Hechos 5:36 - Nuevo Testamento Toba Maskoy

³⁶ Kotlheianvakho no apvalho'ok lhema enenlhet nak lhennenga tep apvesai'a Teudas, apmahai'a etnek apveske neten apankek, apvaiakmek nak 400 enenlhet apkankesaikama kakpota etnangkok apkelieplekama m'a. Koka apmatnamo lhnak Teudas ma'a, apkelhpanmo nhan apkelieplekama, mmaskengvaiakmek na apmopvana Teudas ma'a.

Hechos 5:36 ပူးပေါင်းရင်းမြစ်များ

Hechos 21:38

¿Have nlho lheiap Egipcio aptepkeskamo nak apkennapommap apkammelhma apveske ko Roma, apkankesekho nak na lheiap 4.000 enenlhet'avok apkenmopvanka'a ennapakpok akieto m'a iokhalhma metkelha temma, he? —lhta aptak.

Hechos 5:35

Lhnak aptemak apkellanemo apkelemhama apmaniaie: —Ketlhengkap apkelennava'ak ko israel, eltaqmelkaso ta atlheianma apvalho'ok apmak'akha ta etnangkok apkellanei'o enenlhet'avok anak ham.

Hechos 8:9

Koka apnengkek nak na m'a lhema enenlhet apvesai'a Simon, apiolhma melatsekama lhnak ma'a. Apkelpelapkeskeskangkek na mota enenlhet'avok ko Samaria apkelvetai'o qaselha hempelapkeskama apkelanai'a m'a, aptemeskesammakpo pankek neten apankek aknema apmopvana.

Galatas 2:6

Koka apkelientalhnakha apkelemhama apmaniaie nemo allai'o, ma lhta elleltok aiaqmongkasekhak mo'ok asketlhekmoskama, nkaqhok koka nema allai'akha la enenlhet'avok apkelemhama apmaniaie m'a ngkanek nennemo emmo'ok napaqtek Eniapom Neten.

Galatas 6:3

Apto la enenlhet metka neten apiaspommap, koka nkolhenek apvalhok akto neten apankek apiaspommap ma'a, koka apiennengkasekpe pankek na m'a.

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.

2 Pedro 2:2

Aplhaniek hata nhan Jesucristo apkennemolhema elpasengvomok apkeltemengveiakmo lhma m'a, hata nha nkoniemak apkeliaskama apatno'ok apketlheianma ngkolatsekama ania'a aktaqmanma akto have niapak anke nak.

Judas 1:16

Ka enenlhet'avok anak apkellelto m'a apkeliematkesaikama po'ok, apkeltaqnevaikama, kanhan aptengiaikamo mota qaselha aleklemelha la apvalho'ok. Apkellammakpo pankavek, altakmanma niekhe apkelpaqmeiasma ellanhok po'ok napaqtek la'a, koka akhemo malha apkenmopvanka ania'a, vanlha koka mota nhan apteniaikamok qaselha apanko'ok apankavek.

Apocalipsis 17:3

Ka akvet'o lhta ehaqtek aniem'o Espíritu, heiantemakho lhta nhan lhema ángel akieto m'a metkelha temma. Asvet'o lhta nhan ma'a lhema ngkelvana anantema kaselha nevhak nengai'o akielhvasema, 7 lhta apqatko'ok ma'a, 10 alhta nhan nkapet'ok. Ma lhta ntek alqasemmalhka akvesai'a aiempehek akto ammelhaikama Eniapom Neten.

Apocalipsis 17:5

Nietne lhta nhan aktalhesammalhka akpaihakha na'at akvesai'a mammopvana anioho, lhta ntak alqama hengke'e: "Akiavai'a nkek Babilonia ngkana'ak nan ma'a ngkelvana'ak allanaktema kakpota nhan qaselha ngkollatsekama nkek", lhta ntak aktalhesammalhka akpaihakha na'at ma'a.