Hechos 2:33 - Nuevo Testamento Toba Maskoy

³³ Ka apiantemakho lhta nhan neten apneso napokha akieto akiennakha apoktong, apkaiangkek na Espíritu Santo. Kolhva koka Jesús apiangkenkek tekhenlhet'ok ennengko'o m'a aptemakha lhta nhan apaivoma apeneskamo hengeleltennaskama, ka nkeniem'ak ma'a apkelleng'o lhkek, kanhan apkelvet'o lhkek qaselhaha.

Hechos 2:33 ပူးပေါင်းရင်းမြစ်များ

Marcos 16:19

Apsavhomo lhnak aktemakha apkeleltennasekama Apveske m'a, ka aknemo lhnak akiantemekho neten ma'a, apnekho nhan akiennakha apoktong Eniapom Neten.

Lucas 24:49

eniakhamok hata hengke'e Jerusalen ngkanek kolhvavek hata angvapaksek takhaplhet'ok aktakha lhta apaivoma Tata have niapak ankek eniapaksek hata, aknema akmopvana apkeniem'o neten —lhna aptemak.

Juan 14:16

Ko'o ta anmalhnama Eniapom eniapaksek po'ok Hengiatekho niapom, Espíritu m'a kakpota elloka lhemo ie, apto have niapak anke niapom. Koka apkellelto la apkeliaskeiam metlhokiek hata ngkanek melvet'ak ma'a, meliekpelkak nahan. Ketlhengkap koka apkeliekpelkek ma'a, apnek na lhemek ketlhengkap ma'a, elhek hata nhan metka nnelha.

Juan 14:26

koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

Juan 15:26

Ko'o ta allapaskesek apto Hengiatekho niapom ketlhengkap, Espíritu apto have niapak anke niapom apkeniem'o nhan ma'a Eniapom, hata etlhekmoksek lhamakho qaselha aniem'o ko'o.

Juan 17:5

Eniapom, heiamok asmopvana akiavai'a ka akietnemo lhta ko'o tep nak na nek metkelha qaselha lhma nkek ham, asnemo lhta nhan lhemek lheiap ham.

Hechos 1:4

Ka apkeleltennaskamo lhnak lhema apaivoma, lhna aptemak: —Melakta pankek Jerusalen akvakmo ta aknem akvai'a lhema qaselha aplheianmo lhta Eniapom have niapak ankek eniapaksek hata, askeleltennaskangke lhta nhan ko'o lha sekhe lhta m'a.

Hechos 10:45

Ka alpelapkeskamo lhnak apketlhelhma'ak Pedro m'a, apkellelto nak apkelieplavkeskama aktemakha nema aliaqtemenkeskama apkellammelhakha nekhatko'ok ma'a, nkeliemaskangkek nak na apvalho'ok ma'a apkelvetai'o apvaiventamo Espíritu Santo taphaplhet'ok apkellelto metnangko nak judios.

Hechos 2:17

«Lhke aptak Eniapom Neten, hata akvakmo ta nnelha aknem lhmankek ham, aiangkenek hata Espíritu ehenkok takhaplhet'ok aplhamakho enenlhet'avok lhmankek ham, apketkak apkelennava'ak kakpota nhan ngkelvana'ak nkotlhenek hata ania'a apankok aniem'o Eniapom Neten. Apketko'ok ngkoitek hata alvetai'a apaqto'ok, kakpota nhan apkelvaneiam apkelvanmongkoma.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

Galatas 3:14

Ntemenke lhta m'a kakpota nkovak na takhaplhet'ok metnangko nak judios apaivoma apeneskamo lhnak nanek Eniapom Neten eltaqmelkeskesek apkellangiemhaikama Abraham, netlhevai'ak ma'a Espíritu apankok Eniapom Neten aniem'o mongeliaskeiam Cristo Jesús.

Efesios 1:13

Ketlhengkap na apkellailhemave lhta ania'a aktaqmanma akto have niapak ankek aktemakha hengvongkeskama tep, meliaskeiakmo lhta nhan ma'a aniem'o Cristo. Aptemo nhan Eniapom Neten malha apnaqtalheskama lhta nhan qaselha mongenatkeskama apvalho'ok apvesai'a Espíritu Santo kakpota etnangkok malha apanko'ok ma'a, aplheianmo lhnak nanek na Eniapom Neten have niapak ankek ellangkok hata m'a.

Efesios 4:8

Ka ktemo nak aklheianma vakkahak Eniapom Neten apaivoma: «Apmeiekhek neten aplaqlekho nhan apkenmammap, apkellaiangko nhan apkenmopvanka'a enenlhet'avok», ka nnema aktemo m'a.

Tito 3:6

Hai', apiangkenke lhta Eniapom Neten Espíritu Santo aklanei'o akiekangveiakmo tekhenlhet'ok ennengko'o aniem'o nhan Jesucristo apto hengelvonkeskama tep,

Hebreos 10:12

Cristo koka apkaiangko panke apiokhoho lhema aktema koka kakpota ematong ma'a, malha qaselha nengaikamok anak kakpota el·hatsoskasangkok na ngkollatsekama malha apkelpatmekama m'a enenlhet'avok lhmankek ham. Netamen apnekho nhan ma'a akieto akiennakha apoktong Eniapom Neten,

Hebreos 2:9

Nne lhta nhan aktepkeso Jesús hengke'e ketse lhtoka nhan koneng apientalhnemo melhnemok ángeles, iakvatakho lhtoka m'a. Kolhva koka neliavek ma'a nlanei'avek apientalhnemo kanhan nemo ai'o aniem'o lhta apketsepma. Hai, apkeliekieskek Eniapom Neten kakpota enietsepok ennengko'o hengeliaqmoiekha aniem'o aktaqmanma nkek hengellanei'o.

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.

1 Pedro 3:22

apmeiekho lhta neten, apnekho akiennakha apoktong Eniapom Neten, aptemengvekho nhan apveske apieseksek ángeles kanhan enghangok aknema anmovanka'a, alientalhnemo nhan ma'a.