Hechos 26:18 - Nuevo Testamento Toba Maskoy

¹⁸ Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Hechos 26:18 ပူးပေါင်းရင်းမြစ်များ

Lucas 1:77

Eleltennasama ta enenlhet'avok ko Israel Eniapom Neten hata etneskesama apankek meleliehekho apkellaskamakha m'a, elvongkesek hata nhan tep ma'a.

Lucas 1:79

kakpota nkapommetek apkellelto apkelloma akiavai'a ienaqtesakha lhma kanhan nengetsepma peskeska nkok. Apmahai'a nhan hengelvetaskesek amai akvesai'a aktaqmelaikama engvalho'ok —lhna aptemak Zacarias.

Lucas 2:32

Etnek hata malha apkapommatema apketsaskeskama lhma m'a apieseksek metnangko nak judios, ellakpok hata enenlhet'avok ko israel apkennemolhema apankek lheiap —lhna aptemak Simeon.

Lucas 24:45

Ka apkelpeiveskasekho lhnak ma'a kakpota eliangvomhok aktemakha aktalhesammalhka Vakkahak Eniapom neten Apaivoma,

Lucas 24:47

Nkolhek hata aleltennasengka apvesai'a lhamakho apkellavakha halhmankek ham, hata ellempak hengke'e Jerusalen kakpota eliaqmongkasekhak na mo'ok apvalho'ok enenlhet'avok kakpota Eniapom Neten etneskesama apankek meleliehekho nak apkellaskamakha, lhna ntemak na ania'a m'a.

Lucas 4:18

«Espíritu apankok Apveske apnak tekhelhet ko'o, apiangkenkek aceite ankok epatek ko'o heliekieskama kakpota atsavkesek ma'a ania'a aktaqmanma metka nak apkeletsekama. Heiapaskek na kakpota altaqmelkeskamok apkellelto nak aknaqtevasekha nkek apvalho'ok. Kanhan aleltennaksek ania'a aktemakha nema alpaqnemekha apkellelto nak apkenmammap, altaqmelkasekhak na metka nak apaqto'ok, al·hatsoskakhak na apkellengaiangko nak akientalhnema.

Juan 17:17

Etneskesamok apkelpokkanma lheiap aniem'o apaivoma akto have niapak ankek.

Juan 4:10

Ka apkatemmoiangka lhna lhta Jesús ma'a, lhna lhta aptemak: —Mangheiekpelkak lheia', mankoihek na apmak'akha eniangkok hata lheia' Eniapom Neten. Ko lhtema nak heiekpelkema lheia', henmalhnama nlho lhkek iemmen kakpo lhkek na angvangkok iemmen aktaqmanma akmases anko ie' —lhna lhta aptemak.

Juan 4:14

Koka enenlhet apiama nak iemmen askaikamok anak ko'o, meimakiek hata mokhom. Nkotepangkok hata mota iemmen konne apvalhok, ngkankok hata nhan akiennaktema apneniek mankotnengvaianlha nnelha —lhna lhta aptemak Jesús.

Juan 8:12

Lhta aptak mokhom Jesús apkellano enenlhet: —Ko'o asto malha apommatema apieseksek enenlhet'avok apkellokha la'a, apkellelto la helieplekama nkolhnangkok hata apommatema hengaikamok akiennaktema enneniek, melloka ta ienaqtesakha lhma —lhta aptak.

Juan 9:39

Koka lhta aptak apkano mokhom Jesús: —Asva'ak ko'o asmahai'a aliekpelkok enenlhet'avok aptaiangkolha ngkolatsekama nlho ka la aktaqmanma. Alvetaskesekhak na lhma mokhom metka apaqto'ok la'a, atneskasokhak hato ka malha metka apaqto'ok apkellelto nak apkelvetai'a lhma —lhta aptak Jesús.

