Hechos 22:3 - Nuevo Testamento Toba Maskoy

³ —Ko'o nak asto judio apanke, asteiaianlha na temma Tarso akieto konne iokhalhma Cilicia. Asvanekanlha nke'e Jerusalen anak, ka heltameskama nentalheskama hengetlhekmoskama apvesai'a Gamaliel, ka heltameskama ko'o m'a askeliehekho ley apanko'ok nelieihengka. Vanlha mota askelienlhaneiakmo aliehekhok Eniapom Neten, ka aptaiangkolha nak ketlhengkap.

Hechos 22:3 ပူးပေါင်းရင်းမြစ်များ

Lucas 10:39

Nengkek nak na nialheng ma'a akvesai'a María, aknaiakmo lhnak napokha Jesús ma'a kakpota nkotaqmelkaso ailhekamok apkeltennaikama m'a.

Lucas 2:46

Hanetolhem'a aknem nak ngvaiakmok alvetangvekho lhnak akieto Eniapom Neten apnemakha m'a, apnaiakmo lhnak apieseksek hengetlhekmoskama henganemakha Moises. Aptaqmelkeskamavek nak apkailhekamok nema atlhekmoskama m'a, ka apkelelmalhnekho lhnak mokhom apmahai'a eihok mo'ok qaselha.

Lucas 8:35

Ka apkenmeiekho lhnak enenlhet'avok ma'a akieto akvetammalhkelha qaselha, apkelvetangvekhek nak enenlhet kasekapok av'alho'ok aktevaskama apnemo m'a akieto apnakha Jesús. Aptalhnema lhnak na apnekhak ma'a, aptaqmelekhek nak. Man na ngkeskama apkellai'a apkelvetai'o m'a.

Hechos 11:25

Netamen nak ma'a apmeiekho lhnak Bernabe akieto iokhalhma Tarso kakpota eliangvakhak Saulo m'a, apvetangvekho lhnak ma'a apiantementamo nhan Antioquia m'a.

Hechos 15:23

Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 15:41

Ka aplhengamo lhnak ma'a, apkeliekai'o lhnak Siria kakpota nhan Cilicia, apkeliateikokho lhnak moklhem'a iglesia apkelvaianlha la'a.

Hechos 21:20

Nkelpaihakhe lhta apvalho'ok apkelleng'o m'a, ka apkeliavenkaskesangka lhta nhan apvesai'a Eniapom Neten ma'a, lhta aptangkok apkellano Pablo: —Eialheng Pablo, apvet'ak lheiap hengke'e mante pankek judios meliaskeiam Jesucristo, apketlhengke mota nkaimelhkek anlhengkesek mokhom neliehekho ley Moises.

Hechos 21:39

Ka apkatemmongka lhta Pablo m'a, lhta aptak: —Have ko'o m'a enenlhet anak aplheno nak lheiap, judio apanke ko'o, ka asteiaianlha m'a natemma Tarso, akto neten ankek akiaspommalhka m'a akieto iokhalhma Cilicia. Heiangko no sekhe altennama napaqtavek enenlhet'avok anak hengke'e —lhta aptak Pablo.

Hechos 23:34

Neksa apeneskama lhna lhta apkelietsatema vakkahak gobernador Felix, lhna lhta aptemak apkenmalhneiangka Pablo: —Ko la akieto apkavakha lheiap —lhna lhta aptemak. —Cilicia ko skeniem'ak —lhna lhta aptemak Pablo.

Hechos 23:6

Nlheianvekhek na lhta apvalhok Pablo apieseksek apkelemhama apmaniaie' apkakhaiangko m'a moklhem'a saduceos kakpota nhan fariseos. Ka apiennakteskamo lhna lhta apaivoma Pablo m'a akieto apkaknaiankolha apkelientalhnakha apkelveskaie, lhna lhta aptemak: —Elialheng'a, ko'o asto nhan Fariseo akvakho askellokha nemmalhka, apkenmak'a mota hetlhenek aselhnanemmalhka ngkanek al·halhnekama evalhok atak hata nennaklhatekhangveianlha apieseksek apkenmaskengvaiakmo —lhna lhta aptemak.

Hechos 26:5

Apkeliamavek mota astemo fariseo m'a, ¡elelmalhnamano ta enenlhet, etlhenek hata m'a! Ennengko'o nengelto fariseos avanhek hengeliatekho henganemakha enganko'ok, mangkolhnok ma'a po'ok anak apasmekha.

Hechos 26:9

Lhennenga alhta nlheianmek evalhok lhamakho aktemakha asmak'akha atnehek anaktevaksek apkellelto meliaskeiam Jesús ko Nazaret.

Hechos 5:34

Koka apkenmekho lhnak neten lhema fariseo m'a apvesai'a Gamaliel akieto konne apkaqnekhelha mota apkelientalhnakha apkelveskaie. Apto lhnak na hengetlhekmoskama ley Moises ma'a, avanhek ankek nak na apkelleliehekho enenlhet'avok ma'a, apkeltemo lhnak ngkolhek alentepkaso sekhe konne iaqvatakho nema alapaskamo.

Hechos 6:9

Lhema aknem na ntemak ma'a apkelvai'o lhnak enenlhet apkelleniem'o apkaqnekhelha judios akvesai'a Esclavos nema alpaqnemekha, apkelvai'o lhnak na enenlhet ko Cirene, Alejandria, Cilicia kakpota nhan ko Asia, ka ampai'akha lhnak apkellatemommap Esteban ma'a.

Hechos 9:1

Aplomavek nak Saulo apmahai'avek nak ennapok aplhamakho apkeltamesaikamok Apveske, ka apmeiekho lhnak ma'a akieto apnakha apiav'akha sacerdote.

Hechos 9:11

Lhna aptemak mokhom Apveske: —Eniakha ta amai apvalhok temma nak ma'a akvesai'a Akiennakha apnemakha Judas, eliama ta m'a lhema enenlhet apvesai'a Saulo ko Tarso, apkenmalhnakkek kolhvave nak ma'a.

Hechos 9:30

Apkellengai'ak nak ania'a apkelialheng'a m'a, ka apkeliantemekho lhnak akieto m'a Cesarea, netamen ma'a apkellapaskamo nhan natemma Tarso.

Romanos 11:1

¿Apkeltaknongkongke nlho Eniapom Neten apkennemolhema apanke Israel, he? ¡Mma'! Ko'o nhan asto israelita, asto nhan aptaven neptamen Abraham, askeniemai'o apasmekha apketkak neptamen Benjamin annenga.

2 Corintios 11:22

Apkelammakpek na aptaiangko Hebreos ma'a, ko'o nhan asto Hebreo, apkelammakpek na aptaiangko israelitas, ko'o nhan israelita, apkelammakpek na aptaiangko Abraham aptavana'ak neptamen, ko'o nhan asto m'a.

Galatas 1:14

Avanhek anke lhta askasekhai'o nellanemmalhkelha nak antangkok aniem'o nelieihengka, koneng alhta m'a asketlhelhma'ak aspaiomo lhema ehenkek judios.

Galatas 1:21

Netamen asmeiakho lhta nhan iokhalhma Siria kakpota nhan Cilicia.