Hechos 5:31 - Nuevo Testamento Toba Maskoy

³¹ Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

Hechos 5:31 ပူးပေါင်းရင်းမြစ်များ

Marcos 2:10

Alvetaskesek hata kolhvave nak ketlhengkap Enenlhet Apketka nak apmopvana etneskesama apankek meliehekho apkaskamakha Eniapom Neten enenlhet'avok —lhna aptemak Jesús ma'a. Netamen nak ma'a aptemo lhnak apkanemo Jesús enenlhet metka aptapno'ok:

Marcos 4:12

Kakpota ellanho niekhe koka malha melvet'o ntahak ma'a, apkellailhave niekhe, koka malha melleng'o ntahak kakpota melpengkamek apvalho'ok akieto apnakha Apveske, mangkolhek na altemeskesangkankek apkellanekamok la ngkollatsekama m'a.

Lucas 2:11

Apteiakmek lhek apto apkelvongkeskama ta tep enenlhet'avok akieto apkavakha David, Cristo apto Apveske.

Lucas 24:47

Nkolhek hata aleltennasengka apvesai'a lhamakho apkellavakha halhmankek ham, hata ellempak hengke'e Jerusalen kakpota eliaqmongkasekhak na mo'ok apvalho'ok enenlhet'avok kakpota Eniapom Neten etneskesama apankek meleliehekho nak apkellaskamakha, lhna ntemak na ania'a m'a.

Juan 4:42

Netamen alhta aptangkok apkellano ngkelvana lhta m'a: —Man lhek angeliaskakmok Jesús aktakha lhkek aklheianma lheia, koka kolhvave nak mangeliaskakmok ngkanek nelleng'ak aptakha apaivoma, kolhva neliavek apto hengvongkeskama tep ma'a aplhamakho enenlhet'avok lhmankek ham —lhta aptangkok enenlhet'avok.

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Hechos 13:23

Apkeleltennaskangkek nak nanek Eniapom Neten lhema apaivoma, aptaven neptamen David evak hata kakpota elvongkesek tep ko Israel, ka enenlhet nak ma'a Jesús alhta.

Hechos 2:33

Ka apiantemakho lhta nhan neten apneso napokha akieto akiennakha apoktong, apkaiangkek na Espíritu Santo. Kolhva koka Jesús apiangkenkek tekhenlhet'ok ennengko'o m'a aptemakha lhta nhan apaivoma apeneskamo hengeleltennaskama, ka nkeniem'ak ma'a apkelleng'o lhkek, kanhan apkelvet'o lhkek qaselhaha.

Hechos 2:36

Ellailhono enenlhet ko Israel, have niapak anke ketlhengkap apkeliaqlhaiangke lhta apmeiok apmankok neten iamet aktenneskama Jesús alhta, Eniapom Neten alhto ka aptemeskasak Apveske kanhan Cristo —lhna aptemak Pedro apkellanemo enenlhet'avok ma'a.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 3:15

Alleniemai'o lhtoka ketlhengkap apmatnamo m'a apto niekhe apkelanai'a neniennaktema nak, Eniapom Neten koka nhan aplhatekhaskeiakmok ma'a, ennengko'o nhan nelvetaiangko m'a.

Hechos 3:19

Ntase kolhva eliaqmongkasekha mo'ok apvalho'ok ketlhengkap, elpengkamok na apvalho'ok akieto m'a apnakha Apveske, netamen hata m'a ngkolhek anmaskeskaso apkeltemakha ngkollatsekama.

Hechos 3:26

Hai, Eniapom Neten alhta aplhatekhaskakmok Apketka, apkapaske lhta nhan ma'a kakpota eltaqmelkeskesek apkellaniemhaikama apmaniaie koka ketlhengkap, kakpota elvatesangkok na qaselha ngkollatsekama apkellanekamok —lhna aptemak Pedro apkellanemo enenlhet'avok ma'a.

