Hechos 2:4 - Nuevo Testamento Toba Maskoy

⁴ Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Hechos 2:4 ပူးပေါင်းရင်းမြစ်များ

Marcos 16:17

Enenlhet'avok la meliaskeiam ma'a, ko'o ta allangkok ellanak qaselha mongenatkeskama m'a. Elentepkeskasangkok hata kasekapok av'alho'ok, kakpota nhan apkenmopvanka'a mo'ok apkelpaqmeiasma.

Lucas 1:15

Neten ankek hata ngkotnek apiaspommap napaqtek Eniapom Neten, meinek hata vino m'a kakpota nhan iavhan anmen. Elanok hato ka apvalhok Espíritu Santo neksa apietnema konne av'alhok angken ma'a.

Lucas 1:41

Apkaktemmakpek nak atka av'alhok Isabel neksa aklengai'a lhnak akpaiveskama María, aplanei'avek nak na av'alhok Espíritu Santo m'a,

Lucas 1:67

Aplanei'avek nak apvalhok Zacarias Espíritu Santo, ka apkelientemongkeskamo lhnak aplheianma qaselha akmak'akha ta ngkotnek ma'a, lhna aptemak ma'a:

Lucas 12:12

Espíritu Santo ta ellangkok apkeliamo apkellatemmoikama ketlhengkap ma'a —lhna aptemak Jesús apkellanemo apkeltamesaikamok.

Lucas 21:15

Ko'o ta allangkok ngkeskama apkeliangveiakmo apkellasennammap la ankok kakpota nkollapvanak apkellatemmoikama, mangkolhek hata alieko'o ketlhengkap ma'a.

Lucas 4:1

Aplanei'avek nak apvalhok Jesús Espíritu Santo, apmaiangka lhnak ma'a kakpota emhangkok iokhalhma metkelha temma.

Juan 14:26

koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

Juan 20:22

Ka apkelvatepnapo lhta takhaplhet'avok ma'a, lhta aptak: —Apketlhevangkek Espíritu Santo kolhvave nak ketlhengkap,

Hechos 1:5

Have niapak anke lhta m'a apkellavkesangko lhta konne iemmen enenlhet'avok Juan ma'a, koka ketsek na nkaimelhka knem ngkoitek na ketlhengkap malha aknema allavkeskama la akieplomo Espíritu Santo —lhna aptemak apkellanemo Jesús ma'a.

Hechos 1:8

Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Hechos 10:46

Apkelpaqmeteiangka nhan mo'ok apkelpaqmeiasma kakpota nhan apkeliavenkaseiangka apvesai'a Eniapom Neten.

Hechos 10:47

Netamen lhna aptemak Pedro apkellanemo apketlhelhma'ak: —Eniapom Neten apkellapaskasak Espíritu Santo takhaplhet'ok enenlhet anak, nnavek na aktakha lhta ennengko'o m'a. Askanek ko'o mangapvankek angellaksek angellavkesangkok konne iemmen ham —lhnak aptemak Pedro m'a.

Hechos 11:15

Askelte lhta asketlhelhma'ak ma'a, ka askeleltennaso lhta ania'a aktaqmanma m'a. Apvaivantamo lhta nhan takhaplhet'ok Espíritu Santo m'a, ka aktemakha lhta nhan ennengko lha' sekhe lhta m'a.

Hechos 13:52

Koka neptamna'ak nema altamesaikamok ma'a akieto Antioquia nkelpaihekhek nak apvalho'ok kakpota nhan apkellaneiangkek nak apvalhok Espíritu Santo m'a.

Hechos 13:9

Ka apvai'o lhnak Saulo m'a, mo'ok nema altema koka nhan Pablo, aplanei'avek nak apvalhok Espíritu Santo, apkeltameskamavek nak Pablo m'a apiolhma Barjesus ma'a,

Hechos 15:8

Apkeliekpelkavek Eniapom Neten apvalho'ok aplhamakho enenlhet'avok, apkenmaiangkek na takha m'a metnangko nak judios ka nkeniemai'ak apkellaiangko nhan Espíritu Santo, nnavek na aktemakha nak hengellanei'o ennengko'o.

Hechos 19:6

Ka apnengkanmo lhnak na apmeio'ok apietsekso'ok Pablo m'a, apvai'o lhnak na takhaplhet'ok Espíritu Santo. Ka apkelpaqmeteiangka lhnak nkotnakho apkelpaqmeiasma ania'a kanhan apketlheianmo ania'a aniem'o Eniapom neten,

Hechos 2:11

moklhem'a apkellelto judios apankavek, kakpota nhan po'ok aptaikamok kolhva judios. Apkakhangkek na hengke'e enenlhet apkelleniem'o Creta kakpota nhan ko Arabia. Nenlhamakho nenleng'ak apkelpaqmetengka nempaivoma ennengko'o aktakha nak qaselha hempelapkeskama aniem'o m'a Eniapom Neten —lhnak aptaiangkok enenlhet ma'a.

Hechos 2:3

Ka alpelapkeskamo lhnak alenteiapvei'o aleivoma malha talha apietsekso'ok lhamakho enenlhet'avok ma'a apkelanemmakpo.

Hechos 4:31

Ka akvaiakmo lhnak nnelha apkelelmalhnongkoma m'a, akievheiangka lhnak akietemelha apkaqnekhelha m'a, apkellapvai'o lhnak Espíritu Santo aplhamakho m'a, apkelteniaiavek nak na apiempeiok apketlheianma Eniapom Neten apaivoma m'a.

