Hechos 21:34 - Nuevo Testamento Toba Maskoy

³⁴ Moklhem'a alhta nkelpaihema apatno'ok apketlheno lhema qaselha, po'ok alhta nhan mok aktema apketlheianma. Ma lhta eihok apveske m'a aktakha apketlheianma enenlhet'avok ma'a, ka apkelto lhta ngkolhek akiantemakho apkakhaiangkolha kempokhakme m'a.

Hechos 21:34 ပူးပေါင်းရင်းမြစ်များ

Hechos 19:32

Mangiamo lhna ntemak ania'a akiennoma lhma aknaivommalhkelha m'a, moklhem'a enenlhet man nak eliamok ma'a aktemakha apkelvetai'a.

Hechos 21:37

Nketlhengkaske lhta elentalhneksek konne apkakhaiangkolha kempokhakme Pablo m'a, ka apkenmalhnengka lhta apveske soldados, lhta aptak: —¿Ntase nlho apakmetkesek sekhe lheiap, he? —lhta aptak Pablo. Mpelapkaske lhta apleng'o apveske aktakha apaivoma Pablo Griego, lhta aptak apkano: —Ma nak ko aihamok apaqmeteiangka griego apaivoma lheiap.

Hechos 22:24

Kolhvavek ankek lhta apveske soldados apkelto ngkolhek aktalhneso Pablo konne apkakhaiangkelha kempokhakme kakpota ngkolhek aliaqpelhketangka elheianvomok na aktakha akvetammalhka akmaska m'a.

Hechos 22:30

Mo'ok aknem na ntemak ma'a, apveske apanke apkeltemo lhna lhta eniankesekhak apkelemhama apmaniaie sacerdotes kakpota nhan apkelientalhnakha apkelveskaie apankave judios, apmahai'avek na lhta epeivesekhok ngkolatsekama la apkelanai'a Pablo m'a aptepkeskamo nhan akmaska m'a. Netamen na lhta m'a apkeltemo lhna lhta ngkolhek aklekkaso knonemaie cadenas Pablo m'a, ngkolhek na akiantemakho napaqtavek aplhamakho apkelveskai'e m'a.

Hechos 23:10

Koka niaveiangkek na lhta apiennengkeskama lhma enenlhet'avok ma'a, ka apkeltemo lhna lhta apveske soldados ngkolhek aktepkeso Pablo m'a, ngkolhek na akiantemakho apkakhaiangkolha soldados ngkanek nlheianmek na lhta apvalhok ematong kelha Pablo.

Hechos 23:16

Koka apialheng atka apkenno Pablo aplengai'ak na lhta ania'a, apmeiekho lhna lhta apketkekho akieto apkakhaiangkelha soldados kakpota eltennaskakhak ma'a ania'a Pablo.

Hechos 23:32

Mo'ok aknem na lhta ntemak ma'a, apkeltaqhengveiakmo lhna lhta soldados nalhepop apketlhengama akieto apkakhaiangkolha, koka soldados etanlheng apkelkanantema apkelempaikokho lhna lhta mokhom apketlhengama apketlhelhma'ak Pablo.

Hechos 25:26

Koka nkaimelhkek angvapaksek astalheskeskama la lhema vakkahak apiav'akha apveske ehenkok kakpota altennasama qaselha ngkolatsekama kelhaha apkelanai'a enenlhet anak. Koka mamma aptemakha niekhe enenlhet anak, ka ngkanek aiantementak hengke'e napaqtek lheiap Agripa, kakpota nhan napaqtavek ketlhengkap apkelemhama apmaniaie kakpota elelpeivesekhok apkelanai'a qaselha ngkolatsekama kelhaha, kakpota atalhaksek vakkahak, angvapaksek na apnakha apiav'akha apveske Romano.