Hechos 2:22 - Nuevo Testamento Toba Maskoy

²² Ketlhengkap israelitas, eltaqmelkaso no mokhom apkellailhemo asmak'ak altennasangkok. Apkeliavek ketlhengkap Eniapom Neten nkeniem'ak ma'a apkelvetaskeskamo nak ketlhengkap apmopvana Jesús ko Nazaret, akiavai'a nhan apkellanai'a qaselha hempelapkeskama, qaselha mongenatkeskama nhan.

Hechos 2:22 ပူးပေါင်းရင်းမြစ်များ

Lucas 11:20

Ko'o nhan askelentepkasak kasekapok av'alho'ok aniem'o apmopvana Eniapom Neten, apkelvetak iokhalhmek ankek ketlhengkap akvo'o aktemakha apveske Eniapom Neten hengke'e.

Lucas 18:37

—Apiekak Jesús ko Nazaret hengke'e —lhna aptaiangkok enenlhet apkellatemmoiangka m'a.

Lucas 24:18

Ka apkatemmoiangka lhnak apvesai'a Cleofas, lhna aptemak: —Lhamakho amaika'a apkeliave aktakha akvetammalhka m'a Jerusalen, vanlha noka meiho lheiap —lhna aptemak.

Juan 1:45

Netamen apmeiakho lhnak Felipe apiantengvekho Natanael, lhna aptemak apkanemo: —¡Nelvetakhek lhek ennengko'o aklheianmo ley Moises anak kakpota nhan vakkahak apkeleltennasemmap ania'a annenga, Jesús ko Nazaret lhaiek, José apketka! —lhna aptemak Felipe.

Juan 10:37

Ellailho no, koka ntase niekhe heliaskamok ma'a molan'o la lhamakho qaselha askelanai'a ko'o. Koka nlhamakmek qaselha altakmanma askelanai'a aniem'o Tata, alhnakho nkek na nengelvetaskeskama Eniapom kakpota nhan ko'o enlhema ennengko'o m'a —lhta aptak.

Juan 11:47

Ka apkaknekho lhna lhta apkelemhama apmaniaie' sacerdotes, Fariseos, kakpota nhan apkelveskaie apkelientalhnemo m'a, lhna lhta aptaiangkok: —¿Ko la antemeskesek enenlhet anak ma'a, he? Nlhanie ntak apkellanai'a qaselha mongenatkeskama.

Juan 12:17

Koka apkellelto lhta apkelvetaiangko aplhatekhangveiam Lazaro, apteiapmo nhan ma'a nemakha akpekkanveianlha enghapak metaimong alhva, apkeleltennasengka lhta ania'a aplhamakho apkellelto apkelvaiam ma'a.

Juan 19:19

Apkeltave lhta Pilato ngkolhek alkaso lhema iamet akpaihema alkasemmalhka neten iamet aktenneskama akieto takhaplhet Jesús. Hanetolhem'a aktemakha nempaivoma, hebreo, latin, kakpota nhan griego, lhta ntak heng: Jesús ko Nazaret apiav'akha apveske apanko'ok judios, lhta ntemak aktalhesammalhka m'a. Ma lhta ntek enenlhet judios apkelietsatengke lhta nhan alqama m'a neksa apketlhengama m'a ngkanek nengaqte lhta apiav'akha temma.

Juan 4:48

Lhta aptak Jesús: —Lheiap kakpota nhan apkennemolhema nak vanlha apkeleltemo elvetak qaselha mongenatkeskama, qaselha hempelapkeskama nhan kakpota meliaskame —lhta aptak apkano m'a.

Juan 5:36

Helhenke lhta ko'o Juan napaqtavek ketlhengkap astemakha, kotlheianvom koka apvalho'ok apkelvet'ak lhamakho aktemakha aspeneskama lhta aniem'o apkeltemo Eniapom alanak, kakpota eliangvomhok asto heiapaskama Eniapom anak.

Juan 6:14

Nkeliemaske lhta apvalho'ok enenlhet'avok apkelvet'o qaselha mongenatkeskama m'a, lhta aptangkok: —Have na niapak enenlhet anak apto apkeltennasemmap ania'a aplhenammakpo lhnak nanek lhennenga kakpota evak hengke'e —lhta aptangkok ma'a.

Juan 6:27

Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

Juan 7:31

Koka ma lhta nha ntek enenlhet meliaskeiam Jesús ma'a, lhta aptangkok: —Hai', Cristo ham, ellanhono lhamakho qaselha mongenatkeskama apkellanai'a mota ham, eliangvomho koka —lhta aptangkok ma'a.

Hechos 13:16

Ka apkenmekho lhnak neten Pablo napaqtave enenlhet'avok, apiasekho lhnak neten apmek apkeltemo elvanmak enenlhet'avok ma'a, lhnak aptemak: —Ellailhonoho ko Israel kakpota nhan ketlhengkap metnangko nak judios apkellelto apkellai'o Eniapom Neten.

