Hechos 3:20 - Nuevo Testamento Toba Maskoy

²⁰ Netamen hata m'a elpaieskeskamok apvalho'ok Apveske, apkapaso ta mokhom apto apkeliekieskama tep nak nanek, apto Cristo, Jesús apvesai'a m'a.

Hechos 3:20 ပူးပေါင်းရင်းမြစ်များ

Marcos 13:26

Netamen elvetak hata Enenlhet Apketka nak apkelhiaiam aiseksek iephopai'a akieplomo apmopvana kakpota nhan apientalhnemo.

Lucas 19:11

Nengaqtek nak natemma Jerusalen ma'a, apkellengai'o lhnak Jesús apkeltennaikama enenlhet'avok ma'a, atlheianmo lhnak apvalho'ok angketvai'a aptema Apveske Eniapom Neten.

Lucas 21:27

Koka moltama nkek apvalho'ok ketlhengkap apkelvet'o ta akientalhnema nak ma'a, eleliennekho toka ngkanek nengaqte nkaimelhkak nemakha al·hatsoskektanlha ketlhengkap ma'a. Elvetak hata apkelhiaiam Enenlhet Apketka nak lhema iephopai'a takhalhet akieplomo apmopvana kakpota nhan apkapommatma'.

Hechos 17:31

Eniapom Neten alhta apkeliekieskama lhema aknem kakpota eliekpelkok aktaqmanma, nlho ka la ngkollatsekama enenlhet'avok. Akietemo nkek hata etnek ma'a. Apkeliekieskamo nhan lhema enenlhet kakpota elanak ma'a, apkelvetaskeskamo lhta nhan enenlhet'avok ma'a aniem'o nhan aplhatekhaskeiam apieseksek apkenmaskengvaiakmo —lhnak aptemak Pablo.

Hechos 3:19

Ntase kolhva eliaqmongkasekha mo'ok apvalho'ok ketlhengkap, elpengkamok na apvalho'ok akieto m'a apnakha Apveske, netamen hata m'a ngkolhek anmaskeskaso apkeltemakha ngkollatsekama.

Hechos 3:21

Koka Jesús elhek hata mokhom ma'a neten akvakmo apeneso lhamakho qaselha alhnanko'ok Eniapom Neten, aptemo lhnak nanek aplheianma aniem'o apketlhenekho apkeleltennaskama ania'a apanko'ok apkelpokkanma.

2 Tesalonicenses 2:2

mellanko nkek ngkolhek aliennengkaso, mennelhtengankek na neten apkelleng'o ta ania'a akvai'a aknem apvekta apveske Jesús, apketlheno la m'a enenlhet'avok anak ania'a aniem'o apkelvetaskeskama apaqto'ok Espíritu Santo, kanhan eleltennaksek hata aktemakha nengetlhekmosekamok ennengko'o neliokho engankave kanhan vakkahak nennaktalheskeskama lhta.

2 Tesalonicenses 2:8

netamen eiephongvak hata m'a. Koka evatak hata nhan ma'a Apveske akieplomo apkapommatema, apvatepnapma ta nhan nkotvaksek ma'a, metka apiennaktema ta nhan etnek ma'a.

Hebreos 9:28

Nnavek na Cristo m'a, lhema aktema apkaiangko pankek apmatnama kakpota el·hatsoskasangkok apkellanekamok ngkollatsekama aplhamakma enenlhet'avok. Netamen ma'a evatak hata mokhom have apmahai'a elaneskasekhak apvalho'ok enenlhet'avok apkellanekamok ngkollatsekama, vanlha koka apmahai'a elvongkeskatak tep ma'a apkellelto la mota apkelel·halhanma.

Apocalipsis 1:7

Elhiemok hata Cristo aiseksek iephopai'a, etakpok hata lhmankek ham, elvetak hata nhan apkellelto lhta apkeliaqlhai'a akvakmo akteiapvakmo nepketama napokha, lhamakho apkellavakha lhmankek ham eliapqalhek hata aniem'o m'a. Hai', hata ngkotnek ma'a. Amen.