Hechos 23:1 - Nuevo Testamento Toba Maskoy

¹ Apkellanei'avek na lhta Pablo m'a apkelientalhnakha apkelveskaie m'a, lhna lhta aptemak: —Ketlhengkap eliepma'ak, mamma aktakha aklhenaikama evalhok napaqtek Eniapom Neten aniem'o asiamolhma —lhna lhta aptemak Pablo.

Hechos 23:1 ပူးပေါင်းရင်းမြစ်များ

Hechos 22:1

—Ellailhonoho elialheng'a kakpota nhan eniapma'ak asmak'ak angvasennalhko ehenkek alhenek napaqtavek ketlhengkap —lhta aptak Pablo.

Hechos 22:30

Mo'ok aknem na ntemak ma'a, apveske apanke apkeltemo lhna lhta eniankesekhak apkelemhama apmaniaie sacerdotes kakpota nhan apkelientalhnakha apkelveskaie apankave judios, apmahai'avek na lhta epeivesekhok ngkolatsekama la apkelanai'a Pablo m'a aptepkeskamo nhan akmaska m'a. Netamen na lhta m'a apkeltemo lhna lhta ngkolhek aklekkaso knonemaie cadenas Pablo m'a, ngkolhek na akiantemakho napaqtavek aplhamakho apkelveskai'e m'a.

Hechos 22:5

Apkeliavek apiav'akha sacerdote kakpota nhan metno apketko'ok have niapak anke astakha lhkek alheianma ngkanek hellaikamo lhta mota vakkahak kakpota asakhak ma'a apkakhangkelha' apkelemhama apmaniaie' judios ko Damasco kakpota hellangkoho' alpathetek apkellelto Jesucristo apkennemolhema kakpota nhan alaqlantak hengke'e Jerusalen kakpota alleltekpoma apiempeiok.

Hechos 23:15

Ntase ketlhengkap kakpota nhan apketlhelhma'a apkelientalhnakha apkelveskaie ellavama apto apveske soldados romanos kakpota eliantementak Pablo hengke'e sosekha napaqtavek ketlhengkap. Kakpota etnangkok malha apkenmak'o elpeivesekhak qaselhaha ketlhengkap, ennengko'o toka angellailhek nalhet amai kakpota angellaqhek —lhna lhta aptaiangkok ma'a.

Hechos 23:20

Ka apkatemmoiangka lhna lhta apketkok ma'a, lhna lhta aptemak: —Ietnek ko'o lhema ania'a askeltennaskama lheiap, apkellanakhek ania'a judios sosekha ankok kakpota eiantemekhak Pablo lheiap ma'a napaqtavek apkelientalhnakha apkelveskaie kakpota elpeivesekhok akietemo nkek aptemakha m'a.

Hechos 23:28

Netamen alhta nhan asiantemakho akieto konne apkaqnekhelha mota apkelientalhnakha apkelveskaie apanko'ok ma'a kakpota aihok qaselha ngkolatsekama apkelanai'a ham.

Hechos 23:6

Nlheianvekhek na lhta apvalhok Pablo apieseksek apkelemhama apmaniaie' apkakhaiangko m'a moklhem'a saduceos kakpota nhan fariseos. Ka apiennakteskamo lhna lhta apaivoma Pablo m'a akieto apkaknaiankolha apkelientalhnakha apkelveskaie, lhna lhta aptemak: —Elialheng'a, ko'o asto nhan Fariseo akvakho askellokha nemmalhka, apkenmak'a mota hetlhenek aselhnanemmalhka ngkanek al·halhnekama evalhok atak hata nennaklhatekhangveianlha apieseksek apkenmaskengvaiakmo —lhna lhta aptemak.

Hechos 24:16

Vanlha ko mota askelienlhaneiakmo alanak qaselha altaqmelo napaqtek Eniapom Neten, napaqtavek na enenlhet'avok kakpota mangkoitek malha henavesaikama evalhok alketamekama helhenkeskekha askelanai'a la ngkolatsekama.

Hechos 6:15

Netamen apkellanei'avek nak Esteban ma'a aplhamakho apkellelto apkakhaikamok akieto konne apkaqnekhelha mota apkelientalhnakha apkelveskaie, nkapommatmek nak na napa'at ma'a, malha lhnak aptaiekha lhema ángel.

1 Corintios 4:4

Niekhe nhan aklhenaikama nak evalhok aktaqmanma askelanai'a ko'o, koka evankek kelha nhan mankoietek aklhenaikama evalhok ma'a. Vanlha koka Eniapom Neten apvankek elhenek akietemo nkek aktaqmanma nlho ka la ngkolatsekama.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

2 Corintios 4:2

Man na angellanengkok qaselha la nelielhaskeskamo henmankaskama nak, man na nteniangkok na neliennengkeskama la'a, mangeliaqmongkasekhak na mo'ok aktemakha ania'a aktaqmanma nak netlheianma hengellaikamo lhta nhan Eniapom Neten ma'a. Apiavek koka nhan Eniapom Neten akto netlheianma iokhalhmek, apkeliavek na enenlhet'avok ka ngkeniemai'ak manghengeliaskamek ma'a.

2 Timoteo 1:3

Astek ko mota gracias Eniapom Neten neksa askenmalhnongkoma aknem ankek, pelhasep nahan aklhenaikama mota nhan evalhok lheiap, askasennama nhan Eniapom Neten akieplomo alhnai'o akietnaikama ehaqtek, ka aptaiangkolha lhnak nanek na askelieihengka' m'a.

Hebreos 13:18

Hengellelmalhneskes hata nhan ennengko'o ham, kakpota hengelpasmo mota Eniapom Neten ngkanek alhnai'o akietnaikama engaqto'ok, vanlha mota nelienlhanmekamok angeltakmelkasalhko mota.

1 Pedro 3:16

Eltaqmelkasakpo ta nhan kakpota nkoltaqmelkasok na alietnaikama apaqto'ok ketlhengkap, kakpota enmankangvomok apkellelto nak apkeliematkesaikama ketlhengkap neksa apkellanekamok qaselha altaqmelo.