Hechos 14:27

Ka apkelvekho lhnak Antioquia m'a, apkellankesekho lhnak apkellelto iglesia m'a, ka apkeleltennaseiangka lhnak ania'a aktemakha Eniapom Neten apkelanai'a qaselha neksa apketlhengama m'a. Apketlheianmo nhan aktemakha apkelpasmoma mota Apveske kakpota eleltennasangkok na ania'a aktaqmanma metnangko nak judios kakpota meliaskamek na m'a.

Hechos 2:19

Alvetaskesek hata nhan qaselha hempelapkeskama neten, kakpota nhan qaselha mongenatkeskama nalhepop, ngkoitek hata ema, talha kakpota nhan akpanma eten akiavai'a.

Hechos 2:43

Nkeliemaskangkek nak apvalho'ok enenlhet'avok ma'a apkelvetai'o qaselha hempelapkeskama aktaqmanma nkek kanhan qaselha mongenatkeskama apkellanekamok nema allapaskamo.

Hechos 21:28

Ngkelpaihema lhta nhan apatno'ok, lhta aptangkok ma'a: —Enenlhet ko Israel, hengelvanengvata kakpota ampathetek enenlhet anak, malha apmaiangko lhma apketlhekmoseiangko lhamakho apkellavakha apkammelhekhek na nengavakha nak, ley engankok nahan, kakpota nhan Eniapom Neten apnemakha nak hengke'e. Apkellentalhneska'ak na griegos hengke'e, mangeltammalhkelha nak antangkok, aptevaskek na akto pa'at akpokkenammalhka nak —lhta aptangkok enenlhet'avok ma'a.

Hechos 22:8

Ka askatemmongka lhta m'a, lhta stak askano: "¿Se lha lheiap ke, Apveske?", lhta stak. Ka heiatemmongka lhta nema aliatekama m'a, lhta ntak: "Jesús ko Nazaret ko'o, heiaqmaseiangka nak lheiap", lhta ntak.

Hechos 24:5

Ka enenlhet anak meiholhma pankek ham, lhamakho iempehek aptepkeskama akmaska mota apkeliaiesekho nhan judios. Apto nhan apkemhama apmanie lhema apasmekama enenlhet'avok hengetlhekmoskama ngkolatsekama apkelvesai'a Nazarenos.

Hechos 26:26

Apiavek na apiav'akha apveske nak Agripa aktemakha na mota ania'a alheianma, apkeliavek na aplhamakho enenlhet'avok ka ngkanek alheno nak metka aktaikama evalhok napaqtek Agripa.

Hechos 26:9

Lhennenga alhta nlheianmek evalhok lhamakho aktemakha asmak'akha atnehek anaktevaksek apkellelto meliaskeiam Jesús ko Nazaret.

Hechos 3:12

Netamen lhna aptemak Pedro apkellanemo m'a: —Ketlhengkap enenlhet ko Israel, nkeliemaskek lhek apvalho'ok apkellan'o aptaqmalveiam enenlhet anak hengke'e. Apkellanek na ketlhengkap aniem'o nenmopvanka'a engankave kanhan neltaqmelkasemmalhko ennengko'o, koka have niekhe m'a.

Hechos 3:6

Koka lhna aptemak Pedro apkanemo: —Mamma ko'o patakkom kanhan oro, vanlha koka asmak'ak atnek angvana akieplomo apvesai'a Jesucristo ko Nazaret: ¡Etnemekha neten, elheng ma'a! —lhna aptemak Pedro.

Hechos 4:10

Aleltennasangko ta ketlhengkap kakpota nhan aplhamakho enenlhet'avok ko Israel, ka enenlhet alhta aptaqmalveiam aniem'o koka m'a apvesai'a Jesús ko Nazaret, apkellaqhema lhta ketlhengkap neten iamet aktenneskama, Eniapom Neten alhta nhan aplhatekhaskakmok ma'a.

Hechos 5:35

Lhnak aptemak apkellanemo apkelemhama apmaniaie: —Ketlhengkap apkelennava'ak ko israel, eltaqmelkaso ta atlheianma apvalho'ok apmak'akha ta etnangkok apkellanei'o enenlhet'avok anak ham.

Hechos 6:14

Aplhengkek lhek Jesús ko Nazaret ma'a etvasekhak nak lhek pa'at akpokkenammalhka nak kakpota nhan eiaqmongkasekhak mo'ok nentemakha nentaiangkolha hengaikamok alhta Moises annenga —lhna aptaiangkok ma'a.

2 Corintios 12:12

Apkeliavek ketlhengkap asto nhan nema heiapaskamo ko'o, apkelvetai'a lhta asmakmeiangka metka aspekheskama, askelanai'a lhta nhan qaselha mongenatkeskama, qaselha hempelapkeskama nhan, qaselha akiavai'a akmovana nhan apieseksek anak ketlhengkap.

Hebreos 2:4

Apkelan'a lhta nhan Eniapom Neten qaselha mongenatkeskama, qaselha hempelapkeskama kanhan qaselha aktaqmelo mongvetai'o kakpota nhan apkellaiangko lhta Espíritu Santo apmak'akha la ellangkok kakpota ngkotnek iokhalhmek ma'a ania'a apketlheianma.