Hechos 4:27 - Nuevo Testamento Toba Maskoy

²⁷ Hai, nelvetai'ak alhta ennengko'o m'a Herodes, Poncio Pilato, metnangko nak judios kakpota nhan israelitas apkakhaiangko nak hengke'e temma nak apkellammelhma m'a apkasennaikama lheiap apvesai'a Jesús, apto apokkanma lheiap, apto lhta nhan apkeliekieskama lheiap.

Hechos 4:27 ပူးပေါင်းရင်းမြစ်များ

Marcos 10:33

—Ellailhono, ka nenmeiakhelha nak Jerusalen, ngkolhek hata angkongvakmo Enenlhet Apketka nak apkelemhama apmaniaie' sacerdotes kakpota nhan escribas. Etlhenekha ta nhan apkenmahai'a ennapok ma'a, ellangkongvomok hata nhan ma'a metnangko nak judios.

Marcos 15:31

Apkelemhama apmaniaie sacerdotes, kakpota nhan escribas apkelvaiakmavek nak na apkelvannaikama Jesús ma'a, lhna aptaiangkok: —Apvongkaske lhta tep po'ok ha'e, evongkasakpok hatelha nhan apankek tep ha'e.

Lucas 1:35

Koka lhna aptemak mokhom ángel: —Evaiventak hata takhalhet Espíritu Santo lheia', nkapvetak hata nhan apmopvana Apto m'a apnema netne kanke nak. Ka ngkanek nematka nak apiamolhma ta kakpota nhan ngkolhek altangko Eniapom Neten apketka.

Lucas 22:63

Enenlhet apkellelto apkellanekama Jesús apkelvannaikama lhnak ma'a, kakpota nhan apkeltekpoikama,

Lucas 23:1

Apkelaqnekhek nak neten aplhamakho apkelemhama apmaniaie apkellailheiangko lhnak Jesús apkeltennaikama m'a, ka apkelpathetmo lhnak na m'a, apkeliantemekho lhnak napaqtek apveske ko Roma apvesai'a Pilato.

Lucas 4:18

«Espíritu apankok Apveske apnak tekhelhet ko'o, apiangkenkek aceite ankok epatek ko'o heliekieskama kakpota atsavkesek ma'a ania'a aktaqmanma metka nak apkeletsekama. Heiapaskek na kakpota altaqmelkeskamok apkellelto nak aknaqtevasekha nkek apvalho'ok. Kanhan aleltennaksek ania'a aktemakha nema alpaqnemekha apkellelto nak apkenmammap, altaqmelkasekhak na metka nak apaqto'ok, al·hatsoskakhak na apkellengaiangko nak akientalhnema.

Lucas 9:22

lhnak na aptemak: —Ka Enenlhet Apketka nak ennangkok hata akientalhnema aniem'o metno apketko'ok, apkelemhama apmaniaie' sacerdotes kanhan escribas. Eltaqhesok hata m'a, ellaqhek hata nhan, koka hanetolhem'a aknem hata ngkotnek apketsepma, elhatekhangvomok mokhom ma'a —lhna aptemak.

Juan 1:11

Akvai'o lhnak ma'a apieseksek annemolhema ankek ma'a, koka apkeltaknongkek noka m'a.

Juan 10:36

¿Se lha ntak hetlheno nak astevaskama apvesai'a Eniapom Neten aniem'o lhkek askeltammalhko nhan apketka apankek ma'a, he? Have niapak anke Eniapom apto hepokkanma, heiapaskama nhan ma'a.

Juan 18:28

Apkelentepkaske lhta Jesús apkelemhama apmaniaie judios apnemakha Caifas ma'a, ka apkeliantemakho lhta apnemakha ko Roma apveske apvesai'a Pilato. Ma lhtoka elentalhnak konne m'a, ngkanek nkanketke lhta atsai'akha m'a kakpota nkovak aknem aktaqmelaikama lhma ankok Pascua, ma lhta nkonmak'ak elpaisengkesek apvalho'ok napaqtek Eniapom Neten ma'a, kakpota mankollapvankek kelha elpasengvomok nentavekha aktaqmelaikama lhma nak ma'a.

Juan 18:29

Lhta ngkanek Pilato apiephongvaktamo iokhalhma, lhta aptak apkellano: —¿Se lha ntak apkeliantemanto nak enenlhet anak, se lha ngkolatsekama apkelanei'o ie, he? —lhta aptak.

Juan 19:34

Koka lhema soldado lhta apkelieplhak heva akiavai'a napokha Jesús ma'a akteiapvakmo lhta nepketama mo'ok napokha, kolhvave lhta ntepak ema apankok kakpota nhan iemmen akiepetkai'a.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Hechos 2:27

«Nkanek manheiamasangvomek lheiap akieto m'a ngkolatsenkelha apkeletsepmakha, meniangkek hata nhan ma'a nkokpelkalhkak apiempek apto apokkanma lheiap.

Hechos 4:30

Elvetaskes hata apmopvana eltaqmelkeskamok anmaska apiempeiok enenlhet'avok, elanak qaselha mongenatkeskama kanhan qaselha hempelapkeskama akieplomo apvesai'a Jesús apto apokkanma apkasennaikama lheiap —lhna aptaiangkok apkelelmalhnongkomo m'a meliaskeiam.

Hebreos 7:26

Nietavek ankek ma'a Jesús apto apiav'akha sacerdote apkaimommakpo mota ennengko'o. Apto nhan apokkenammap, metka aptemengveiakmo lhma, apkalhnai'o nhan napaqtek Eniapom Neten, mevhanekho apkellanekamok ngkollatsekama enenlhet'avok, nemo akneskekho m'a netne kankoie neten.