Hechos 28:7 - Nuevo Testamento Toba Maskoy

⁷ Nietne lhta m'a akiakiengveiam anak lhepop iemmen nekhav'ak, iokhalhma apankok na lhema enenlhet apto neten apiaspommap ma'a apvesai'a Publio. Hengenme lhta takha m'a, ntase lhta nhan hengellanei'o m'a. Nennaqteno nhan apnemakha m'a akvakmo hanetolhem'a aknem.

Hechos 28:7 ပူးပေါင်းရင်းမြစ်များ

Hechos 13:7

Ka aptemo lhnak na mota aplhelhma gobernador apvesai'a Sergio Paulo, apto nhan neten apankek apiangveiakmo m'a. Ka apkeltemo lhnak gobernador ngkolhek akiantemantamo Bernabe kakpota nhan Saulo, apmahai'avek nak eniailhok ania'a aplhenammap Eniapom Neten.

Hechos 18:12

Netamen ma'a aptaiekho lhnak gobernador natemma Acaya lhema enenlhet apvesai'a Galion, apkaqnekho lhnak moklhem'a judios apkellammelhma Pablo, ka apkeliantemekho lhnak akieto aliekpelkammalhkelha nentaiangkolha m'a,

Hechos 28:2

Ntase lhta hengellanei'o enenlhet apkellavakha nak ma'a, hengelvatneskasengko lhta nhan talha m'a, ka hengellavenka lhta apkeleltemo angelelhtangvomok talha m'a, semange lhta, iemmen atko'ok alhta nhan.

Hechos 28:6

Ma lhta elienieskasakhak apaqto'ok enenlhet apkellanekama Pablo m'a, apkelel·halhno lhta kolhvavek hata nkoiephek, enietsepok hatelha nhan Pablo m'a, koka mamma lhta aktakha m'a. Kolhvave lhta niaqmokhak aktakha atlheianma apvalho'ok, ka apketlheno Pablo apto malha dios.

Hechos 28:8

Apiapom Publio apietnengke lhta apietnemakha m'a nemmaskema akmelhanma eniempehek alhta ngkaqhemak kakpota nhan nenianma. Ka apteteskakmo Pablo m'a apkenmalhneskaso lhta, netamen apnengkeno nhan apmeio'ok takhaplhet ma'a, ka aptaqmelakho lhta nhan apiapom alhta m'a.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

Hebreos 13:2

Eltaqmelkaso ta nhan apkenmaikamok takha aptaikamok la amaika'a apkakhaiangkelha. Kotlheianvakho ta mota apvalho'ok moklhem'a lhnak apkenmaiangkok takha ángeles neksa meliamo m'a.