Hechos 4:11

Ka Jesús alhta malha metaimong apkeltaknongvekha lhta ketlhengkap apkellanekamok pa'at, koka ntakhek neten ankek akiaspommalhka m'a kolhvave nak metaimong anak.

2 Corintios 2:10

Koka apkeltangka la apankavek ketlhengkap qaselha ngkolatsekama lhta apkelaneskasekamok enenlhet alhta, ko'o ta nhan atneskesama ehenkek ma'a, malha napaqtek na Cristo, kakpota nkovak na aktaqmanma apkellangiemhaikama aplhamakho pankavek ketlhengkap ham.

Efesios 1:7

Apketsepme lhta Cristo akiangkenammalhko nhan ema apankok kakpota hengel·hatsoskakhak neksa hengenmaikama lhta mongeliamolhma, ka aptemeskesaiangka lhta nha apankek mongeliamolhma nak. Koka m'a apeneskamo lhnak nanek Eniapom Neten apkelanekha aptakha etnek hata aniem'o aktaqmanma nkek hengellanei'o.

Filipenses 3:20

Ennengko'o koka nellavakha neten, avanhek ankek hata ngkotnek nelel·halhanma neltemo elhiemok apto hengelvongkeskama ta tep, apto nhan apveske engankok Jesucristo.

Colosenses 1:14

apto lhta nhan hengel·hatsoskekha, aptemeskesaiangka lhta nhan apankek mongeleliehekho hengaskamakha Eniapom Neten.

Tito 1:4

Asmak'ak angvapaskesek vakkahak anak astalheskama lheiap Tito, apto nhan malha eietka aniem'o nhan aknemo mo'ok mongeliaskeiam. Askeltavek Eniapom Neten kanhan Jesucristo apto hengelvonkeskama tep etaqmelkeskesek apkaniemhaikama, eniankok na aktaqmelaikama apvalhok lheiap.

Tito 2:10

Eleltennasamok hata nhan menmenielhe, etnangkok na nengaqtave mota apkelveskai'e apanko'ok kakpota elvetak aktaqmanma nema atlhekmoskama apketlhevai'a aniem'o Eniapom Neten apto nhan hengelvonkeskama tep ma'a.

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 2:10

Koka lhamakho qaselha nelvetai'o nak allomaha, nietnek aliennaktema aniem'o Eniapom Neten apkelentepkeskama, apanko'ok apankavek nahan. Apkeltemavek na Eniapom Neten aplhamakho apketkak elpasmakpo lhamakho qaselha apanko'ok anak altaqmelo. Ka nkeniemai'ak apkeltemo ennangkok akientalhnema Jesucristo aptemo nhan apenesammap, apmopvanko nhan aptemo apkelvonkeskama tep aplhamakho enenlhet'avok ma'a.

1 Pedro 3:22

apmeiekho lhta neten, apnekho akiennakha apoktong Eniapom Neten, aptemengvekho nhan apveske apieseksek ángeles kanhan enghangok aknema anmovanka'a, alientalhnemo nhan ma'a.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

2 Pedro 1:11

Ka nkeniem'ak ma'a ntasek ankek hata ngkotnek apvaiam ma'a iokhalhma akieto nak aptemengvekhelha metka aktemongvaiam annelha Apveske engankok Jesucristo, apto nhan Henvonkeskama tep.

2 Pedro 2:20

Lhennenga apkeliangveiakmo aptemakha Apveske engankok kanhan Hengvongkeskamo tep Jesucristo, alpaqnemekho nhan mangiamolhma, koka netamen ma'a apkellaiangko mokhom malha alpathetvekha la mokhom maniamolhma, aptaikokho mokhom na neten ankek meliamolhma, mangkolhnok ma'a sekhek anke lhta.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.

Judas 1:25

Hai, angelvenkesama ta kolhvave nak emmanie ta nhan metka nnelha apto lhema phapak apveske, Eniapom Neten, hengvonkeskama tep nahan aniem'o Jesucristo. Apientalhnemo, apkapommatema apankek nahan, neten apankek, aknema apmopvana apankek na m'a. Amen.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.