Juan 9:5

Neksa asnema apieseksek ketlhengkap, ko'o asto askaponmatma asketsaskeskama lhma' nhan —lhta aptak Jesús.

Hechos 10:43

Apketlheianmek nak nanek na apkeleltennasemmap ania'a Eniapom Neten etneskesama lhna lhta apankek meleliehekho apkellaskamakha apkellelto la meliaskeiam apvesai'a Jesús ma'a —lhna aptemak apkellanemo Pedro enenlhet'avok ma'a.

Hechos 13:47

Apveske lhnak nanek apkeltemo antehek ma'a, lhna aptemak: «Askapaskek lheiap kakpota etnek malha apkapommatema lhmankek ham, etso'ok hata ania'a m'a askelvongkeskama ta tep aplhamakho enenlhet'avok akvakmo nnelha lhepop lhma nkek ham», lhnak nanek aptemak.

Hechos 15:9

Nennavek ennengko'o m'a metnangko nak judios anak, apkellalhnaskaskek apvalho'ok Eniapom Neten ma'a apkellelto nak meliaskeiam, nnavek na ennengko'o m'a.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 20:32

Kolhva koka askenmalhnema Eniapom Neten eltaqmelkesek ketlhengkap elialheng'a aniem'o ania'a aktaqmanma hengamelaiam altakmelkeskeskama ta apkellaniemhaikama. Nietnek na apmopvana m'a kakpota elvanengkeskesek na apvalho'ok meliaskeiam, hata nhan ellangkok ketlhengkap ma'a aplheianmo lhta apaivoma ellangkok apkelpasmekha nhan apkelpokkanma.

Hechos 26:19

Lhta ntak akvetai'a ehaqtek aniem'o neten Apveske Agripa, netamen askeliahakhave lhta nhan ma'a.

Hechos 26:23

Enietsepok na lhta Cristo, netamen elhatekhangvomok na lhta nhan mokhom ma'a, apmanie lhna lhta ngkotnek aplhatekhangveiam ma'a, netamen na lhta nhan elpaiaksek ania'a aktemakha atsai'o lhma judios kakpota nhan metnangko nak judios —lhna aptemak Pablo apkasennammakpo pankek ma'a.

Hechos 3:19

Ntase kolhva eliaqmongkasekha mo'ok apvalho'ok ketlhengkap, elpengkamok na apvalho'ok akieto m'a apnakha Apveske, netamen hata m'a ngkolhek anmaskeskaso apkeltemakha ngkollatsekama.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

1 Corintios 1:2

Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

2 Corintios 6:14

Meliepetkangvom ankek ketlhengkap apkeliaskeiam anak, mankapvankek epasmekhak apeivomo kakpota nhan mepeivomo, mankavankek na nkopasmekhak apommatema ka nhan ienaqtesa lhma nak.

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Galatas 3:14

Ntemenke lhta m'a kakpota nkovak na takhaplhet'ok metnangko nak judios apaivoma apeneskamo lhnak nanek Eniapom Neten eltaqmelkeskesek apkellangiemhaikama Abraham, netlhevai'ak ma'a Espíritu apankok Eniapom Neten aniem'o mongeliaskeiam Cristo Jesús.

Galatas 3:2

¡Kolketamama koka apvalho'ok ketlhengkap! ¿Apketlhevai'a nke nlho Espíritu aniem'o ley, he? ¡Mma'! Vanlha apketlhevaiangko Espíritu aniem'o meliaskeiam ania'a aplhenammap Cristo.

Efesios 1:11

Hengeliekieskamo lhnak nanek na Eniapom Neten kakpota hengellangkok hata qaselha apmahai'akha la hengellangkok ma'a, aptemengke ma'a akietnaikama apaqtek nak nanek etnehek, aptemengke mota m'a apmahai'akha la etnek.

