Hechos 20:24 - Nuevo Testamento Toba Maskoy

²⁴ Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 20:24 ပူးပေါင်းရင်းမြစ်များ

Lucas 16:28

kakpota eleltennaskakhak 5 elialheng'a aktakha asvetai'a hengke'e, elianmongkesek hata apvalho'ok kakpota melvek hengke'e nenlengaiankolha nak akmaska akiavai'a", lhna aptemak ma'a.

Juan 15:27

Ketlhengkap hata eleltennaksek enenlhet'avok lhamakho qaselha aktemakha apkelvetai'a askelanai'a ngkanek helieplekama lhta askempai'akhasekha lhta asmakmekama —lhta aptak Jesús.

Juan 17:4

Askelvetaskaskek aknema apmopvana lheiap hengke'e nalhepop anak napaqtavek enenlhet'avok, aspeneskek na apkeltemo lhta alanak lheiap.

Hechos 1:17

Koka apto lhta niekhe netlhelhma'ak Judas ma'a, nenmakmekamo lheme lhta nhan.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 13:25

Netamen ketsek nak nkaimommalhka apketsepmakha Juan, lhnak aptemak: "Have ko'o asto m'a enenlhet anak aklheianmo na mota apvalho'ok ketlhengkap, evak hato ka netamen ko'o m'a, mangheietok na niekhe al·hatsoskesek hata alhato'ok apnakteto apmanko'ok ma'a", lhnak aptemak Juan.

Hechos 14:3

Koka nheklhek nak apkakhaikamok Pablo ka nhan Bernabe m'a akieto Iconio, apkeleltennaseiangka lhnak na ania'a hengamelaiam Apveske enenlhet'avok ma'a metka apkellai'a, ngkanek apkeliamavek nak apkeltakmelkeskamo m'a. Apkellaiangkek nak na m'a apkenmopvanka'a kakpota ellanangkok qaselha mongenatkeskama kakpota nhan qaselha hempelapkeskama.

Hechos 15:7

Avanhek na ntemak apkellatemommap ma'a, ka apkenmekho lhnak neten Pedro, lhnak aptemak: —Elialheng'a, apkeliavek ketlhengkap Eniapom Neten apto heliekieskama lhennenga kakpota altennama ania'a aktaqmanma apieseksek metnangko nak judios kakpota meliaskamek ma'a.

Hechos 18:5

Ka apkelvekho lhnak ma'a Silas kakpota nhan Timoteo, iokhalhma Macedonia lhnak apkeleniektak ma'a. Ka apkempai'akha lhnak Pablo akiokho nkek aplheianma mota ania'a aktaqmanma, apmahai'a elvetaskesek judios aptemakha Jesús apto Cristo.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 20:23

Koka neksa alhengama alhta mota lhamakho apkellavakha lhmankek ham, heltennaskangke lhta mota Espíritu Santo nkolhe ta hetvaso m'a, kakpota nhan ngkolhek hetalhneso nenmammalhkelha.

Hechos 20:32

Kolhva koka askenmalhnema Eniapom Neten eltaqmelkesek ketlhengkap elialheng'a aniem'o ania'a aktaqmanma hengamelaiam altakmelkeskeskama ta apkellaniemhaikama. Nietnek na apmopvana m'a kakpota elvanengkeskesek na apvalho'ok meliaskeiam, hata nhan ellangkok ketlhengkap ma'a aplheianmo lhta apaivoma ellangkok apkelpasmekha nhan apkelpokkanma.

Hechos 21:13

Koka lhta aptak Pablo hengellatemmongka: —Mollaiose nke apvalho'ok ketlhengkap, meliapqalh ankek nahan, aniakha ta ko'o Jerusalen niekhe astetemmalhka ta m'a, niekhe nhan asmatnama ta aniem'o apvesai'a Apveske Jesús —lhta aptak hengellano m'a.

