha nema alpasmoma la alleniem'o enenlhet melioho nak Eniapom Neten.