Hechos 27:1 - Nuevo Testamento Toba Maskoy

¹ Netamen ma'a, apkellelto apkelemhama apmaniaie apkenmak'o lhta hengellapaksek ma'a akieto Italia lhema loma nemmen akiavai'a. Apkellangkongvakme lhta nhan ma'a Pablo kakpota nhan apnaqtemommap lhemek lhema capitan apvesai'a lhta Julio, apveske lhta nhan ma'a kempokhakme apankok Cesar.

Hechos 27:1 ပူးပေါင်းရင်းမြစ်များ

Lucas 23:47

Apvetai'o lhnak capitan Romano m'a, apiavenkaskesaiangka lhnak apvesai'a Eniapom Neten, lhna aptemak: —Have na niapak enenlhet anak mamma aptemengveiakmo lhma —lhna aptemak.

Lucas 7:2

Aplomaka lhnak ma'a lhema capitan romano, nemmaskema lhnak ngkaqhemak apkennengkasekama m'a, nkaikama lhnak apketsepma m'a. Avanhek ankek nak apkamelaiam apkennengkasekama capitan ma'a.

Hechos 10:1

Apnengkek nak lhema enenlhet natemma Cesarea apvesai'a Cornelio, capitan nak ma'a apto nhan aplaqlekama kempokhakme apkelvesai'a Italiano.

Hechos 10:22

Ka apkellatemmoiangka lhnak enenlhet, lhna aptaiangkok: —Capitan Cornelio lhta hengellapaskama ennengko'o apkeltemo angeliama lheiap kakpota etlhekmoskakhak ma'a. Apto nak enenlhet apeivomo m'a, apkeliehekho nhan Eniapom Neten, enenlhet'avok judios avanhek ankek apketlheianma mota apiamolhma apankek ma'a Cornelio. Ka nkeniemai'ak ma'a apakmetkeskamo lhna lhta lhema ángel apokkenammap kakpota hengellapaksek ennengko'o hengke'e —lhna aptaiangkok ma'a.

Hechos 16:10

Ka akmaskemo lhnak akvetai'a apaqtek Pablo m'a, netamen neliangvakho lhta nhan ennengko'o m'a Eniapom Neten apkeltema angenmeiakhak ma'a Macedonia kakpota angelleltennaksek ania'a aktaqmanma m'a. Ka nellanakho lhta kolhvave ankek nelletsekama, netlhengo lhta nhan ma'a.

Hechos 18:2

Apvetangvekho lhnak lhema judio apvesai'a Aquila, apteiaianlha apankek nak ma'a iokhalhma Ponto. Man na nkovenaktemak apvaiam ma'a, aplhelhma lhnak na aptava akvesai'a Priscila, lhna nkeniemai'ak nkolentepok Italia m'a. Apiav'akha apveske lhna apsongkek apvesai'a Claudio apkeleltemo elentepok ma'a lhamakho judios akieto Roma. Ka apmeiekho lhnak Pablo aptema amaika'a m'a akhangkolha,

Hechos 19:21

Netamen ma'a, apmahai'o etnek amaika'a Pablo iokhalhma Macedonia kakpota nhan Acaya, netamen mokhom ma'a Jerusalen, ka tep ma'a apmahai'o emhangkok iokhalhma Roma.

Hechos 21:32

Ka apkellankesakho lhta soldados apanko'ok ma'a kakpota nhan po'ok apkelemhama apmaniaie soldados, apkeletkakho lhta m'a akieto aktepakha akmaska. Ka apkelvet'o lhta enenlhet'avok apkelvo'o soldados ma'a, apkelvatesangke lhta apkeltekpoikama Pablo m'a.

Hechos 22:26

Aplengai'ak na lhta capitan, apmeiekho lhna lhta apnakha apveske apankek ma'a, lhna lhta aptemak apkanemo: "¡Eniaho ta apmak'akha nak etnek apkelanei'o enenlhet anak, romano lhnak lhek ham!"