Hechos 22:21

Koka lhta aptak heiano mokhom Apveske: "Eniakha panke', askeltave ko'o emhangkok lheiap mokhek ankek mo'ok apkellavakha apkakhaiangkolha nak metnangko nak judios", lhta aptak heiano.

Hechos 9:15

Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Romanos 11:6

have aniem'o aptaiangkolha apankavek la'a. Ka apkeliekieso la Eniapom Neten enenlhet'avok aniem'o aptaiangkolha apankavek la'a, mmaskek ma'a apkeliekieso aniem'o aktaqmanma nkek apkellanei'o m'a.

Romanos 4:4

Kolhva ellailhono lhema asietkeskama nak: Lhema apveske la'a mankapvankek eniangko pankek apmakmesaikama patakkom metko la apmakmekama, amanie koka sekhek ntasek emakmesama m'a.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Corintios 12:10

Avanhek na akpaihekha evalhok neksa moiennaktema la'a, neksa aimommalhka nhan qaselhaha, nema heiaqmasekama, neksa akvai'a akientalhnema aniem'o enenlhet apkenmahai'a henaqtevaksek aniem'o nhan moi'askeiam Cristo. Neksa moiennaktema apankek la'a, malha asiennaktema pankek ntakhak ma'a.

2 Corintios 4:1

Eniapom Neten apto apiamolhma hengellanei'o ennengko'o, hengellaiangko nhan nenmakmekama nenlheianma ania'a aktaqmanma. Ka nkeniemai'ak mamma nhan manghengeliaqvaiam la angelpaiaksek ania'a aktaqmanma.

2 Corintios 4:12

Kelha niekhe antekio'ok ma'a nenmeiakho la apieseksek anak ketlhengkap angelpaieskakhak ania'a aktaqmanma, nkaqhok koka angenmeianta kakpota etlhevangkok ketlhengkap akiennaktema enneniek mankotnengvaianlha nnelha.

2 Corintios 5:8

mongeliaskeiakmok ennengko'o m'a. Ka nkanek nenmak'a niekhe angelieniekhak neliokha nak kakpota angenmangkok ma'a angaqhengvomhok lheme Apveske m'a.

2 Corintios 7:4

Iokhalhmek ankek alheianma nak avanhek ankek ammalhko evalhok askellan'o ketlhengkap ammelhanto evalhok ham. Niekhe nellengaiangko akiavai'a akientalhnema, avanhek ankek koka nhan asvaskapekho kanhan akpaihekha evalhok.

Galatas 1:1

Ko'o Pablo hetneskeskamo heiapaskama Jesucristo kanhan Eniapom Neten apto nhan aplhatekhaskeiam apieseksek apkenmaskengvaiakmo, have enenlhet apankavek hellapaskama.

Efesios 1:6

Kakpota angeltakneskasangko mota apvesai'a m'a aniem'o aktaqmanma nkek hengellanei'o, altakmelkeskamo nhan nellaniemhaikama aniem'o nhan Apketka apkamelaiam.

Efesios 3:13

Ka nkanek ntasek mankollaiosek apvalho'ok ketlhengkap aniem'o apkellengai'a aslengaiangko akientalhnema henke'e, aslengangkek ko aniem'o asmahai'a alpasmok ketlhengkap, koka ntasek malha alammalhko apvalho'ok hellanghok ketlhengkap ham.

Filipenses 2:17

Meliaskeiam anak ketlhengkap malha niekhe ntak akmatnama nak nentoskama nengaikamok Eniapom Neten, ka asketsepo la ko'o neksa helasennaikama ketlhengkap, ema ehenkok malha ntakhak nema aliangkenaikama nak takhalhet qaselha nema akmeskama Eniapom Neten, hata akto ta askaniemhaikama m'a nkaqhok hato ka ngkotnek ma'a nkopaihekhok ankek hata evalhok lhemek ketlhengkap ma'a.

