Hechos 2:23 - Nuevo Testamento Toba Maskoy

²³ Koka ketlhengkap apkellangkongvaiakme lhta Jesús enenlhet'avok meliamolhma kakpota ennapok neten iamet aktenneskama m'a, apiamavek koka Eniapom Neten apmanie panke' akmak'akha ngkotnek ma'a.

Hechos 2:23 ပူးပေါင်းရင်းမြစ်များ

Marcos 15:24

Ka apkeliaqlhai'o lhnak apmeiok apmankok neten iamet aktenneskama Jesús ma'a, apnaqtevaseiangko nhan lhema nennaqtevaskama soldados ma'a, nenietemo kakpota esakhak Jesús aptalhnema,

Lucas 22:22

Ngva'ak qaselha aklhenammalhka ngkotnek hata takhaplhet Enenlhet Apketka nak, ¡koka enenlhet laie apto apselhnanongkoma m'a! —lhnak aptemak Jesús.

Lucas 22:37

Helheianmek ko'o Eniapom Neten apaivoma ntemak hengke'e: «Nne lhta aktemeskeso malha enenlhet meihamolhma», ntemak ma'a. Haveniapak ankek ngkotnek hata kolhvave nak asiaihekama —lhna aptemak Jesús.

Lucas 23:33

Apkelvekho lhnak na iokhalhma' aknaiangkelha ientepak empatek, ka apkeliaqlhaqlhemo lhnak apmeio'ok apmanko'ok neten iamet aktenneskama m'a kakpota nhan apqanet enenlhet meliamolhma', po'ok nak akiennakha' kakpota nhan sanqalvelha'.

Lucas 24:20

Koka apkelemhama apmaniaie sacerdotes kakpota nhan apkelveskaie enganko'ok anak, apkellangkongvakme lhta m'a apkelveskai'e romano kakpota ellaqhek eliaqlhak apmeiok apmankok neten iamet aktenneskama m'a.

Juan 19:18

Ka apkeliaqlhangko lhta apmeio'ok apmankok ma'a, apkelelhno neten iamet aktenneskama m'a, kakpota nhan apqanet enenlhet aiseksek alhta apielhnak Jesús ma'a.

Juan 19:24

Lhta aptangkok apkelpaqmetkesakpo mok apankavek ma'a: —Mongeliaptanke ta hengke'e, ntase ta annaktevasangkok nennaqtevaskama nemmapseive' kakpota apto apnaqsepma, esakhak ma'a —lhta aptangkok ma'a. Ngvakme lhta aknem aktemakha lhnak na nek aklheianma Eniapom Neten apaivoma vakkahak, lhnak nane ntemak: «Apkennaskesakpek askelentalhnema, apnaqtevasengkek na nennaqtevaskama nemmapseive' askaqlammalhka» lhna ntemak.

Hechos 13:27

Apkellelto lhta apkelemhama apmaniaie kakpota nhan enenlhet'avok apkellavakha nak ma'a Jerusalen, ma lhta nkotlheianveiakmok apvalho'ok apto m'a Jesús. Lhamakho aknem nennekhelha sabado lhta nha niekhe apkaknekhak ma'a akieto apkaqnekhelha apkelietsateiangko lhta nhan apnaktalheskama apkeleltennasemmap ania'a, koka nkaqhemavek apnaqtevaskangkek Jesús. Aptaiangkek ma'a aktemakha apketlheianma apkeleltennasemmap ania'a annenga ngkotnek hata m'a.

Hechos 15:18

Lhna aptemak Apveske apto apkelvetaskeskamo lhamakho qaselha lhennenga m'a».

Hechos 2:36

Ellailhono enenlhet ko Israel, have niapak anke ketlhengkap apkeliaqlhaiangke lhta apmeiok apmankok neten iamet aktenneskama Jesús alhta, Eniapom Neten alhto ka aptemeskasak Apveske kanhan Cristo —lhna aptemak Pedro apkellanemo enenlhet'avok ma'a.