Efesios 1:14

Apkelientemongkeskamo apmanie hengellaikamok Espíritu apanke kakpota nkotlheianvakhok hata mota engelvalho'ok have niapak ankek angetlhevangkok lhamakho aktemakha apeneskamo apaivoma aplheianma etnek hata neksa akvai'a ta m'a akiokho nkek nema hengel·hatsoskekha neksa mongeliamolhma, antangkok hata nhan apkennemolhema m'a. Netamen hata m'a, nenlhamakho angeltakneskasangkok apvesai'a aniem'o akietnema akiavai'a nkek apmopvana.

Efesios 1:18

Askelelmalhneskeskangkek na Eniapom Neten kakpota etnek malha apkelapommatkeskeskama alketansema apvalho'ok kakpota nkovak apkeliangveiakmo ketlhengkap apkellelto nak nema aliekieskama kakpota etlhevangkok altakmanma apkellangiemhaikama m'a, elel·halhnek na metka apkeliaskeiam ma'a. Hai, qaselha altaqmanma nkek, akmennave nkek ma'a apneskamo lhta Eniapom Neten kakpota ellangkok hata apkellelto apkelpokkanma m'a.

Efesios 1:7

Apketsepme lhta Cristo akiangkenammalhko nhan ema apankok kakpota hengel·hatsoskakhak neksa hengenmaikama lhta mongeliamolhma, ka aptemeskesaiangka lhta nha apankek mongeliamolhma nak. Koka m'a apeneskamo lhnak nanek Eniapom Neten apkelanekha aptakha etnek hata aniem'o aktaqmanma nkek hengellanei'o.

Efesios 2:8

Aktaqmanma nkek apkellanei'o Eniapom Neten ka nkeniemai'ak apkelvongkeskamo tep, meliaskeiakmo songke ketlhengkap ma'a. Metka akianmoma nhan ma'a, have apteniaiangko apiempeiok apteniaikamok ma'a.

Efesios 4:18

Malha alpaiseiam na alketamekama apvalho'ok ma'a, taiepek na Eniapom Neten aniem'o meliangveiakmo, aniem'o nhan aliennaktema apvalho'ok.

Efesios 5:11

Melvanekho nkek na aptaiangkolha ngkollatsekama enenlhet'avok anak apkellelto nak apkelloma malha ienaqtesakha lhma, ntasek koka etlhenek ma'a aptangkolha la apkellanekamok ma'a.

Efesios 5:14

Ka nkanek nemo nak aktemo henke'e: «Elhatakha lheiap apto apteianma, etnemekha neten apieseksek apkenmaskengvaiakmo kakpota eniapommetek hata takhaplhet Cristo», lhna nnema aktema m'a.

Efesios 5:8

Lhennenga lhta nhan ketlhengkap apkellomaka ienaqtesakha lhma, kolhva koka apkelloka malha atsak'elha lhma aniem'o apkelpasmekha Apveske. ¡Etnamok hata malha atkak apommatema nak!

Efesios 6:12

Mongennapelhkak ennengko'o enenlhet lheme nak, koka nengennapelhkak ma'a kasekapok av'alho'ok alleniem'o neten, akietno akmovana, akientalhnemo nhan takhalhet'ok ienaqtesakha lhma neniava alhma nkek ham.

2 Timoteo 2:26

kakpota nhan ma'a apvanka'ak nkolpaqnemekhak neksa anmama malha al·hanemmalhka la ankok aveske keliaqhameiok aniem'o altemo ellanak akmahai'akha nkek la m'a.

Hebreos 10:10

Hai, apmahai'a etnek hengelpokkanma Eniapom Neten kakpota antangkok apkennemolhema m'a aniem'o Jesucristo apkaiangko lhta apankek apiokha kakpota ematong lhema aktema koka m'a.

Hebreos 10:14

Vanlha lhta lhema qaselha nengaikamok anak Eniapom Neten altemeskeskamo apkeliamolhma apankavek metka nnelha apkellelto la apkelpokkenammap kakpota nkoltemeskesangkok na Eniapom Neten apkennemolhema.