Filipenses 2:30

Niekhe atlhengkeskama lhta enietsepok aniem'o apieplavkeskama apkanemakha Cristo, nketlhengkaske lhta nhan enietsepok aniem'o hepasmoma ko'o ngkanek taiepek apkakhaiangkelha ketlhengkap mankollapvankek elpasengvatak hengke'e.

Colosenses 1:24

Mpaihakhek ko evalhok aklengangko akmaska asiokha nak aniem'o hellasennaikama ketlhengkap, ngkanek asavhok hata aktemakha lhta aplengaiangko Cristo aniem'o nkotaqmelekha ta iglesia, ngkanek malha Cristo apiokha ntak ma'a iglesia.

1 Tesalonicenses 3:3

neksa akvai'a akientalhnema kakpota mankoltemeskesantaniek na koneng ketlhengkap ham. Apkeliavek na akientalhnema nak mankavankek hengieka'.

2 Timoteo 1:12

ka nkeniemai'ak asvetai'o nak akientalhnema m'a, man koka amangkaktemak ngkanek ko'o asiavek apto moi'askeiakmo, apto lhta nhan heiapaskama apaiaksek ania'a aktaqmanma, asiavek na akietnema apmopvana m'a kakpota ngkolhek aklhengkasakho nema akpaieskama ania'a aktaqmanma nak akvakmo ta aknem hata m'a.

2 Timoteo 3:11

Apiavek na lheiap aslengaiangko akientalhnema aniem'o nema heiaqmasekama lhta metka nnelha, ka aktemo lhta asvetai'a m'a apiav'akha temma Antioquia, Iconio kanhan Listra, koka Apveske lhtoka hevongkeskama mota tep ma'a.

2 Timoteo 4:17

Apveske lhtoka hepasmoma, heiaiangko nhan asiennaktema kakpota apaiaksek aklhamakho nkek ania'a aktaqmanma napaqtavek na aplhamakho metnangko nak judios, hevongkeskanke lhta nhan tep malha lhta ntemak iama akmeiva nak akmahai'a heiaqhek ma'a.

Tito 1:3

Nietemavek nenvanlha nak heiapaskamo Eniapom Neten apto hengelvongkeskama tep kakpota aliangveskeskamhok ania'a apankok askeltennaiangka nak.

Tito 2:11

Hengelvetaskeskangke lhta Eniapom Neten aktaqmanma nkek hengellanei'o neksa hengellaikamok nengelvongkasemmalhka tep anak nenlhamakho lhmankek ham,

Hebreos 10:34

Apkelietnai'ave lhta nhan napaqta'a aplhatmommap la'a, nkelpaihekhe lhta nhan apvalho'ok neksa nemo al·hatsoskeskama qaselha apanko'ok ngkanek apkeliavek ketlhengkap nnaiangkek qaselha apanko'o metka akmaskengvaiam ma'a neten.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.

1 Juan 3:16

Hengelvetaskaske lhta Jesús nentemakha nengasekhai'o emmo'ok neksa apketsepma lhta m'a henianmoma ennengko'o, ntasek na ennengko'o angankoho aklhamakho aimommalhkelha la'a akvakmo nhan nengetsepo akiaqmoiekha m'a emmo'ok.

Apocalipsis 12:11

Koka apkeleltemeskesakhe lhta koneng ma'a aniem'o lhta akiangkenammalhka ema apankok Nepkesek Apketkok, aniem'o lhta nhan apketlheianma apvesai'a m'a metka apkellai'a, nkaqhok apkenmahai'a etekio'ok

Apocalipsis 6:11

Ka kno lhta allangko apkelentalhnema apkenmopai'a apankek ma'a, kno lhta nhan allelto elel·halhnek sekhe ketsek akvakmo apsavhekpo ta aptekievekha aplhamakha apkelaimommap apkelialheng'a apketlhelhma'ak ma'a, ka aktemo lhta aptekievekho nhan ma'a.