Hechos 3:18

Koka apkellelientemongkeskamavek nak nanek apkeleltennaskama ania'a annenga Eniapom Neten apankok ennangkok hata akientalhnema apto apkapaskama Cristo, ntemengkek ma'a qaselha nak.

Hechos 4:28

Koka lheiap alhta apneskamo m'a aktemakha lhta apkaniemhaikama Jesús.

Hechos 5:28

—¡Nellaske lhta niekhe ketlhengkap sekhe lhta metlhekmosangkek mokhom ania'a etlhenek apvesai'a m'a enenlhet alhta, koka manghengeleliehekhok ma'a! Apkeleltennasema koka mokhom ania'a lhamakho akieto Jerusalen, hengetlhenke lhta nhan ennengko'o nengelelto neliankenkeskama ema apankok ma'a enenlhet alhta —lhna aptemak.

Hechos 5:30

Apkennapke lhta ketlhengkap Jesús neten iamet aktenneskama, koka Eniapom Neten apto Apveske apanko'ok nelieihengka'a aplhatekhaskeiakmok mokhom apieseksek apkenmaskengvaiakmo m'a.

Hechos 7:52

Mang nak nanek na eltaqmelkeskamak apkeleltennasemmap ania'a annenga apkelieihengka'a ketlhengkap, kakpota nhan apkennapeiangkek enenlhet aplheianma la ania'a apvai'a ta apto apeivomo. Netamen apvai'o hengke'e nenvanlha nak apto apeivomo panke, apkeltaknongvekhek na m'a, apkellaqhemo nhan ketlhengkap.

Romanos 2:12

Apkellelto nak metnangko nak judios mamma ley aniem'o nak Moises, nkaqhok koka ngkolhek hata aknaqtevasakho apkelieko la hengaskamakha nak Eniapom Neten. Koka judios apankave nak nkoiaqmongkasekhak hata ley apanko'ok apankavek apkellanengko la ngkolatsekama.

Romanos 4:17

Ka ktemo nak na aktalhesammalhka Vakkahak Eniapom Neten apaivoma hengke'e: «Astemeskaskek lheiap apiapma'ak aplhamakho apkellavakha lhmankek ham» lhnak nane ntemak ania'a. Man nak ei'askeiakmok Abraham Eniapom Neten, apto akietnema apmopvana apanke, enaklhatekhaskamok na apkenmaskengvaiakmo, apvankek na elhenek qaselha amanie nkovak hata.

1 Tesalonicenses 2:15

Ka judios alhta m'a apkennapmo lhta nhan apveske Jesús ma'a kanhan apkeleltennaskama ania'a apankok, ennengko'o lhta nhan hengelentepkeskamo apkellavakha apanke apiav'akha temma. Ma lhta nhan nkolleklemok apvalhok Eniapom Neten, vanlha lhta nhan apteniaikamok apkellammelhma.

1 Pedro 1:2

Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.

1 Pedro 1:20

Tep nak nek Eniapom Neten apeneskamo aklhenaikama apvalhok eniapaksek hata Cristo, mellaneiakha lhnak lhamakho qaselha lhmankek ham, koka nenvanlha nak apvai'ak ma'a kakpota hengeltaqmelkeskesek nellaniemhaikama, ketsek na nkaimelhkak aknem aktemakha ta nnelha.

1 Pedro 2:8

ka metaimong anak akmovana ta nkolpelapongkesek ma'a». Hai', meleliahakho la ania'a aplhenammap Jesucristo ngkotnek hata malha alpelapongkeskama m'a, nietave ngkotnek ma'a.

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.

Apocalipsis 13:8

Asvet'o lhta nhan apkelteklhengko aptapno'ok naqtek ma'a kakpota ellahok akvesai'a aplhamakho enenlhet'avok lhmankek ham apkellelto mankolhnaikamok apkelvesai'a vakkahak alanemmalhko sekhek ankek tep nak nanek lhmankek ham. Ka vakkahak anak ma'a akto akiennaktema enneniek apankok ma'a Nepkesek Apketkok apto lhta nhan apmatnama.