Hechos 22:1 - Nuevo Testamento Toba Maskoy

¹ —Ellailhonoho elialheng'a kakpota nhan eniapma'ak asmak'ak angvasennalhko ehenkek alhenek napaqtavek ketlhengkap —lhta aptak Pablo.

Hechos 22:1 ပူးပေါင်းရင်းမြစ်များ

Lucas 12:11

Nnek hata nkek aliantemakho ketlhengkap ma'a apkaqnekhelha la judios, nlho ka la nhan napaqtavek hengeliekpelkemo apkelveskaie, koka moltama nkek apvalho'ok apkenmak'akha la etnangkok apkellatemmoikama m'a,

Lucas 21:14

Moltama nkek apvalho'ok elteniangkok amanie nkek apkellasennekha la'a.

Hechos 13:26

Ellailho ketlhengkap elialheng'a Abraham aptavana'ak neptamen kakpota nhan ketlhengkap metnangko nak judios apkellelto apkellai'o nak Eniapom Neten, ka ania'a nak akto hengvongkeskama tep nenlhamakho.

Hechos 19:33

Ka apkelpeiveskasekho lhnak judios lhema enenlhet apvesai'a Alejandro aktemakha ania'a m'a, apkeliengeiangkek nak kakpota elhenek napaqtavek enenlhet'avok ma'a. Ka apkeliasekho lhnak neten apmeiok Alejandro apkeltemo elvanmak sekhe' kakpota eliatak ma'a.

Hechos 23:1

Apkellanei'avek na lhta Pablo m'a apkelientalhnakha apkelveskaie m'a, lhna lhta aptemak: —Ketlhengkap eliepma'ak, mamma aktakha aklhenaikama evalhok napaqtek Eniapom Neten aniem'o asiamolhma —lhna lhta aptemak Pablo.

Hechos 23:6

Nlheianvekhek na lhta apvalhok Pablo apieseksek apkelemhama apmaniaie' apkakhaiangko m'a moklhem'a saduceos kakpota nhan fariseos. Ka apiennakteskamo lhna lhta apaivoma Pablo m'a akieto apkaknaiankolha apkelientalhnakha apkelveskaie, lhna lhta aptemak: —Elialheng'a, ko'o asto nhan Fariseo akvakho askellokha nemmalhka, apkenmak'a mota hetlhenek aselhnanemmalhka ngkanek al·halhnekama evalhok atak hata nennaklhatekhangveianlha apieseksek apkenmaskengvaiakmo —lhna lhta aptemak.

Hechos 24:10

Netamen ma'a gobernador Felix apkeltemo lhna lhta eliatak Pablo m'a, lhna lhta aptemak apkanemo: —Asiave ko'o lhennenga ntak aptema hengiekpelkemo niapom lheiap ka hengke'e apkellavakha nak, ka ngkanek ko'o aielhanmalhkok ehenkek altennama napaqtek lheiap akieplomo akleklemo evalhok.

Hechos 25:16

Koka ennengko'o nengelelto apkelveskai'e romanos have nentaiangkolha angaqhek emmo'ok metka amanie apkasennammakpo pankek la aplheianma napaqtavek apkellelto la apkelpaieskama apvesai'a meihamolhma.

Hechos 25:8

Koka lhna aptemak Pablo apkellatemmoiangka apkasennammakpo m'a: —Motvaskama ko'o ley apanko'ok anak judios, motvaskamak na Eniapom Neten apnemakha nak kakpota nhan apiav'akha apveske Romano —lhna aptemak Pablo.

Hechos 26:24

Koka lhna aptemak Festo apiennakteskamo apaivoma m'a, lhna aptemak: —Pablo, malha anema lheiap aniem'o lhamakho apiangveiakmo —lhna aptemak.

