Hechos 27:24 - Nuevo Testamento Toba Maskoy

²⁴ lhke ptak heiano: "Menia nkoie' Pablo, Eniapom Neten hata evongkesek tep lheiap kakpota nhan apketlhelhma'ak aniem'o lheiap, ngkanek nkaimelhkek elhong mokhom lheiap napaqtek apnakha apiav'akha apveske Romano", lhke aptak heiano ángel.

Hechos 27:24 ပူးပေါင်းရင်းမြစ်များ

Juan 11:9

Ka apkellatemmongka lhta Jesús ma'a, lhta aptak: —Mompelapmek aknem ankek la'a, 12 hora atsai'a na lhma, nketsak'ave lhma amai,

Hechos 19:21

Netamen ma'a, apmahai'o etnek amaika'a Pablo iokhalhma Macedonia kakpota nhan Acaya, netamen mokhom ma'a Jerusalen, ka tep ma'a apmahai'o emhangkok iokhalhma Roma.

Hechos 23:11

Po'ok pelhasep na lhta aptemak ma'a, apteiapvei'o lhna lhta Apveske napaqtek Pablo ma'a, lhna lhta aptemak apkanemo: —Eiennekho Pablo, ntasek helheianmo lheiap asvesai'a hengke'e aktemakha lhta nhan hetai'a Jerusalen anak, hata nhan emhangkok ma'a akieto Roma, elheianvomok na asvesai'a m'a —lhna lhta aptemak.

Hechos 25:11

Lhta sto la askelanai'a ngkolatsekama, nietavek angvetsepok, koka aptangko la apkenmopvanka ania'a hetlheianma enenlhet'avok anak, mankoieto lheiap hellangkongvomok ma'a. Askeltave ko'o hellapaksek napaqtek apiav'akha apveske romano kakpota heiekpelkok ma'a —lhna aptemak Pablo.

Hechos 27:31

Apvetangke lhta Pablo m'a apkenmak'akha etnangkok niekhe, lhta aptak Pablo apkellano kempokhakme kakpota nhan capitan apankok ma'a, lhta aptak: —Ka apkeniangko la apkenmakmekama nak loma nemmen, melvomek tep ketlhengkap —lhta aptak apkellano.

Hechos 27:37

276 enenlhet'avok alhta m'a konne loma nemmen.

Hechos 27:42

Koka kempokhakme apkenmak'o lhta niekhe ennapok apkellelto apkenmammap ma'a kakpota menieniangkek enmankok nemmen ma'a.

Hechos 27:44

Lhtoka mankollapvanko la enmankok iemmen, apkelto lhta enmankok iamet akpaihema m'a. Netamen nenlhamakho lhta nelvakmok neiava iemmen ma'a, ntase lhta nelvaiam ma'a.

Hechos 9:15

Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Filemon 1:22

Hepeneskaso ta nhan lheiap asnemakha la'a, avatak hatelha ham astema la amaika'a, eniatemmohok hatelha Eniapom Neten apkelelmalhnongkoma mota ketlhengkap asmeiakho ta ko'o ham.

Santiago 5:16

Ka ngkanek na ntasek etlhenek moklhem'a apnaqtevaskama la po'ok apieseksek anak ketlhengkap ham. Elelmalhneskes hata nhan po'ok ham kakpota ngkolhek altakmelkeskakmo m'a neksa apkellengaiangko anmaska apiempeiok, ka enenlhet la apeivomo nietnek akmovana apkenmalhnongkoma.

Apocalipsis 1:17

Asiaqnenke lhta ko'o akieto apmanko'ok akpelapkeso asvetai'a m'a, malha asketsepma lhta stak. Ka apekkeno lhta apmek akiennakha tekhelhet ko'o, lhta aptak heiano: —Meniaga, ko'o asto enemelha kanhan aktakha nnelha.