Hechos 23:19 - Nuevo Testamento Toba Maskoy

¹⁹ Ka apmamo lhna lhta apmek apveske apanke apketkok ma'a, apiantamo lhna lhta tep apketse, lhna lhta aptemak apkanemo: —¿Se lha ania'a ie, he? —lhna lhta aptemak.

Hechos 23:19 ပူးပေါင်းရင်းမြစ်များ

Marcos 10:51

—¿Se lha apkelto allanak lheiap ke, he? —lhna aptemak. —Askeltave atekha lhma' mokhom ko'o —lhna aptemak Bartimeo.

Marcos 8:23

Ka apmamo lhnak Jesús apmek metka apaqto'ok, aptepkeskamo lhnak na temma m'a, apiantemekho lhnak mo'ok nekha m'a. Ka apkelhpakhai'o apiemanong Jesús apaqto'ok enenlhet anak, apnengkanmo lhnak na apmeiok takhaplhet ma'a, apkenmalhneiangka nhan, lhna aptemak: —¿Apvetakhei'e lhma, he? —lhna aptemak Jesús.

Marcos 9:27

Ka apmamo lhnak Jesús apmek apketkok nak ma'a, apkenengkasekho lhnak neten.

Juan 18:12

Kolhvave lhta apkelpathetak Jesús soldados kakpota nhan apkellanekama Eniapom Neten apnemakha, ka apkennakteto nhan apmeio'ok ma'a.

Hechos 17:19

Ka netamen nak ma'a apkeliantemekho lhnak Pablo akietelha apkaqnekhelha apkelemhama apmaniaie apkellavakha nak ma'a akvesai'a Areopago, apkelelmalhneiangka lhnak ma'a, lhna aptaiangkok: —Nengeleltavek ennengko'o angeliohok aktemakha lhnak lhkek apketlhekmoskama alhnankok mongvetai'o apsoiam lheiap —lhna aptaiangkok.

Hechos 23:18

Ka apiantemekho lhna lhta apketkok anak ma'a napaqtek apveske apanke, lhna lhta aptemak: —Apveske, ka enenlhet anak apkaklhengkasemmap Pablo apkeltavek lhek aiantementak hengke'e apketkok anak kakpota eltennaksek lheiap lhema ania'a —lhna lhta aptemak ma'a.

Hechos 23:20

Ka apkatemmoiangka lhna lhta apketkok ma'a, lhna lhta aptemak: —Ietnek ko'o lhema ania'a askeltennaskama lheiap, apkellanakhek ania'a judios sosekha ankok kakpota eiantemekhak Pablo lheiap ma'a napaqtavek apkelientalhnakha apkelveskaie kakpota elpeivesekhok akietemo nkek aptemakha m'a.