Hechos 25:10 - Nuevo Testamento Toba Maskoy

¹⁰ Ka apkatemmoiangka lhnak Pablo m'a, lhna aptemak: —Ka nietavek ankek ko'o ngkolhek heiekpelkok astemakha hengke'e akieto neniekpelkammalhkelha napaqte apiav'akha apveske romanos, ngkanek apiave lheiap mamma askelammelhma judios.

Hechos 25:10 ပူးပေါင်းရင်းမြစ်များ

Hechos 23:29

Koka aklheianvakho lhta evalhok ko'o ham enenlhet anak mamma apkelanai'a ngkolatsekama kakpota angaqlhengkesek nenmammalhkelha, angaqhek nahan. Vanlha koka nkeniem'ak apieseksek judios apkellammelhammap apankave' aniem'o ley apanko'ok apankave'.

Hechos 25:17

Netamen apkelvaktamo lhta nhan hengke'e, asmeiakho lhta kolhvavek ankek akieto neniekpelkammalhkelha ka askelto lhta ngkolhek akiantemantamo Pablo.

Hechos 25:25

Koka motai'ak ko'o aptemengveiakmo la lhma enenlhet anak kakpota nkoietok askaqhema la'a. Angvapaksek hata apnakha m'a apiav'akha apveske romano kakpota eiekpelkakpok ma'a ngkanek aptema apanke lhta nhan angvapaksek ma'a.

Hechos 25:6

Malha lhnak 8 nlho ka la 10 aknem apnema Festo m'a akieto Jerusalen, ka aptaqhemo lhnak mokhom neptamen akieto Cesarea. Mo'ok aknem na ntemak ma'a, apnekho akieto apkeliekpelkemelha aptaiangkolha enenlhet'avok ma'a, ka apkeltemo lhnak ngkolhek akiantemantamo Pablo napaqtek ma'a.

Hechos 26:31

apkenmeiekho lhnak mo'ok nekha kakpota elpaqmetkesakpok ma'a apkenmahai'akha eltemeskesangkok Pablo m'a, lhna aptaiangkok: —Ka enenlhet anak mamma aptemengveiakmo lhma kakpota ellaqhek kanhan ellaqlhengkesek —lhna aptaiangkok ma'a.

Hechos 28:18

Helelmalhnema lhta nhan ma'a apkenmahai'a elpeivesekhak astemakha m'a, apkelvet'a lhta m'a metka astemengveiakmo lhma kakpota hellaqhek ma'a, ka apkellelto lhta niekhe nhan helpaqnemekhak ma'a.

2 Corintios 4:2

Man na angellanengkok qaselha la nelielhaskeskamo henmankaskama nak, man na nteniangkok na neliennengkeskama la'a, mangeliaqmongkasekhak na mo'ok aktemakha ania'a aktaqmanma nak netlheianma hengellaikamo lhta nhan Eniapom Neten ma'a. Apiavek koka nhan Eniapom Neten akto netlheianma iokhalhmek, apkeliavek na enenlhet'avok ka ngkeniemai'ak manghengeliaskamek ma'a.