Hechos 26:5 - Nuevo Testamento Toba Maskoy

⁵ Apkeliamavek mota astemo fariseo m'a, ¡elelmalhnamano ta enenlhet, etlhenek hata m'a! Ennengko'o nengelto fariseos avanhek hengeliatekho henganemakha enganko'ok, mangkolhnok ma'a po'ok anak apasmekha.

Hechos 26:5 ပူးပေါင်းရင်းမြစ်များ

Hechos 15:5

Koka moklhem'a lhnak Fariseos apkakhaiangkok nak na m'a apkellelto meliaskeiam Jesús, apkelaqnekho lhnak neten, lhna aptaiangkok ma'a: —Nkaimelhkek angeliaqtemenkeskasangkok nekha tkok apkellammelhakha m'a metnangko nak judios, angelleltok na elieplavkesek aktemakha nak ley Moises —lhna aptaiangkok ma'a.

Hechos 22:3

—Ko'o nak asto judio apanke, asteiaianlha na temma Tarso akieto konne iokhalhma Cilicia. Asvanekanlha nke'e Jerusalen anak, ka heltameskama nentalheskama hengetlhekmoskama apvesai'a Gamaliel, ka heltameskama ko'o m'a askeliehekho ley apanko'ok nelieihengka. Vanlha mota askelienlhaneiakmo aliehekhok Eniapom Neten, ka aptaiangkolha nak ketlhengkap.

Hechos 22:5

Apkeliavek apiav'akha sacerdote kakpota nhan metno apketko'ok have niapak anke astakha lhkek alheianma ngkanek hellaikamo lhta mota vakkahak kakpota asakhak ma'a apkakhangkelha' apkelemhama apmaniaie' judios ko Damasco kakpota hellangkoho' alpathetek apkellelto Jesucristo apkennemolhema kakpota nhan alaqlantak hengke'e Jerusalen kakpota alleltekpoma apiempeiok.

Hechos 23:6

Nlheianvekhek na lhta apvalhok Pablo apieseksek apkelemhama apmaniaie' apkakhaiangko m'a moklhem'a saduceos kakpota nhan fariseos. Ka apiennakteskamo lhna lhta apaivoma Pablo m'a akieto apkaknaiankolha apkelientalhnakha apkelveskaie, lhna lhta aptemak: —Elialheng'a, ko'o asto nhan Fariseo akvakho askellokha nemmalhka, apkenmak'a mota hetlhenek aselhnanemmalhka ngkanek al·halhnekama evalhok atak hata nennaklhatekhangveianlha apieseksek apkenmaskengvaiakmo —lhna lhta aptemak.

Hechos 24:14

Vanlha ko'o askeliehekho Eniapom Neten apanko'ok nelieihengka, kakpota nhan asieplekama Alhnankok Amai. Koka enenlhet'avok anak apketlhengke mota Amai Alhnankok akto lhnak apasmekama enenlhet'avok ngkolatsekama hengetlhekmoskama. Ko'o koka askeliehekho nhan aklheianma vakkahak ley kakpota nhan vakkahak apanko'ok apkeleltennasemmap ania'a annenga.

Hechos 24:5

Ka enenlhet anak meiholhma pankek ham, lhamakho iempehek aptepkeskama akmaska mota apkeliaiesekho nhan judios. Apto nhan apkemhama apmanie lhema apasmekama enenlhet'avok hengetlhekmoskama ngkolatsekama apkelvesai'a Nazarenos.