Hechos 21:11 - Nuevo Testamento Toba Maskoy

¹¹ Ka apvakmo lhta akietnakha apiapnama Pablo m'a, apnakteto lhta apanke apmeio'ok kakpota nhan apmanko'ok, lhta aptak apkellano: —Espíritu Santo lhkek apkeltemo alvetaskesek ketlhengkap hengke'e, ka apto la apiapnama hengke'e asnaktetkek emankok, emeiok, hata ngkolhek akto nema alanei'o m'a akieto Jerusalen apto apiapnama, ngkolhek hata angkongvakmok ma'a metnangko nak judios —lhta aptak ma'a.

Hechos 21:11 ပူးပေါင်းရင်းမြစ်များ

Juan 18:1

Netamen alhta apeneskama apkenmalhnonkoma Jesús ma'a, aphalhtepelhketo lhta iemmen atamnek ma'a akvesai'a Cedron, apmeiakho lhta aniep akvesai'a Olivos, apketlhelhma'ak alhta moklhem'a apkeltamesaikamok.

Hechos 13:2

Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 16:6

Pablo kakpota nhan apketlhelhma'ak apkenmahai'avek na niekhe elpaiaksek ania'a aktaqmanma iokhalhma Asia, koka Espíritu Santo lhnak meltemok ma'a. Ka apkeliekai'o lhnak konne iokhalhma Frigia kakpota nhan Galacia,

Hechos 20:23

Koka neksa alhengama alhta mota lhamakho apkellavakha lhmankek ham, heltennaskangke lhta mota Espíritu Santo nkolhe ta hetvaso m'a, kakpota nhan ngkolhek hetalhneso nenmammalhkelha.

Hechos 21:33

Koka apveske apanko lhta soldados ma'a apatheto lhta Pablo, apkelto nhan ngkolhek aknakteto hanet knonemaie cadenas, apkelelmalhnengka nhan enenlhet'avok ma'a, lhta aptak: —¿Sek la enenlhet hengka ie, se lha apkelanei'o ie, he? —lhta aptak ma'a.

Hechos 21:4

Nelvetangvakho lhta nema altamesaikamok ma'a, nengakhengvakho 7 aknem apieseksek ma'a. Koka alhta aptangkok apkellano Pablo aniem'o nhan Espíritu meleltemo emhangkok akieto m'a Jerusalen.

Hechos 22:25

Apkelpeneskangkek nak apnaktetema Pablo m'a, ka apkenmahai'o lhnak eleliaqpelhketama etekpong Pablo m'a, koka lhna aptemak Pablo: —¡Ellaielh sekhe! Romano ko'o, mangkoltemok ley heltekpoma metka nema heiekpelkema ko'o —lhna lhta aptemak Pablo.

Hechos 24:27

Hanet iantelhkapa lhna lhta niekai'ak ma'a, ka apteiapmo lhna lhta Felix aptema gobernador, apiaqmongkeskamo lhna lhta Porcio Festo. Man noka epaqnemekha Felix Pablo m'a ngkanek apkeltemo lhna lhta nkollekkasama apvalho'ok judios aptemakha apmakmekama m'a.

Hechos 26:29

Koka lhna aptemak Pablo apkatemmoiangka: —Nkolkok hata evalhok iakvatakho nlho ka la nhan vangkakho lheiap kanhan aplhamakho enenlhet'avok anak hengke'e apkellelto nak hellailhemo etnangkok na astemakha nak ko'o, koka have m'a akto nak nemo nak helpelhketemo nak cadenas —lhna aptemak Pablo.

Hechos 28:17

Hanetolhem'a aknem alhta ntak akiekai'a m'a, ka apkelto lhta Pablo ngkolhek allav'o apkelemhama apmaniaie judios apkellelto apkelloma m'a Roma, lhta aptak apkellano: —Mamma ko'o askammelhaikama nennemolhema judios kanhan apkeltemakha nelieihengka, nkaqhok koka moklhem'a apkelemhama apmaniaie judios akieto m'a na temma Jerusalen hellangkongvakmo lhta m'a apkelemhama apmaniaie romanos apkeleltemo heiaqlhengkesek nenmammalhkelha m'a.

Hechos 28:20

Ka ngkanek allavama ketlhengkap kakpota aliekpelkok, alpaqmetkesama nhan, asmalhkek ko'o nnek henakteto knonemaie cadenas ngkanek al·halhnekama evalhok atak hata aktaqmanma, nnavek na askeltemo lhemek israelitas —lhta aptak Pablo apkellano.

Hechos 28:25

Ma lhta nhan nkolhok mo'ok apvalho'ok ma'a, ka apkellempo lhta nhan apkelieniekha napokha m'a, koka lhta aptak Pablo apkellano: —Have na niapak aptemakha aplheianma Espíritu Santo aniem'o apmaikama apkeltennasemmap ania'a Isaias aptaiangkolha nelieihengka'a, lhnak nanek aptemak apkanemo m'a:

Hechos 8:29

Koka lhna aptemak apkanemo Espíritu Felipe: —Eteteskakho no nekha koleto nak —lhna aptemak.

Hechos 9:16

Ataskesek hata m'a akiavai'a aplengaiangko akientalhnema aniem'o apaiesaikama asvesai'a —lhnak aptemak Apveske.

Efesios 3:1

Ka nkeniemai'ak ma'a nemo nak heiaqlhengkeskamo nemmammalhkelha aniem'o askasennaikama Cristo Jesús kakpota altakmelkeskesek apkellangiemhaikama ketlhengkap metnangko nak judios.

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Efesios 6:20

Eniapom Neten alhta apkeniemei'o apankek heiapaskama kakpota alhenek ania'a aktaqmanma nak, ka ngkanek askaqlhengkasemmalhko nak. Helelmalhneskes hato ka Eniapom Neten heiangkok asiennaktema kakpota alhenek metka askai'a ania'a aktaqmanma nak.

1 Timoteo 4:1

Aplheianmek Espíritu akto iokhalhmek ankek akmak'o ta nkovak aktemongvanlha nnelha aknem, moklhem'a elvatesangko ta aptaikamok meliaskeiam, elieplo'ok hata kasekapo av'alhok hengiennenkeskama kakpota nhan hengetlhekmoskama anko'ok kasekapok av'alho'ok.

2 Timoteo 2:9

asvet'ak nahan akientalhnema akvakmo nhan akno henakteto cadenas akieto nengaqlhengkasemmalhkelha malha aktonak enenlhet la meihamolhma, koka Eniapom Neten apaivoma nak mankaqlhengkasemmalhkak ma'a.

Hebreos 10:34

Apkelietnai'ave lhta nhan napaqta'a aplhatmommap la'a, nkelpaihekhe lhta nhan apvalho'ok neksa nemo al·hatsoskeskama qaselha apanko'ok ngkanek apkeliavek ketlhengkap nnaiangkek qaselha apanko'o metka akmaskengvaiam ma'a neten.

Hebreos 3:7

Ka nkeniemai'ak na ntasek angelleltakmelkaso angellailhok aktemakha aplheianma Espíritu Santo aktalhesammalhka Vakkahak Eniapom Neten apaivoma, ka aptemak hengke'e: «Apkelleng'o la Eniapom Neten apaivoma aknema anak,

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!