Hechos 28:17

Hanetolhem'a aknem alhta ntak akiekai'a m'a, ka apkelto lhta Pablo ngkolhek allav'o apkelemhama apmaniaie judios apkellelto apkelloma m'a Roma, lhta aptak apkellano: —Mamma ko'o askammelhaikama nennemolhema judios kanhan apkeltemakha nelieihengka, nkaqhok koka moklhem'a apkelemhama apmaniaie judios akieto m'a na temma Jerusalen hellangkongvakmo lhta m'a apkelemhama apmaniaie romanos apkeleltemo heiaqlhengkesek nenmammalhkelha m'a.

Hechos 7:2

Ka apkatemmoiangka lhnak Esteban ma'a, lhna aptemak: —Hellailhono eliapma'ak kanhan elialheng'a, Eniapom Neten aknema apmopvana panke apvetaskesammakpo lhnak nanek nelieihengka Abraham akieto Mesopotamia, amanie lhnak apmahai'a elhnemok iokhalhma Harán,

1 Corintios 9:3

Moklhem'a enenlhet heliematkesama ko'o, koka angvasennalhko ta ehenkek ko'o lha,

2 Corintios 12:19

Ketlhengkap elialheng'a askellamelaiam, nkotlhenek hatelha apvalho'ok nellasennammalhka engankoie napaqtavek ketlhengkap, mankaimelhkak antangkok ma'a ngkanek vanlha mota nenteniankok angeltakmelkeskesek apkellangiemhaikama ketlhengkap ham aniem'o nengelelto nengeliamolhma nellasennaikama Cristo, apiavek Eniapom Neten akto have niapak ankek alheianma nak.

2 Corintios 7:11

Allaiosei'o lhna lhta apvalho'ok ketlhengkap neksa apkelietsatekamok vakkahak alhta astalheskama akiennaktema aspaioma askellaikamok, koka aniem'o nhan Eniapom Neten anmaiosak'a apvalho'ok ketlhengkap kakpota eliaqmongkasekhak mo'ok apvalho'ok neksa apnaqtevaskama asvesai'a hetlheianma ko'o, nketlheianvekhek na lhta nhan apvalho'ok asiamolhma ko'o, ka helatemmokkeskamo lhna lhta nhan alhenammalhka ko'o meleltemo alhenalhkak mokhom, apkellai'avek na lhta nhan ketlhengkap ma'a. Apkenmahai'avek nak helvet'ak, henmasmek nahan napokha, apkeliaqmongkaskesekho lhna lhta apkellelto apkenmahai'a henaqtevaksek. Kolhva koka nlheianvakhak evalhok melvanekhok ketlhengkap ma'a qaselha ngkolatsekama nak.

Filipenses 1:17

Koka napokha apkelpaieskek ania'a aktaqmanma aniem'o apkenmahai'a etnangkok neten apankavek napaqtavek enenlhet, have iokhalhmoie', vanlha koka apkenmahai'a henaqtevaksek ko'o neksa asnema hengke'e nengaqlhengkasemmalhkelha nak.

Filipenses 1:7

Nietavek atnek aklheianma evalhok ketlhengkap akieplomo akpaihekha evalhok ngkanek helpasmoma mota neska asmakmekama aniem'o Eniapom Neten aktaqmanma nkek helanei'o. Hai, niekhe asnema konne nengaqlhengkasemmalhkelha kanhan napaqtavek apkelveskai'e kakpota angvasennalhko ehenke aniem'o askanemmalhka moiekaksek aspaieskama ania'a aktaqmanma, helpasmongke mota nhan ketlhengkap ma'a.

2 Timoteo 4:16

Amanie lhta nema heiantemekha napaqtavek apkelientalhnema mamma lhta enenlhet hepasmoma la m'a kakpota hengio'ok, vanlha lhtoka ko'o askasennalhko ehenkek ma'a, helieniakhe lhta aplhamakho asketlhelhma'ak ma'a, koka askeltavek ko'o meiaqmonkasekhek Eniapom Neten apkeltemakha m'a.

1 Pedro 3:15

elpokkenkes apvalho'ok ketlhengkap Apveske Eniapom Neten, elpeneso ta mota ankok apkellatemmoikama la'a metka apkeliennai'o kanhan nalhep'avek apvalho'ok aktemakha akietnema alel·halhnekama apvalho'ok Eniapom Neten.