Hechos 28:25 - Nuevo Testamento Toba Maskoy

²⁵ Ma lhta nhan nkolhok mo'ok apvalho'ok ma'a, ka apkellempo lhta nhan apkelieniekha napokha m'a, koka lhta aptak Pablo apkellano: —Have na niapak aptemakha aplheianma Espíritu Santo aniem'o apmaikama apkeltennasemmap ania'a Isaias aptaiangkolha nelieihengka'a, lhnak nanek aptemak apkanemo m'a:

Hechos 28:25 ပူးပေါင်းရင်းမြစ်များ

Marcos 7:6

Ka apkatemmoiangka lhnak Jesús ma'a, lhna aptemak: —¡Hengiennengkeskama niapma'ak ketlhengkap! Have niapak anke apketlheianmo lhnak nanek Isaias annenga ketlhengkap: «Apkeltaikama apankek heleliehekho enenlhet'avok anak, mok apatno'ok koka, taiepe koka nhan aknangkolha apvalho'ok.

Hechos 28:24

Moklhem'a lhta enenlhet'avok nkellekvakmok apvalho'ok, napokha lhtoka apkeliaskakmek ma'a.

Hechos 28:26

«Eniakha ha'e, eleltennes hata enenlhet'avok ha'e: Nkaqhok hata ellengak, mankovhek hata apkeliangveiakmo, ellanhok hata niekhe, malha melan'o ta nhan etnangkok.

Hechos 8:29

Koka lhna aptemak apkanemo Espíritu Felipe: —Eteteskakho no nekha koleto nak —lhna aptemak.

Hebreos 3:7

Ka nkeniemai'ak na ntasek angelleltakmelkaso angellailhok aktemakha aplheianma Espíritu Santo aktalhesammalhka Vakkahak Eniapom Neten apaivoma, ka aptemak hengke'e: «Apkelleng'o la Eniapom Neten apaivoma aknema anak,

2 Pedro 1:21

Apkeleltennasemmap ania'a nnenga metlheianmak na apanko'ok apankavek la ania'a, Eniapom Neten koka apkellaikamok apaivoma m'a kakpota etlhenek ma'a, aniem'o nhan apkenmaikama Espíritu Santo.