Hechos 3:13 - Nuevo Testamento Toba Maskoy

¹³ Eniapom Neten apveske apanko'ok nelieihengka nnenga Abraham, Isaak kakpota nhan Jacob, ka apkaikamok apmopvana apketka Jesús kakpota nhan aptemeskeskamo neten apankek ma'a. Apkeltaknongkongke lhtoka ketlhengkap ma'a, apkellangkongvaiakmo nhan apkelanma apmaniaie romano, niekhe apmahai'o lhta epaqnemekhak Pilato m'a.

Hechos 3:13 ပူးပေါင်းရင်းမြစ်များ

Marcos 15:11

Koka mang nak eleltemok enenlhet'avok ma'a, lhna songkek na apkelemhama apmaniaie sacerdotes lhnak apkelpaqmetkesaiangkok ma'a kakpota ngkolhek akpaknemakho Barrabas.

Lucas 22:57

—Have ko'o m'a, moiekpelkak ko'o enenlhet anak —lhnak aptemak apkatemmoiangka Pedro.

Lucas 23:4

Lhna aptemak Pilato apkanemo apveske sacerdotes kakpota nhan enenlhet'avok ma'a: —Mamma aptemakha meihamolhma apkelanai'a hengke'e enenlhet anak —lhna aptemak.

Lucas 6:37

Lhna aptemak mokhom Jesús apketlhekmoskama: —Meliekpelko nkek aptemakha la po'ok, kakpota nhan mangkolhek hata aliekpelko aptaiangkolha ketlhengkap. Metlhen na apselhnanemmap po'ok kakpota nhan mangkolhek atlheno apketselhnanemmap ketlhengkap. Eltemeskesama ta apankavek ketlhengkap apnaqtevasko la po'ok, kakpota nha ngkolhek aktemeskesangkankek ngkollatsekama apkellanekamok ketlhengkap.

Juan 12:16

Koka apkeltamesaikamok ma lhta nkotlheianvakho apvalho'ok aktemakha aklheianma ania'a aktalhesammalhka vakkahak. Koka netamen nemo aktemeskeskamo neten apankek Jesús ma'a, atlheianvekho nhan apvalho'ok aktemakha aklhenammalhka qaselha nak ma'a.

Juan 18:40

Koka apkelvenema lhta enenlhet'avok ma'a, lhta aptangkok: —Ma', have ham, Barrabas koka epaknemekha' —lhta aptangkok enenlhet'avok ma'a. Koka Barrabas apto lhta enenlhet apmenielhma.

Juan 19:11

Ka apkatemmoiangka lhna lhta Jesús ma'a, lhna lhta aptemak: —Mamma apientalhnemo lheiap elana aktakha aplheianma, koka aklhamakho akmak'akha nak ngkotnek Eniapom Neten apkeltemo. Koka apto lhta heiangkongvai'a lheiap, koka apto neten apankek meihamolhma m'a, melhnok lheiap —lhna lhta aptemak.

Juan 19:12

Netamen apkeliaikama lhna lhta Pilato kakpota epaqnemekhak Jesús ma'a, koka niangvakmek alhta apkeliaskama apatno'ok enenlhet'avok ma'a, lhta aptangkok: —Ka apaknemakho la lheiap ham, eniammelhekhak kelhaha apiav'akha apveske Roma, ngkanek Jesús elekkasekhak hata aptema apiav'akha apveske m'a kakpota eniammelhekhak ma'a —lhta aptangkok.

Juan 19:15

Koka apkelelpalhnema lhta enenlhet'avok ma'a, lhta aptangkok: —¡Etepkes, etepkes ham, eliaqlha ta apmeio'ok apmankok neten iamet aktenneskama ham! —lhta aptangkok. Koka lhta aptak mokhom Pilato: —¿Apkeleltave nlho aliaqlhak apmeiok apmankok neten iamet aktenneskama apiav'akha apveske apanko'ok anak ketlhengkap, he? Koka lhta aptangkok apkelemhama apmaniaie sacerdotes ma'a apkellatemmongka: —Have apiav'akha apveske engankok enenlhet anak ham, vanlha lhema aphapak apiav'akha apveske engankok anak ko Roma —lhta aptangkok ma'a.

