Hechos 22:15 - Nuevo Testamento Toba Maskoy

¹⁵ Emhangko ta nhan lheiap alhma nkek ham kakpota elhenek aktemakha qaselha apvetai'a kanhan aplengai'a.

Hechos 22:15 ပူးပေါင်းရင်းမြစ်များ

Juan 15:27

Ketlhengkap hata eleltennaksek enenlhet'avok lhamakho qaselha aktemakha apkelvetai'a askelanai'a ngkanek helieplekama lhta askempai'akhasekha lhta asmakmekama —lhta aptak Jesús.

Hechos 1:22

Ampai'o lhta nhan hengelieplekama m'a aplavkeskamakha lhta konne iemmen Juan Jesús ma'a, akvakmo nhan akno akiantemakho neten. Ntasek angeliekiaksek lhema enenlhet la'a kakpota hengelpasmekhak ennengko'o netlheianma aktemakha nelvetaiangko lhta aplhatekhangveiam Jesús apieseksek apkenmaskengvaiakmo —lhna aptemak Pedro.

Hechos 1:8

Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Hechos 22:14

Lhta aptak mokhom heiano: "Eniapom Neten apto apveske apanko'ok nelieihengka apkeliekiesak lheiap kakpota etneskesek apmak'akha ta etnek ma'a, kakpota etak ma'a apto apeivomo, eniailhok hata nhan aptakha la apaivoma.

Hechos 23:11

Po'ok pelhasep na lhta aptemak ma'a, apteiapvei'o lhna lhta Apveske napaqtek Pablo ma'a, lhna lhta aptemak apkanemo: —Eiennekho Pablo, ntasek helheianmo lheiap asvesai'a hengke'e aktemakha lhta nhan hetai'a Jerusalen anak, hata nhan emhangkok ma'a akieto Roma, elheianvomok na asvesai'a m'a —lhna lhta aptemak.

Hechos 26:20

Ka askeltennangka lhta nhan ania'a aktaqmanma amanie nkek ma'a natemma Damasco, netamen na apiav'akha temma Jerusalen kakpota nhan lhamakho aiempek iokhalhma Judea. Ka askeleltennaseiangko nhan metnangko nak judios eliaqmongkasekhak mo'ok apvalho'ok, elpengkamok na apvalho'ok ma'a akieto apnakha Eniapom Neten.

Hechos 27:24

lhke ptak heiano: "Menia nkoie' Pablo, Eniapom Neten hata evongkesek tep lheiap kakpota nhan apketlhelhma'ak aniem'o lheiap, ngkanek nkaimelhkek elhong mokhom lheiap napaqtek apnakha apiav'akha apveske Romano", lhke aptak heiano ángel.

Hechos 4:20

Mongellapvankek ennengko'o angelvanma angetlhenek lhamakho aktakha alhta nenlengai'a kakpota nhan nelvetai'a —lhna aptemak Pedro.