Hechos 4:8

Aplanei'avek nak apvalhok Espíritu Santo Pedro m'a, ka apkatemmoiangka lhnak ma'a, lhnak aptemak: —Ketlhengkap apkelemhama apmaniaie, kakpota nhan metno apketko'ok,

Hechos 6:3

Ntasek eliekiesangkok apieseksek anak ketlhengkap 7 enenlhet altaqmanma la apkeltemakha, nema la nhan apkeliamo, allaneiangko la nhan apvalho'ok Espíritu Santo kakpota etnangkok apkelhpankesaikamok ma'a.

Hechos 6:5

Nkelleklemavek nak apvalho'ok enenlhet'avok ma'a, ka apkeliekiesaiangko lhnak lhema enenlhet aklanei'o apvalhok Espíritu Santo kanhan mei'askeiam apvesai'a lhnak Esteban, kakpota nhan po'ok Felipe, Procoro, Nicanor, Timon, Parmenas kakpota nhan Nicolas apkeniem'o m'a Antioquia, aptemongvai'a lhnak na judio m'a.

Hechos 6:8

Avanhek ankek nak aplhevai'a akmases apvalhok Esteban kanhan aknema apmopvana aniem'o Eniapom Neten, apkelanai'ak na mota qaselha hempelapkeskama kanhan qaselha mongenatkeskama napaqtavek enenlhet'avok apkellavakha nak ma'a.

Hechos 7:55

Koka Esteban aplanei'avek nak apvalhok Espíritu Santo m'a, apkammelhmo lhnak neten, apvetai'o apkapommatema Eniapom Neten ma'a kakpota nhan Jesús nak apkenmaiangka napokha akieto iennakha.

Hechos 8:17

Ka apnengkenaiangko lhnak apmeio'ok Pedro kakpota nhan Juan apietsekso'ok enenlhet'avok ma'a, apketlhevaiangko lhnak na Espíritu Santo.

Hechos 9:17

Ka apmeiekho lhnak Ananias apnakha Saulo, apnengkanvekho lhnak apmeiok takhaplhet ma'a, lhnak aptemak apkanemo: —Eialheng Saulo, Apveske Jesús alhta m'a apvetai'o nak lheiap nalhet amai neksa apmeienta nke'e Damasco, ka heiapaskama ko'o hengke'e kakpota etekha lhma lheiap, elanok na apvalhok Espíritu Santo lheiap —lhnak aptemak Ananias apkanemo Saulo.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

1 Corintios 12:10

Napokha koka apketlhevangkok apkenmopvanka'a ellanangkok qaselha hempelapkeskama, napokha nhan apketlhevangkok apkenmopvanka'a etlhenek ania'a aniem'o Eniapom Neten, napokha nhan apketlhevangkok apkenmopvanka'a eliekpelkok espíritus melatsekama kanhan Espíritu aptaqmanma. Napokha nhan apketlhevangkok apkenmopvanka'a elpaqmetama nempaivoma melioho nak mokhom, napokha nhan apketlhevangkok apkenmopvanka'a kakpota elpeivesekhak ma'a nempaivoma melioho nak mokhom.

1 Corintios 13:1

Ka askapvanko la aliatama lhamakho aktemakha apkelpakmeiasma enenlhet'avok lhmankek ham kakpota nhan ángeles, koka mankoietnak ko'o askasekhai'o emo'ok, malha ta atnek ko'o m'a aktonak tava apak alleknaikamaha, nlho ka la nhan alleknaiekha nak ankok.

1 Corintios 13:8

Mangkavankek nkomaskengvomok nengasekhai'o nak, koka nkomaskengvomok hata m'a nemmopvana nak anlhenek ania'a aniem'o Eniapom Neten, nkomaskengvomok hata nhan ma'a nenmopvana angeliatama mo'ok apkelpakmeiasma manioho nak mokhom, nkomaskengvomok hata nhan ma'a nenianveiakmo nak qaselhaha.

1 Corintios 14:18

Gracias ko stak Eniapom Neten ngkanek akietnema akiavai'a asmopvana aliatamaha nempaivoma monioho, neten ahenkek ko'o, aselhtek ketlhengkap.

1 Corintios 14:5

Askeltave niekhe aplhamakho nak ketlhengkap nkollapvanak elpaqmetama nkotno nak apkelpaqmeiasma melioho nak mokhom, koka ntasek melpaqmetek metko la enenlhet apmopvana elpeivesekhak kakpota nkoltaqmelkeskesek na apkellangiemhaikama iglesia nak ham. Metko la m'a, ntase elpaqmetek nempaivoma nke nak.

Efesios 3:19

Hai, askeltavek ko'o eliohok ketlhengkap aktemakha hengamelaiam akiavai'a nkek Eniapom Neten, tep ankek ma'a apkellanemakha nak nkolhok alietnaikama apaqto'ok ketlhengkap qaselhaha. Askeltavek na allaneiangko nke' apvalho'ok aptemakha Eniapom Neten.

Efesios 5:18

Metnamo nkek na akvakmo alieiesolhma vino ngkanek nkoltemeskesek hata malha metka apkelielhnengvaiam ma'a, ntasek koka elleltok ellanangkok apvalho'ok Espíritu.

Efesios 6:18

Elelmalhna ta mota Eniapom Neten, ellapiosama ta nhan aniem'o Espíritu anmaikama. Elel·halhnama ta metka apkel·halhiongvaiam, ellapiosakpo ta nhan apkelelmalhneskeskama aplhamakho apkelpokkenammap anak.

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!

2 Pedro 1:21

Apkeleltennasemmap ania'a nnenga metlheianmak na apanko'ok apankavek la ania'a, Eniapom Neten koka apkellaikamok apaivoma m'a kakpota etlhenek ma'a, aniem'o nhan apkenmaikama Espíritu Santo.