Hechos 26:6 - Nuevo Testamento Toba Maskoy

^6-7 Koka kolhvave nak heliantemantek napaqtek lheiap judios anak kakpota heiekpelkok lheiap aniem'o m'a al·halhnekama evalhok atak hata lhema apaivoma apkellaiangko lhnak nanek Eniapom Neten nelieihengka aktemakha ngkotnek hata m'a. Alel·halhneiangka nhan apvalho'ok 12 apkelpasmekha apketkak neptamen Israel elvetak hata m'a, ka nkanek apkellasennaikama mota lhamakho aknem kanhan pelhasep akvakmo akvo'o ta m'a.

Hechos 26:6 ပူးပေါင်းရင်းမြစ်များ

Hechos 23:6

Nlheianvekhek na lhta apvalhok Pablo apieseksek apkelemhama apmaniaie' apkakhaiangko m'a moklhem'a saduceos kakpota nhan fariseos. Ka apiennakteskamo lhna lhta apaivoma Pablo m'a akieto apkaknaiankolha apkelientalhnakha apkelveskaie, lhna lhta aptemak: —Elialheng'a, ko'o asto nhan Fariseo akvakho askellokha nemmalhka, apkenmak'a mota hetlhenek aselhnanemmalhka ngkanek al·halhnekama evalhok atak hata nennaklhatekhangveianlha apieseksek apkenmaskengvaiakmo —lhna lhta aptemak.

Hechos 24:15

Al·halhnekama evalhok atak hata Eniapom Neten enaklhatekhaskamok enenlhet'avok apieseksek apkenmaskengvaiakmo, apkellelto nak apkelpeivomo kanha melpeivomo. Ka enenlhet'avok anak fariseos meliaskeiakmok na alheno nak.

Hechos 24:21

Vanlha asiennakteso lhta aspaioma napaqtavek ma'a ngkanek apkenmak'o lhta hetselhnanak ma'a aniem'o moi'askeiam nennaklhatekhangveianlha ta apieseksek apkenmaskengvaiakmo —lhna lhta aptemak Pablo m'a.

Hechos 26:8

¡Ketlhengkap koka apkeliaskeiakmek Eniapom Neten apmopvana enaqlhatekhaskamok apieseksek apkenmaskengvaiakmok enenlhet'avok!

Hechos 28:20

Ka ngkanek allavama ketlhengkap kakpota aliekpelkok, alpaqmetkesama nhan, asmalhkek ko'o nnek henakteto knonemaie cadenas ngkanek al·halhnekama evalhok atak hata aktaqmanma, nnavek na askeltemo lhemek israelitas —lhta aptak Pablo apkellano.

Hechos 3:24

Ampai'akha sekhek anke lhta apkeltennasemmap ania'a Samuel annenga kakpota nhan po'ok apkeleltennasemmap ania'a apketlheiam neptamen ma'a apketlheianmo m'a aktemakha nak nelvetai'a ennengko'o kolhvave nak.

Romanos 15:8

Asmak'ak aleltennaksek ketlhengkap lhema qaselha, apvai'a lhta Cristo kakpota etnek apkellasennaikama apkellelto nak apkelieplavkeskama aliaqtemenammalhka nekhatko'ok apkellammelhakha. Apieplavkeskamo nhan aptemakha lhnak nanek apeneskamo apaivoma Eniapom Neten aplheianma apkeleltennaskamo nelieihengka'a kakpota elvetaskesek na iokhalhmek ankek aplheianmo lhnak nanek Eniapom Neten.

Galatas 4:4

Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,