Hechos 2:43 - Nuevo Testamento Toba Maskoy

⁴³ Nkeliemaskangkek nak apvalho'ok enenlhet'avok ma'a apkelvetai'o qaselha hempelapkeskama aktaqmanma nkek kanhan qaselha mongenatkeskama apkellanekamok nema allapaskamo.

Hechos 2:43 ပူးပေါင်းရင်းမြစ်များ

Marcos 16:17

Enenlhet'avok la meliaskeiam ma'a, ko'o ta allangkok ellanak qaselha mongenatkeskama m'a. Elentepkeskasangkok hata kasekapok av'alho'ok, kakpota nhan apkenmopvanka'a mo'ok apkelpaqmeiasma.

Lucas 7:16

Avanhek ankek nak apkellai'a enenlhet'avok apkelvetai'o m'a, apkeliavenkaskesaiangka nhan apvesai'a Eniapom Neten ma'a, lhna aptaiangkok: —¡Apva'ak hengke'e apkeltennasemmap ania'a neten apanke apiaspommap, Eniapom Neten apkeltave epasmok apkennemolhema! —lhnak aptaiangkok ma'a.

Lucas 8:37

Netamen nak ma'a enenlhet'avok ko Gerasa apkeleltemo lhnak etiepok Jesús ma'a ngkanek avanhek nak apkellai'a. Ka apkanetvekho lhnak loma nemmen Jesús ma'a, aptaqhekho akieto Galilea.

Juan 14:12

Aniakhak hata ko'o akieto apnakha Eniapom, ka ngkanek apkellelto la mangheliaskeiam etnangkok hata aktemakha nak askelanai'a ko'o. Tep anke hata ngkotnek apkellanai'a qaselha m'a, have niapak ankek hata ngkotnek ma'a.

Hechos 2:22

Ketlhengkap israelitas, eltaqmelkaso no mokhom apkellailhemo asmak'ak altennasangkok. Apkeliavek ketlhengkap Eniapom Neten nkeniem'ak ma'a apkelvetaskeskamo nak ketlhengkap apmopvana Jesús ko Nazaret, akiavai'a nhan apkellanai'a qaselha hempelapkeskama, qaselha mongenatkeskama nhan.

Hechos 4:33

Koka nema allapaskama apkenmopvanka lhnak apketlhekmosekamok aktemakha aplhatekhangveiam alhta Apveske Jesús apieseksek apkenmaskengvaiakmo. Avanhek ankek nak na apkeltakmelkeskeskama apkellaniemhaikama Eniapom Neten ma'a.

Hechos 5:5

Neksa aplengai'a lhnak Ananias ma'a, apiaqnanmo lhnak, apketsepmo nhan ma'a. Avanhek nak apkennelhtengama neten enenlhet'avok apkellengai'o ania'a nak.

Hechos 9:34

Lhna aptemak Pedro: —Eneas, Jesús hata etaqmelkasekha kolhvave nak, etnemekha neten, eliaqsasekha nema aktankeskama nak —lhna aptemak. Kolhvavek ankek nak apkenmekhak neten ma'a.

Hechos 9:40

Netamen Pedro m'a apkeltemo lhnak elentepok aplhamakho enenlhet ma'a, ka apkelteklheklhemo lhnak aptapno'ok nalhepop, apkenmalhnongkomo m'a, ka apkelanei'o lhnak atsepma m'a, lhna aptemak apkanemo: —¡Tabita, kolhnekha no neten! —lhna aptemak. Ka anmaiesekho lhnak aqto'ok ma'a akvetai'o Pedro, ka aknemo lhnak neten takhalhet aktanema.