Hechos 20:4 - Nuevo Testamento Toba Maskoy

⁴ Apketlhelhma'ak nak Sopatro apketka Pirro apkeniem'o natemma Berea, Aristarco kakpota nhan Segundo apkelleniem'o Tesalonica. Gayo apkeniem'o Derbe, Timoteo, Tiquico ka nhan apialheng apvesai'a Trofimo apkelleniem'o koka m'a Asia.

Hechos 20:4 ပူးပေါင်းရင်းမြစ်များ

Hechos 14:20

Ka apkelvai'o lhnak ma'a nema altamesaikamok, apkel·halhiengkangvei'o lhnak apietnakha Pablo, ka apkenmekho lhnak apankek neten, aptalhnekho mokhom natemma m'a. Mo'ok aknem na ntemak ma'a apkenmeiekho Pablo kakpota nhan Bernabe na temma Derbe,

Hechos 14:6

Apkeliamavek noka nema alapaskamo m'a, apkeniaiangko apkenmeiekho na temma Listra kakpota nhan Derbe akieto konne iokhalhma Licaonia, lhamakho apnakha la temma m'a,

Hechos 16:1

Apvekhek nak Pablo m'a akieto iokhalhma Derbe kakpota nhan Listra, aplomaka lhnak na m'a lhema apketkok nema altameskama apvesai'a Timoteo, ngken noka akto judia mankoiaskeiam nak na m'a, apiapom noka apto griego.

Hechos 16:6

Pablo kakpota nhan apketlhelhma'ak apkenmahai'avek na niekhe elpaiaksek ania'a aktaqmanma iokhalhma Asia, koka Espíritu Santo lhnak meltemok ma'a. Ka apkeliekai'o lhnak konne iokhalhma Frigia kakpota nhan Galacia,

Hechos 17:1

Ka apkelempaikokho lhnak mokhom apketlhengama Pablo kakpota nhan Silas, apkeliekangvekho lhnak na temma Anfipolis kakpota nhan Apolonia, apkelvekho m'a na temma Tesalonica, nietnengkek nak na apkaqnekhelha judios ma'a.

Hechos 17:13

Koka apkellengai'ak nak judios akieto m'a Tesalonica apkeltennaikama Pablo Eniapom Neten apaivoma natemma Berea, ka apkenmeiekho lhnak ma'a, apkeltemeskeskekho lhnak na mokhom apkeliennengkeskama lhma enenlhet'avok aniem'o apkellammelhma Pablo.

Hechos 19:29

Apiennengkeskangkek na lhma enenlhet'avok annatheskama m'a, ka apteniaiangko lhnak apiempeiok apkelketameiangko apkelpathetmo Gayo kakpota nhan Aristarco apkelleniem'o m'a Macedonia, Pablo lhnak apketlhelhma'ak ma'a, apkelienioseikokho av'alhok aknaivommalhkelha.

Hechos 2:9

Nelpalhkalhkek ennengko'o hengke'e nelleniem'o mo'ok apkellavakha, ko Partia, Media, Elam, Mesopotamia, Judea, Capadocia, Ponto, Asia.

Hechos 20:16

Pekhai'a lhta nentangkok netlhengama m'a ngkanek Pablo ma lhta emak'ak elhek akvangkakho iokhalhma Asia. Ma lhta nhan nkomak'ak etnek amaika'a na temma Efeso ngkanek apekhak'ave lhta niekhe eniakha Jerusalen kakpota epasengvakhak aktaqmelaikama lhma akvesai'a Pentecostes ma'a.

Hechos 20:18

Ka apkelvakho lhta m'a, lhta aptak apkellano Pablo: —Apkeliavek ketlhengkap asvo'o lhta ko hengke'e iokhalhma Asia, nheklhe mota astaqmelkasemmalhko.

Hechos 21:29

Koka apketlhengke lhta apankavek ma'a ngkanek apkelvet'a lhta sekhek Pablo apiaihengka m'a apvalhok temma aplhelhma lhtoka Trofimo ko Efeso lhta m'a, apkellanemo lhta m'a eiantamak konne Eniapom Neten apnemakha.

Hechos 27:2

Ka nelkananto lhta nhan loma nemmen ampo lhta m'a akieto Adramitio, akmeiekha akieto aknangkongvekhelha loma nemmen akieto Asia. Netlhelhma'ak alhta nhan ma'a apvesai'a Aristarco apkeniem'o lhta Tesalonica akieto konne iokhalhma Macedonia.

Romanos 16:21

Nlhenkek na apvalhok ketlhengkap alhelhma nak apvesai'a Timoteo. Nketlhenkek na apvalho'ok hengke'e aspaiomo lhema nak apkelvesai'a Lucio, Jason kakpota nhan Sosipatro.

