Hechos 23:9 - Nuevo Testamento Toba Maskoy

⁹ Aplhamakho enenlhet na lhta apiapqalhekama m'a, ka apkeleltennaiangka lhna lhta moklhem'a hengetlhekmoskama henganemakha apkellelto nhan Fariseos ma'a, lhna lhta aptaiangkok: —Ka enenlhet anak ham mamma apkelanai'a ngkolatsekama, apkeliehekhavek kelhaha akpaivoma eniempehek, nlho ka la lhema ángel —lhna lhta aptaiangkok ma'a.

Hechos 23:9 ပူးပေါင်းရင်းမြစ်များ

Marcos 2:16

Apkelvetai'ak nak na escribas ma'a kakpota nhan fariseos, ka apkelpaqmetkeskaiakmo lhnak apkeltamesaikamok ma'a, lhna aptaiangkok apkellanemo m'a: —Mangkolatsema aptakha nak apketlhekmoskama apankok ketlhengkap, aptavokhe nak lhemek apkenmaikamok anak patakkom impuesto ankok kakpota nhan enenlhet apketlhenammap amota apkellanekamok ngkollatsekama —lhna aptaiangkok.

Lucas 23:22

Koka lhna aptemak mokhom Pilato apkellanemo enenlhet'avok: —Mamma meihamolhma hengke'e enenlhet anak, ¿se lha ntak apkellelto nak ennapok ke, he? Vanlha ta aliaqpelhketama apiempehek kakpota apaqnemekha —lhna aptemak mokhom Pilato.

Lucas 23:4

Lhna aptemak Pilato apkanemo apveske sacerdotes kakpota nhan enenlhet'avok ma'a: —Mamma aptemakha meihamolhma apkelanai'a hengke'e enenlhet anak —lhna aptemak.

Lucas 5:30

Apkakhaiangkek nak ma'a moklhem'a fariseos kakpota nhan escribas, apkeliaskamo lhnak apatno'ok apkakhangkelha Jesús apkeltamesaikamok ma'a, lhnak aptaiangkok apkellanemo: —¡Selha ntak aptavokho nak lhemek ketlhengkap apkenmaikamok anak patakkom impuesto ankok kakpota nhan enenlhet apkellanekamok anak ngkollatsekama, he! —lhnak aptaiangkok ma'a.

Juan 12:29

Koka akto lhta apkellengai'a m'a, lhta aptangkok: —¡Ngva', kelhtenievke nak! —lhta aptangkok. Koka po'ok alhta aptak na: —Have', lhema ángel apaqmetkasak Jesús —lhta aptangkok ma'a.

Hechos 11:17

Asvet'a lhta ko'o apkellangko Eniapom Neten enenlhet metnangko nak judios lhema qaselha metka akianmoma, nnavek na ennengko'o sekhe lhta aniem'o mongeliaskeiam Apveske Jesucristo. Ka ngkanek mongvapvankek ko'o angvammelhek apmak'akha la etnek elanak Eniapom Neten —lhna aptemak Pedro m'a.

Hechos 22:6

Koka neksa alhengama lhta amai akmaiangko Damasco, malha las 12 katelho, mpelapkaske lhta akteiapvo'o apkelienmoma akiennaktema aniem'o neten, heialhiengkakme lhta m'a.

Hechos 22:7

Ka asteiakmo lhta nalhepop, asleng'o lhta nhan nema aliatekama, lhta ntak heiano: "Saulo, Saulo ¿se lha kto heiaqmasengka nak ke, he?", lhta ntak ma'a.

Hechos 23:29

Koka aklheianvakho lhta evalhok ko'o ham enenlhet anak mamma apkelanai'a ngkolatsekama kakpota angaqlhengkesek nenmammalhkelha, angaqhek nahan. Vanlha koka nkeniem'ak apieseksek judios apkellammelhammap apankave' aniem'o ley apanko'ok apankave'.

Hechos 23:8

Koka saduceos apketlheianme mota metka apnaklhatekhangveiam apieseksek apkenmaskengvaiakmo nak, mamma nhan ángeles kakpota nhan mamma eniempehek. Koka fariseos apketlheianmek na akietnema m'a nennaklhatekhangveianlha apieseksek apkenmaskengvaiakmo, apkakhangkek na ángeles, kakpota nhan nietnek eniempehek.

Hechos 25:25

Koka motai'ak ko'o aptemengveiakmo la lhma enenlhet anak kakpota nkoietok askaqhema la'a. Angvapaksek hata apnakha m'a apiav'akha apveske romano kakpota eiekpelkakpok ma'a ngkanek aptema apanke lhta nhan angvapaksek ma'a.

Hechos 26:31

apkenmeiekho lhnak mo'ok nekha kakpota elpaqmetkesakpok ma'a apkenmahai'akha eltemeskesangkok Pablo m'a, lhna aptaiangkok: —Ka enenlhet anak mamma aptemengveiakmo lhma kakpota ellaqhek kanhan ellaqlhengkesek —lhna aptaiangkok ma'a.

Hechos 27:23

Pelhasep lhek apiephongvo'o lhema ángel apkapaskama Eniapom Neten apto nhan apveske ehenkok ma'a, askasennaikama mota ko'o,

Hechos 5:39

Koka aniem'o la Eniapom Neten, mankollapvankek enaqtevaksek ma'a hengetlhekmoskama nak ¡Ellaho ta, apkellammelhkek kelha Eniapom Neten ketlhengkap! —lhna aptemak Gamaliel.

Hechos 9:4

Ka apteiaiakmo lhnak nalhepop, aplengai'o nhan nema aliatekama, lhna ntemak: —¿Saulo, Saulo, sek la kto lheiap heiaqmasengka nak ke, he? —lhna ntemak nema aliatekama m'a.

1 Corintios 10:22

Mankoietok ma'a ngkanek eltemeskesek hata apankavek ketlhengkap apkennathaikama Apveske. ¡Ellaho ta ketlhengkap ma'a ngkanek neten ankek akietnema apmopvana m'a, have kto nak ennengko'o!