Hechos 20:7 - Nuevo Testamento Toba Maskoy

^7-8 Ampakhasekha nke knem semana alhta ntak nengaqnakho m'a akieto mo'ok av'alhok neten pa'at kakpota angellanangkok nentoma aktaqmanma m'a. Nlhanie lhta nhan talha alhankok nema alapommatkeskama m'a, aholhe lhta apketlhekmoskama Pablo m'a meliaskeiam ma'a akvakmo neplhet pelhasep alhta m'a, lhta ngkanek apmak'o elhong mokhom sosekhek ankek ma'a.

Hechos 20:7 ပူးပေါင်းရင်းမြစ်များ

Marcos 16:9

Ampakhasekha nke knem semana lhna ntemak ma'a, sosekhek ankek na ntemak ma'a aplhatekhangveiakmo Jesús apieseksek apkenmaskengvaiakmo. Apvetaskesammakpo nhan amanie María Magdalena, apkelentepkeskeskamo lhnak av'alhok sekhek ankek 7 kasekapok av'alho'ok ma'a.

Lucas 22:19

Ka apmamo lhnak na pan, aptemo nhan gracias Eniapom Neten, apkeliapto nhan, apkellangko apkeltamesaikamok. Lhnak aptemak: —Koka hengke'e ehepetek, allangkok hata henaqtevaksek kakpota elvongkasakpok tep ketlhengkap, kolietnekho ta mota apaqto'ok ko'o apkellanengko la'a neksa aktaqmelaikama lhma' nak ketlhengkap —lhna aptemak Jesús apkellanemo apkeltamesaikamok.

Lucas 24:35

Ka apkeleltennaiangka lhnak aktemakha apkelvetai'a amai akmaiangko Emaus, netamen apkeliekpelkangveiakmo lhnak apiaptemo pan ma'a.

Juan 20:1

Ampakhasekha nke lhta ntak aknem semana m'a, mokhom nak apkelienaktesekama lhma m'a, akmeiekho lhna lhta María Magdalena nemakha aklhengkeskaiakmo Jesús aphapak metaimong alhva. Mpelapkeskankek na lhta akvetai'a nemo akteskeskamo atong metaimong alhva.

Juan 20:19

Pelhasep alhta aptak ma'a, apkaknakho lhta apkeltamesaikamok konne pa'at, apkellapakhave lhta atong ngkanek apkelemhama apmaniaie' judios alhta apkellak'ak ma'a. Mpelapkaske lhta aptalhnengvo'o Jesús ma'a, apkenengvakmo apieseksek apkaknakhelha, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

Juan 20:26

Netamen ocho knem alhta nieka'ak ma'a, apkaknakho lhta mokhom apkeltamesaikamok Jesús lhema konne pa'at, Tomas alhta nhan kolhva m'a, apkellapakhave lhta mokhom atong ma'a. Koka aptalhne lhta Jesús konne m'a apkenenvakme lhta apieseksek ma'a, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

Hechos 16:10

Ka akmaskemo lhnak akvetai'a apaqtek Pablo m'a, netamen neliangvakho lhta nhan ennengko'o m'a Eniapom Neten apkeltema angenmeiakhak ma'a Macedonia kakpota angelleltennaksek ania'a aktaqmanma m'a. Ka nellanakho lhta kolhvave ankek nelletsekama, netlhengo lhta nhan ma'a.

Hechos 2:42

Vanlha lhna mota apkellasekhai'o aktemakha apketlhekmosekamok nema allapaskamo, apkeltaiangkolha lhna lhta mota nhan apketlhelhma'ak, kakpota nhan aptaveikokho lhemek, kanhan apkelpasmekho apkelelmalhnongkoma m'a.

Hechos 2:46

Lhamakho knem nak apkaqnekha mota akieto Eniapom Neten apnemakha m'a, kakpota nhan apkelpasmekho m'a apkakhaiangkelha nentoma aktaqmanma. Aptaveikokho nhan nentoma nkek akieplomo alpaihekha apvalho'ok ma'a kakpota nhan allakhaiangka apvalho'ok.

Hechos 20:11

Ka apkanantakho lhta mokhom Pablo neten pa'at, aptavengko nentoma aktaqmanma m'a. Apkempakho lhta mokhom apketlhekmoskama akvakmo atsak'o m'a, netamen aptaqhakho nhan ma'a.

Hechos 20:31

¡Elel·halhnama toka! Nkotlheianvakho ta mota apvalho'ok astemakha lhta mota asketlhekmosekamok lhamakho aknem akvakmo hanetolhema iantelhkapa neksa akientalhnema lhta niekhe m'a.

Hechos 20:5

Apmaniaie lhnak aptaiangkok apkelvekha m'a akieto natemma Troade, hengellelhvekho lhna lhta nhan ennengko'o m'a.

Hechos 20:9

Apkailhengke lhta m'a lhema apketkok apvesai'a Eutico, neten alhta pnak atong atkok, tenn alhta nkaqhak ma'a aniem'o akvenaktema apkeltennaikama songke Pablo. Ka apteiakmo lhta m'a apkempo'o lhta akieto apteiam 3 av'alho'ok neten, ka apkelentepo lhta koneng enenlhet'avok apkenmahai'a elankesekhak neten, koka apkelvetangvakhe lhta apketsepma m'a.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

1 Corintios 10:16

Nenienaiangkek ennengko'o mota nohaikok akieplomo vino aktaqmanma akietkesammalhka m'a ema apankok Cristo, aniem'o nhan nelpasmekha m'a. Neliapteiangkek na, nentoiangko nhan pan akietkesammalhka koka nhan apiokha m'a aniem'o nhan nelpasmekha m'a.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

1 Corintios 16:2

Lhamakho ampakhasekha aknem semana ta eltaqmelkeskasangkok nekha atkok patakkom akianmoma la apkenmakmekama aktakha la akianmoma kakpota mankaimalhkek ellankesokhak asvakho ta ko ham.

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

Apocalipsis 1:10

Aknem apanko lhta ntak Apveske m'a, mpelapkaske lhta akvo'o aklanei'o evalhok apmopvana Espíritu, asleng'a lhta nema aliatekama netamen ko'o, akiennaktema nkek akpaivoma malha trompeta la'a,