Hechos 23:11

Po'ok pelhasep na lhta aptemak ma'a, apteiapvei'o lhna lhta Apveske napaqtek Pablo ma'a, lhna lhta aptemak apkanemo: —Eiennekho Pablo, ntasek helheianmo lheiap asvesai'a hengke'e aktemakha lhta nhan hetai'a Jerusalen anak, hata nhan emhangkok ma'a akieto Roma, elheianvomok na asvesai'a m'a —lhna lhta aptemak.

Hechos 23:17

Netamen Pablo m'a apkaveiangka lhna lhta apto aptetekamok apveske soldados, lhna lhta aptemak: —Eiantemekha ta apketkok anak napaqte apveske apanke, ietnek lhema ania'a aplheianma ma'a —lhna lhta aptemak.

Hechos 24:23

Netamen na lhta m'a apkaveiangka lhna lhta Felix capitan soldados kakpota etalhneksek Pablo konne nenmammalhkelha m'a. Apkaiangkavek noka nhan ngkolhek aktokho amaika'a apnakha kakpota ngkolhek na aktakmelkaso m'a.

Hechos 25:12

Aplengai'ak nak Festo aptemakha apaivoma Pablo ka apkankesekho lhnak enenlhet'avok apanko'ok nema apkeliamo kakpota eliohok aktakha aklhenakha apvalho'ok. Ka netamen ma'a lhna aptemak Festo apkanemo Pablo: —Henmalhnema lhkek lheiap apmahai'a eniakhak apnakha apiav'akha apveske romano kakpota eiekpelkok ma'a, angvapaksek hata m'a —lhna aptemak.

Hechos 25:25

Koka motai'ak ko'o aptemengveiakmo la lhma enenlhet anak kakpota nkoietok askaqhema la'a. Angvapaksek hata apnakha m'a apiav'akha apveske romano kakpota eiekpelkakpok ma'a ngkanek aptema apanke lhta nhan angvapaksek ma'a.

Hechos 27:11

Koka apto apankok loma nemmen kakpota nhan apkennengkasekama aplhengkeskama loma nemmen alhta, avanhe lhta apkeleltemo ellempekhok mokhom apketlhengama m'a, lhta aptangkok: —Mangkolatsema angaqhangkok hengke'e iokhalhma nak ngkanek nengaqtek ieiam apvalhok songke', ntasek angetlhong mokhom ma'a akvakmo m'a aknangkongvekhelha loma nemmen Fenice akieto iokhalhma Creta, nenganmelhmo m'a sudoeste kanhan noroeste, ka ntasek angaqhengvakhak ma'a apvalhok apieiam la'a —lhta aptangkok ma'a. Nlekave lhta apvalhok capitan aptangkolha apketlheianma enenlhet'avok ma'a, ma lhtoka eniailhok aktakha aplheianma Pablo m'a.

Hechos 27:43

Koka capitan ma lhta eltok ngkolhek annapo m'a, ngkanek apkeltave lhta evongkesek tep Pablo. Ka apkelto lhta ennelhtong nemmen apmaniaie apkenmopvanka'a la enmankok iemmen, kakpota enmankok akiemak'akha lhma neiava iemmen.

Hechos 27:6

Koka m'a apvet'o lhta capitan lhema loma nemmen akiavai'a ampo'o iokhalhma Alejandria akmeiekha Italia, ka apkelto lhta angelkanetvomok ma'a kakpota angetlhong mokhom.

Hechos 28:1

Neksa nelvaiam alhta tep ma'a neiava alvata, nellengai'ak alhta mok akvesai'a m'a Malta akiakiengveiam lhepop anak.

Hechos 28:16

Koka apkellelto lhta apkelemhama apmaniaie ko Roma, ma lhta ellaqlhengkeskamak nengaqlhengkasemmalhkelha Pablo m'a, apkellangke lhta lhema pa'at Pablo kakpota elhek ma'a, lhema kempokhakme lhta apkelanekama m'a.

Hebreos 13:24

Smak'ak asaksek aklheianma evalhok aplhamakho apkelemhama apmaniaie apanko'ok ham kakpota nhan aplhamakho apkellelto apkelpokkenammap, nketlhenkek na apvalho'ok engelialheng'a ko Italia.