Hechos 5:24 - Nuevo Testamento Toba Maskoy

²⁴ Ka apkellengai'o lhnak apkemhama apmanie guardia Eniapom Neten apnemakha kakpota nhan apkelemhama apmaniaie sacerdotes, apkennelhtengangkek nak neten ma'a, apkelpaqmetkesammakpo lhnak mok apankavek ma'a akmak'akha ta ngkotnek apkakhaikamok.

Hechos 5:24 ပူးပေါင်းရင်းမြစ်များ

Lucas 22:4

Apmeiekhek nak apkakhangkelha apkelemhama apmaniaie' sacerdotes kakpota nhan apkelveskaie apkellanekama atong Eniapom Neten apnemakha, apkelpaqmetkeskaiakmo lhnak ma'a, apkellanekho lhnak na aptangkolha m'a kakpota elpathetek Jesús.

Lucas 22:52

Lhna aptemak Jesús apkellanemo apkelemhama apmaniaie sacerdote kakpota nhan apkelemhama apmaniaie Eniapom Neten apnemakha, kakpota nhan metno apketko'ok apkellelto apkenmahai'a elpathetek, lhna aptemak Jesús: —Selha akto apkelvo'o nak akieplomo pelettav akvenaktema kakpota nhan iamet apmeio'ok, malha enenlhet apmenielhma nak heltemeskasak ketlhengkap.

Juan 12:19

Koka ma lhta nkollekok apvalho'ok fariseos, lhta aptangkok apkelpaqmetkasekpok mok apankavek ma'a: —Mamma antemeskesangkok angelienieskasekhak enenlhet'avok apkelieplekama nak ma'a, aplhamengkek na m'a —lhta aptangkok.

Hechos 2:12

Nkeliemaskangkek nak apvalho'ok ma'a, alpelapkeskamo nhan aniem'o aktemakha apkelvetai'a m'a, lhna aptaiangkok apkelpaqmetkesammakpo mok apankavek ma'a: —¿Sek la akvesai'a hengka ie, he? —lhna aptaiangkok.

Hechos 4:1

Nheklhek nak apkelpaqmetkesaiangka Pedro kakpota nhan Juan enenlhet'avok ma'a, ka apkelvai'o lhnak sacerdotes, saduceos kakpota nhan apkemhama apmanie apkellanekama Eniapom Neten apnemakha.

Hechos 4:21

Koka apkelemhama apmaniaie mang nak nkonmopvanka'ak enaqtevaksek ngkanek aplhaniek nak enenlhet'avok apkeliavenkaseiangka apvesai'a Eniapom Neten aniem'o qaselha hempelapkeskama apkelanai'a, aptaqmelkeskaiam enenlhet nak ma'a, tep 40 iantelhkapa apankok nak ma'a enenlhet aptaqmalveiam. Apkellaskangkek nak eltemeskesama apkellaniemhaikama aptangkokho la mokhom ma'a, ka apkelpaqnemekho lhnak na m'a.

Hechos 5:23

—Nelvetangvakhek lhek ennengko nema apekha niekhe atong nema aliennakteskamo, apkakhaiangke niekhe nhan guardias ma'a, koka nenmaieso lhkek ennengko'o atong, mamma lhkek enenlhet'avok alhta konne m'a —lhna aptaiangkok.

Hechos 5:25

Kolhvavek ankek nak na apvai'ak lhema enenlhet ma'a apsenta ania'a, lhnak aptemak: —Ka apkelaklhengkaso lhta ketlhengkap nengaqlhengkasemmalhkelha, askelvet'ak lhek apketlhekmoso Eniapom Neten apnemakha m'a —lhnak aptemak.

Hechos 5:26

Kolhvavek ankek nak apmeiekhak apkemhama apmanie guardia kakpota nhan apketlhelhma'ak, apkelpathetvekho mokhom nema alapaskamo m'a metka apnaqtevaskama aniem'o apkellai'ak enenlhet nkonnathaksek kakpota eliaqnangkok na metaimong ma'a.