Hechos 27:31 - Nuevo Testamento Toba Maskoy

³¹ Apvetangke lhta Pablo m'a apkenmak'akha etnangkok niekhe, lhta aptak Pablo apkellano kempokhakme kakpota nhan capitan apankok ma'a, lhta aptak: —Ka apkeniangko la apkenmakmekama nak loma nemmen, melvomek tep ketlhengkap —lhta aptak apkellano.

Hechos 27:31 ပူးပေါင်းရင်းမြစ်များ

Juan 6:37

Lhamakho apkellelto lhta Eniapom hellaikamok apkeltemo altakmelkesek, helioktanie lhta ko'o, moltaqhesehek hata nhan ma'a.

Hechos 27:11

Koka apto apankok loma nemmen kakpota nhan apkennengkasekama aplhengkeskama loma nemmen alhta, avanhe lhta apkeleltemo ellempekhok mokhom apketlhengama m'a, lhta aptangkok: —Mangkolatsema angaqhangkok hengke'e iokhalhma nak ngkanek nengaqtek ieiam apvalhok songke', ntasek angetlhong mokhom ma'a akvakmo m'a aknangkongvekhelha loma nemmen Fenice akieto iokhalhma Creta, nenganmelhmo m'a sudoeste kanhan noroeste, ka ntasek angaqhengvakhak ma'a apvalhok apieiam la'a —lhta aptangkok ma'a. Nlekave lhta apvalhok capitan aptangkolha apketlheianma enenlhet'avok ma'a, ma lhtoka eniailhok aktakha aplheianma Pablo m'a.

Hechos 27:30

Koka apkellelto lhta apkenmakmekama loma nemmen apkenmak'a lhta enieniangkok ma'a, ka apkellentepkaso lhta niekhek loma nemmen atkok nengvaiam tep ankok ma'a, apketlheno elienio'ok niekhe' nemmen tavapok aknaktetemmalhka' akieto avahek loma nemmen, apkenmopvana ania'a lhtoka, apkenmahai'a enieniangkok koka niekhe.

Hechos 27:32

Koka apkeliaqtemenangko lhta kempokhakme tama' m'a aknaktetemmalhka loma nemmen atkok, ka akteiakmo lhta nemmen ma'a, aksavo lhta mokhek iemmen ma'a.

Hechos 27:44

Lhtoka mankollapvanko la enmankok iemmen, apkelto lhta enmankok iamet akpaihema m'a. Netamen nenlhamakho lhta nelvakmok neiava iemmen ma'a, ntase lhta nelvaiam ma'a.