Hechos 21:19 - Nuevo Testamento Toba Maskoy

¹⁹ Ka apkelpaivesangko lhta nhan Pablo m'a, apkeltennangka lhamakho aktemakha apasmoma Eniapom Neten neksa apmakmekama mota apieseksek metnangko judios.

Hechos 21:19 ပူးပေါင်းရင်းမြစ်များ

Hechos 1:17

Koka apto lhta niekhe netlhelhma'ak Judas ma'a, nenmakmekamo lheme lhta nhan.

Hechos 14:27

Ka apkelvekho lhnak Antioquia m'a, apkellankesekho lhnak apkellelto iglesia m'a, ka apkeleltennaseiangka lhnak ania'a aktemakha Eniapom Neten apkelanai'a qaselha neksa apketlhengama m'a. Apketlheianmo nhan aktemakha apkelpasmoma mota Apveske kakpota eleltennasangkok na ania'a aktaqmanma metnangko nak judios kakpota meliaskamek na m'a.

Hechos 15:12

Lhamakho enenlhet nak apkelvanmeiangkok apkeltakmelkeskamavek nak apkelailheiangko m'a. Ka apkelempai'o lhnak na apkeleltennasekama Pablo kakpota nhan Bernabe lhamakho aktemakha apkellanai'a qaselha mongenatkeskama, qaselha hempelapkeskama nhan alleniem'o Eniapom Neten apieseksek metnangko nak judios ma'a,

Hechos 15:4

Netamen Pablo kakpota nhan Bernabe apketlhengekho lhnak mokhom apkelvekho Jerusalen. Ka apkenmaiangko lhnak takha apkellelto iglesia m'a, nema allapaskamo nhan kakpota nhan metno apketko'ok. Apkeleltennaiangka nhan Pablo kakpota nhan Bernabe lhamakho aptemakha apkellanekamok qaselha aniem'o Eniapom Neten.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

2 Corintios 12:12

Apkeliavek ketlhengkap asto nhan nema heiapaskamo ko'o, apkelvetai'a lhta asmakmeiangka metka aspekheskama, askelanai'a lhta nhan qaselha mongenatkeskama, qaselha hempelapkeskama nhan, qaselha akiavai'a akmovana nhan apieseksek anak ketlhengkap.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Colosenses 1:29

Avanhek na askeliephaiekho asmakmekama akieplomo asiennaktema, asmopvana nhan aniem'o Cristo.