Romanos 16:23

Nlhenkek apvalhok ketlhengkap hengke'e Gayo apto apnemakha asnema, apkaqnekhelha nha mota iglesia hengke'e. Nlhenkek na apvalhok ketlhengkap apto apkeltakmelkeskama patakkom apkellavakha nak hengke'e apvesai'a Erasto. Ka nhan apkapasak aklheianma apvalhok hengke'e enialheng anak apvesai'a Cuarto.

2 Corintios 1:1

Ko'o Pablo asto heiapaskama Cristo Jesús aniem'o nhan aptema Eniapom Neten, alhelhma koka ko'o Timoteo hengke'e. Nengenmak'ak angellapaksek atlheianma engvalho'ok apkellelto iglesia apankok Eniapom Neten ham na temma Corinto, kakpota nhan aplhamakho apkelpokkenammap apkakhangko m'a iokhalhma Acaya.

2 Corintios 1:19

Ennengko'o Silvano, Timoteo kakpota nhan ko'o have nentaiangkolha alpengkammalhka atlheianma engelvalho'ok, nelieplavkaskek ennengko'o aptemakha lhta mota Eniapom Neten, metka aptema hai, nlho ka la mma'. Vanlha aptema hai' ma'a aplheianmo mota aptemakha Apketka Jesucristo.

Efesios 6:21

Hai, kolhva asmak'ak angvapaksek Tiquico askamelaiam ham, apto nengaqtek astaikama alhelhma neksa nenmakmesaikama Apveske, etsakhesek hata ania'a ehenkok kakpota nhan ania'a apanko'ok asketlhelhma'ak anak hengke'e kakpota eliohok ketlhengkap aktakha nelvetai'a hengke'e kakpota elvaskapekhok mokhom ketlhengkap ham.

Filipenses 2:19

Apkelto la apveske Jesús angvapaksek hata Timoteo ham aptengiaikama la ania'a apieseksek anak ketlhengkap kakpota nkopaiesekhak evalhok ko'o.

Colosenses 4:10

Ka apkapasak na aklheianma apvalhok Aristarco, apkaqlhengkasemmakpo nhan hengke'e alhelhma. Kakpota nhan apkapaskek na aklheianma apvalhok hengke'e Marcos apto Bernabe apiaha' apketka, hata etnek na amaika'a ham, eltaqmelkaso ta apkenmaikamok takha apvaktamo ta ham, astakha lhta nhan askellano aspaioma askeleltemo etnangkok sekhek anke lhta.

Colosenses 4:7

Enialheng nengamelaiam Tiquico etsakhesek hata ania'a ehenkok ham, apto nema asennaikama nengaqte heliehekho mota, apto nhan alhelhma asmakmesaikama Apveske.

1 Timoteo 1:1

Ko'o Pablo asto heiapaskama Cristo Jesús apto niapom al·halhnekama engvalho'ok angvetak aktaqmanma. Hellapaskama koka m'a Eniapom Neten apto hengelvongkeskamo tep kanhan Cristo Jesús kakpota apaiaksek ania'a aktaqmanma.

2 Timoteo 1:2

astalheskaskek ko'o vakkahak anak lheiap Timoteo apto malha eietka askamelaiam. Askeltavek ko'o Eniapom Neten kanhan Cristo Jesús Apveske engankok etaqmelkeskesek apkaniemhaikama lheiap, eietnahok na napa'at, eniankok na aktaqmelaikama apvalhok lheiap.

2 Timoteo 4:12

Tiquico lhtoka askapasak ma'a akieto Efeso.

2 Timoteo 4:20

Askeltavek altennaksek lheiap apnakhe lhta Erasto m'a akieto Corinto, Trofimo lhtoka asnesakhak ma'a akieto apiav'akha temma Mileto ngkanek nenmaskema lhta nkaqhak ma'a.

Tito 3:12

Angvapaksek hatelha Artemas nlho ka la nhan Tiquico apnakha nak lheiap ham, epekheso toka nhan lheiap eniakhak ma'a Nicopolis kakpota angelvetalhkak ma'a, ko'o nhan asmak'ak aniakhak ma'a kakpota alhek apvalhok pieiam ma'a.

Filemon 1:24

nketlhenkek na apvalho'ok lheiap hengke'e Marcos, Aristarco, Demas kakpota nhan Lucas apkellelto askenmakmekama lhemek.

3 Juan 1:1

Ko'o asto metno apketkok, nlhenkek evalhok lheiap Gayo apto astema emo'ok, have niapak ankek askasekhai'o lheiap.