Juan 7:39

Koka aptemakha lhta aplheianma Jesús ma'a aptemakha Espíritu, etlhevangkok hata m'a apkellelto la meliaskeiam. Mang koka evai'ak ma'a sekhe lhta m'a, amanie lhtoka sekhek nkaimommalhkek ngkolhek aktemeskeso apientalhnemo Jesús ma'a.

Hechos 22:14

Lhta aptak mokhom heiano: "Eniapom Neten apto apveske apanko'ok nelieihengka apkeliekiesak lheiap kakpota etneskesek apmak'akha ta etnek ma'a, kakpota etak ma'a apto apeivomo, eniailhok hata nhan aptakha la apaivoma.

Hechos 24:14

Vanlha ko'o askeliehekho Eniapom Neten apanko'ok nelieihengka, kakpota nhan asieplekama Alhnankok Amai. Koka enenlhet'avok anak apketlhengke mota Amai Alhnankok akto lhnak apasmekama enenlhet'avok ngkolatsekama hengetlhekmoskama. Ko'o koka askeliehekho nhan aklheianma vakkahak ley kakpota nhan vakkahak apanko'ok apkeleltennasemmap ania'a annenga.

Hechos 3:12

Netamen lhna aptemak Pedro apkellanemo m'a: —Ketlhengkap enenlhet ko Israel, nkeliemaskek lhek apvalho'ok apkellan'o aptaqmalveiam enenlhet anak hengke'e. Apkellanek na ketlhengkap aniem'o nenmopvanka'a engankave kanhan neltaqmelkasemmalhko ennengko'o, koka have niekhe m'a.

Hechos 3:26

Hai, Eniapom Neten alhta aplhatekhaskakmok Apketka, apkapaske lhta nhan ma'a kakpota eltaqmelkeskesek apkellaniemhaikama apmaniaie koka ketlhengkap, kakpota elvatesangkok na qaselha ngkollatsekama apkellanekamok —lhna aptemak Pedro apkellanemo enenlhet'avok ma'a.

Hechos 4:27

Hai, nelvetai'ak alhta ennengko'o m'a Herodes, Poncio Pilato, metnangko nak judios kakpota nhan israelitas apkakhaiangko nak hengke'e temma nak apkellammelhma m'a apkasennaikama lheiap apvesai'a Jesús, apto apokkanma lheiap, apto lhta nhan apkeliekieskama lheiap.

Hechos 4:30

Elvetaskes hata apmopvana eltaqmelkeskamok anmaska apiempeiok enenlhet'avok, elanak qaselha mongenatkeskama kanhan qaselha hempelapkeskama akieplomo apvesai'a Jesús apto apokkanma apkasennaikama lheiap —lhna aptaiangkok apkelelmalhnongkomo m'a meliaskeiam.

Hechos 7:32

"Ko'o asto nak Eniapom Neten apanko'ok apkelieihengka'a lheiap, Abraham, Isaak, kakpota nha Jacob", lhna aptemak. Apkelpelhiennongkek nak apkai'a Moises ma'a, man na nkomahai'ak elhengkesek apkelanei'o m'a.

Romanos 9:5

Apkellelto nhan aptavana'ak neptamen nelieihengka'a judios aptaiangko lhnak nanek neten apankavek, Cristo nhan apto aptavana'ak neptamen ma'a, apnemo nhan Eniapom Neten, aptek apveske takhalhet'ok qaselha lhma nkek ham. Hai', ntasek ankek aniavenkaskesama mota apvesai'a m'a. Amen.

Hebreos 2:9

Nne lhta nhan aktepkeso Jesús hengke'e ketse lhtoka nhan koneng apientalhnemo melhnemok ángeles, iakvatakho lhtoka m'a. Kolhva koka neliavek ma'a nlanei'avek apientalhnemo kanhan nemo ai'o aniem'o lhta apketsepma. Hai, apkeliekieskek Eniapom Neten kakpota enietsepok ennengko'o hengeliaqmoiekha aniem'o aktaqmanma nkek hengellanei'o.

Apocalipsis 1:18

Asto ehalhnankok, asketsepme lhta ko'o sekhe lhta, kolhva koka astakhek ehalhnankok metka akvaiam annelha ta aliekaikamok iantelhkapa, nietnek na llave ankok ngkolatsenkolha apkeletsepma.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.