Hechos 26:24 - Nuevo Testamento Toba Maskoy

²⁴ Koka lhna aptemak Festo apiennakteskamo apaivoma m'a, lhna aptemak: —Pablo, malha anema lheiap aniem'o lhamakho apiangveiakmo —lhna aptemak.

Hechos 26:24 ပူးပေါင်းရင်းမြစ်များ

Marcos 3:21

Allengai'o lhnak ania'a apkennemolhema apankek Jesús ma'a, aleltaiangko lhnak malha anema m'a. Ka anmeiekho lhnak apnakha kakpota nkolaqlosengvakhak ma'a.

Juan 7:15

Nkelpelapkaske lhta apkelleng'o apkelemhama apmaniaie judios ma'a, lhta aptangkok: —Meltamesammakpok henganemakha engankok anak ha'e, niehe aptemakha apiangveiakmo nak —lhta aptangkok.

Juan 8:48

Koka lhta aptangkok enenlhet'avok ma'a: —Have niapak netlheno nak, Samaritano kasekapok av'alhok akmaikama lheiap —lhta aptangkok.

Juan 8:52

Lhta aptangkok mokhom enenlhet'avok ma'a: —¿Se lha ntak aplheno nak melletsepek hata apkellasekhai'o la lheiap? Neten apankek apmahai'a etnama lheiap, apkeletsepmek nak nanek ma'a nelieihengka Abraham kakpota nhan apkeleltennasemmap ania'a annenga, lheiap koka apmahai'a etnama neten apankek, neliavek kolhvave nak kasekapok av'alhok akmaikama lheiap —lhta aptangkok enenlhet.

Hechos 17:32

Neksa apkellengai'a lhnak enenlhet'avok aktemakha nennaklhatekhangveianlha apieseksek apkenmaskengvaiakmo, ka apkeliematkesaiangka lhnak Pablo m'a, lhnak aptemak po'ok: —Mo'ok aknem hata angetlhengkasekhok mokhom nellailhemo aktemakha aplheno nak lheiap —lhnak aptaiangkok ma'a.

Hechos 22:1

—Ellailhonoho elialheng'a kakpota nhan eniapma'ak asmak'ak angvasennalhko ehenkek alhenek napaqtavek ketlhengkap —lhta aptak Pablo.

Hechos 24:25

Apkeleltennaseiangka lhna lhta nentemakha antek nempeivomo, aktemakha nhan metka nellanai'a nenmak'akha antehek, ka aplheno nhan nkovak hata aknem apkeliekpelkemo Eniapom Neten apkeltemakha enenlhet'avok lhmankek ham. Ka aknelhtengkeskamo lhna lhta neten apvalhok Felix neksa aplengai'a m'a, lhna lhta aptemak apkanemo Pablo: —Vanlha, mo'ok aknem hata angvavama mokhom lheiap kakpota apaqmetkeskata —lhna lhta aptemak Felix.

Hechos 24:27

Hanet iantelhkapa lhna lhta niekai'ak ma'a, ka apteiapmo lhna lhta Felix aptema gobernador, apiaqmongkeskamo lhna lhta Porcio Festo. Man noka epaqnemekha Felix Pablo m'a ngkanek apkeltemo lhna lhta nkollekkasama apvalho'ok judios aptemakha apmakmekama m'a.

Hechos 26:11

Askeliaqpelhketaiangke mota apiempeiok akietemelha la apkaqnekhelha, askeltemo elvatesangkok aptaikamok meliaskeiam Jesús. Asmenlhenaikama akvakho mo'ok apkellavakha ngkanek avanhe lhta apkenmopaska askellanei'o m'a.

1 Corintios 1:23

Ennengko'o koka neleltennaskek ania'a Cristo apketsepma lhta neten iamet aktenneskama, apkeltaknevakkek koka judios ania'a nak, aktaikama nkek koka apkellanemak ania'a nak metnangko nak judios.

1 Corintios 4:10

Netlhenalhkek na ennengko'o metka enqatko'ok aniem'o nellasennaikama Cristo, ketlhengkap koka apkeltemeskaskek Cristo nema apkeliamo. Netlhenalhkek na ennengko'o nengelelto mongeliennaktema, ketlhengkap koka apkeliennaktema. Manghengellak'ok na enenlhet'avok, ketlhengkap koka apkellak'ok ma'a.

2 Corintios 5:13

Malha lhnak ennengko'o alanema lhna aptaiangkok enenlhet hengetlheianmo aniem'o nhan hengellasennaikama Eniapom Neten, have koka niekhe ennengko'o alanema, vanlha koka nenmahai'o angeltakmelkeskesek apkellangiemhaikama ketlhengkap ham.

2 Timoteo 3:15

Ampai'o lhta aptemakha nematka apiangveiakmo lheiap ma'a Vakkahak anak aktaqmanma Eniapom Neten Apaivoma, akmovana nhan nkotlhekmoksek lheiap ma'a aktemakha apvongkasemmap tep aniem'o nhan mei'askeiam Cristo Jesús.