Hebreos 11:6

Apiaskeiam la enenlhet mankolkek apvalhok Eniapom Neten ma'a. Enenlhet apmahai'a la eteteskakhak Eniapom Neten nkaimelhkek amanie sekhe mei'askamek apnema m'a, mei'askamek na m'a ellangkok hata akianmoma apkellelto la apkelketansema mota m'a.

Hebreos 9:15

Hai, nietnek ennengko'o alhnankok annemo mo'ok engvalho'ok nemmahai'akha antangkok aniem'o Cristo. Apketsepme lhtoka m'a kakpota envanka'ak ngkolhek hengelpaqnenkasakho qaselha ngkolatsekama nellanekamo mota neksa nellaniemhaikama akietnema amanie nkek annemo mo'ok apvalho'ok lhnak nanek apkenmahai'akha etnangkok ma'a. Kolhva koka nengelelto nak nellavommalhka envanka'ak hata angetlhevangkok qaselha mankonmaskengvaiam apeneskamo lhta apaivoma hengellangkok hata m'a.

Santiago 2:5

Eltaqmelkaso no apkellailhemo elialheng'a askellamelaiam, apkeliekieskek Eniapom Neten enenlhet'avok anak metka apkelletsekama kakpota ngkoitek akiavai'a meliaskeiam, etnangkok na apkennemolhema aptemakha lhnak nanek apeneskamo aplheianma ellangkok hata m'a apkellelto la apkellasekhai'o m'a.

1 Pedro 1:4

angetlhevangkok hata qaselhaha aplheianmo lhta Eniapom Neten hengellangkok, apkeltakmelkeskamo m'a qaselha nak akieto neten, mamma aknaktevasemmalhka, mamma alpaiseianlha la nhan, mankomaskengvomek na m'a.

1 Pedro 2:25

Apkellomaka lhta ketlhengkap malha nepkesek apketlheneiam la'a, kolhva koka apkelelpengkammakpek akieto m'a apnakha apkelanekama nepkesek apto aptaqmelkeskama m'a.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma

1 Juan 1:9

Koka netlheno la engankek nellanekamok qaselha ngkollatsekama napaqtek Eniapom Neten, have niapak anke hata nhan etneskesama apankek ngkollatsekama nak ma'a, hengellalhnaskesek hata nhan engelvalho'ok malha alpaiseiam aniem'o nellanekamok ngkollatsekama m'a. Hai', etnek hata m'a aniem'o apieplavkeskama mota apaivoma m'a, apeivomo nhan.

1 Juan 2:12

Asnaktalheskaskek vakkahak anak hengke'e ketlhengkap eietkak apketkok, ngkanek nne lhta aktemeskesangkankek apkellanekamok ngkollatsekama aniem'o m'a apvesai'a Jesucristo.

1 Juan 3:8

Koka apto la enenlhet apkelanai'a mota ngkolatsekama, aniem'o nhan aveske keliaqhameio m'a, vanlha mota alanai'a ngkolatsekama m'a ampai'o lhnak nanek tep nak nanek alanemmalhko sekha lhmankek ham. Ka nkeniemai'ak apvai'o nhan Eniapom Neten Apketka kakpota etvaskesek na aktemakha alanai'a mota lhamakho qaselha ngkolatsekama m'a.

1 Juan 5:19

Nengeliavek na ennengko'o nelleniem'o Eniapom Neten, koka apkellelto nak meleliehekhok malha aknaktetema m'a maniamolhma ngken anak.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

Apocalipsis 21:27

Mankoklhek hata qaselha alpaiseiam ma'a, metlhek na enenlhet melatsekama la'a, apmopvana ania'a la nhan. Vanlha ta elentelhek ma'a aknangko la apkelvesai'a vakkahak ankok akiennaktema enneniek, vakkahak apankok Nepkesek Apketkok.