Hechos 24:5 - Nuevo Testamento Toba Maskoy

⁵ Ka enenlhet anak meiholhma pankek ham, lhamakho iempehek aptepkeskama akmaska mota apkeliaiesekho nhan judios. Apto nhan apkemhama apmanie lhema apasmekama enenlhet'avok hengetlhekmoskama ngkolatsekama apkelvesai'a Nazarenos.

Hechos 24:5 ပူးပေါင်းရင်းမြစ်များ

Marcos 1:24

—¡Aiai, manghengeliasamolhma Jesús ko Nazaret! ¿Apmak'a nlho hennaqtevaksek, he? Asiave ko'o Eniapom Neten apokkanma lheiap —lhna ntemak kasekapok av'alhok ma'a.

Lucas 23:19

Barrabas noka apto meihamolhma, apnengkek nak nengaqlhengkasemmalhkelha ngkanek apkelammelhma mota apkelveskai'e kanhan akietnema apiemongke lhma lhnak na m'a.

Lucas 23:2

Apkeleltennaskamo lhnak meihamolhma Jesús napaqtek Pilato m'a, lhna aptaiangkok: —Apveske, nelvet'a lhta ennengko'o enenlhet anak apkeliaseiangko lhma' enenlhet'avok kakpota melianmonkesek impuesto ankok anak Roma, kakpota nhan aplhenammakpe panke apto Cristo kanhan apiav'akha apveske —lhna aptaiangkok ma'a.

Lucas 23:25

apaqnemekho lhnoka nhan apto apkaklhengkasemmap aniem'o apkellammelhma mota apkelveskaie, apkellaiangko nhan Jesús enenlhet'avok apkenmak'akha la etnangkok apkellanei'o.

Lucas 23:5

Koka nheklhek noka apkeliatekamok apkelemhama apmaniaie m'a, lhna aptaiangkok —Hai, ietnek meihamolhma enenlhet anak, nkeliaseiangke lhma apketlhekmoskama apankok enenlhet'avok lhamakho apkellavakha ham, ka apkempai'ak ma'a Galilea kolhva koka hengke'e Judea —lhna aptaiangkok.

Hechos 15:5

Koka moklhem'a lhnak Fariseos apkakhaiangkok nak na m'a apkellelto meliaskeiam Jesús, apkelaqnekho lhnak neten, lhna aptaiangkok ma'a: —Nkaimelhkek angeliaqtemenkeskasangkok nekha tkok apkellammelhakha m'a metnangko nak judios, angelleltok na elieplavkesek aktemakha nak ley Moises —lhna aptaiangkok ma'a.

Hechos 21:28

Ngkelpaihema lhta nhan apatno'ok, lhta aptangkok ma'a: —Enenlhet ko Israel, hengelvanengvata kakpota ampathetek enenlhet anak, malha apmaiangko lhma apketlhekmoseiangko lhamakho apkellavakha apkammelhekhek na nengavakha nak, ley engankok nahan, kakpota nhan Eniapom Neten apnemakha nak hengke'e. Apkellentalhneska'ak na griegos hengke'e, mangeltammalhkelha nak antangkok, aptevaskek na akto pa'at akpokkenammalhka nak —lhta aptangkok enenlhet'avok ma'a.

Hechos 22:22

Ma lhta nkomak'ak ellailho mokhom enenlhet'avok ma'a apkeltennaikama Pablo, ka alpaihengka lhta apatno'ok ma'a, lhta aptangkok: —Ellaqha, mangelelto angelvetak mokhom enenlhet anak ham —lhta aptangkok ma'a.

Hechos 24:14

Vanlha ko'o askeliehekho Eniapom Neten apanko'ok nelieihengka, kakpota nhan asieplekama Alhnankok Amai. Koka enenlhet'avok anak apketlhengke mota Amai Alhnankok akto lhnak apasmekama enenlhet'avok ngkolatsekama hengetlhekmoskama. Ko'o koka askeliehekho nhan aklheianma vakkahak ley kakpota nhan vakkahak apanko'ok apkeleltennasemmap ania'a annenga.

Hechos 24:4

Nenmak'ak ennengko'o angelleltennaksek akiakvatema ania'a, mankonmak'ak angeliakse lhma', ntase ie' eniailhok sekhe.

Hechos 25:7

Apkelvekhek nak na m'a judios apkelleniem'o Jerusalen, apketlheianmo lhnak meihamolhma Pablo m'a, apkelanei'o nhan ngkolatsekama nkek, mannoka niekhe elvetaskeskamak iokhalhmek ankek apkelanai'a qaselha ngkolatsekama Pablo m'a.

Hechos 26:5

Apkeliamavek mota astemo fariseo m'a, ¡elelmalhnamano ta enenlhet, etlhenek hata m'a! Ennengko'o nengelto fariseos avanhek hengeliatekho henganemakha enganko'ok, mangkolhnok ma'a po'ok anak apasmekha.

Hechos 28:22

Nengeleltavek angeliohok aklheianma apvalhok lheiap aptaiangkolha m'a secta nak ngkanek lhamakho aiempek apketlhenammap ma'a —lhta aptangkok ma'a.

Hechos 5:17

Avanhek ankek nak apkeliasepkeskama apiav'akha sacerdote kakpota nhan apketlhelhma'ak saduceos apkelvetai'o nema alapaskamo m'a,

Hechos 6:13

Apkelleliaiangka lhnak na m'a enenlhet kakpota etnangkok apkenmopvanka'a ania'a ellammelhek Esteban, lhna aptaiangkok: —Ka enenlhet anak ham melvateskaiakmo mota aplheianma apkammelhma pa'at akpokkenammalhka nak kakpota nhan ley engankok anak.

1 Corintios 11:19

Neksa apkelhpankesammap amota alhnakho nkek nengvetai'a apkeltemakha la altaqmelo kanhan ngkollatsekama la'a.

1 Corintios 4:13

Neksa nhan nema hengeltaknongkoma, nellatemmoma koka aktaqmanma nempaivoma, malha qaselha apavok anak alhammalhka, akmaskema nak nema anmaikama hengeltemeskasak nenvanlha nak ennengko'o.

1 Pedro 2:19

Niekhe ngkollatsekama apkellanei'o m'a nkotaqmanma nhan aptangkolha apkellanei'o apkelveskai'e apanko'ok neksa niekhe la nhan aktaqmanma apkenmakmesaikama m'a, ¡elvaskap hato ka ketlhengkap ma'a! Ngkanek nlekkasema apvalhok Eniapom Neten ma'a.