Hechos 19:40 - Nuevo Testamento Toba Maskoy

⁴⁰ Mangkolatsema apkeliennengkaso lhke lhma ketlhengkap hengke'e, mamma qaselha akiav'o ngkolatsekama apkellanekamok Gayo kakpota nhan Aristarco, ngkolhek hatelha nhan hengetlheianvakho napaqtavek apkelveskai'e ennengko'o nengelelto nelentepkeskama akiennoma lhma nak, aqhemo koka m'a —lhna aptemak.

Hechos 19:40 ပူးပေါင်းရင်းမြစ်များ

Lucas 1:1

Askeltavek altennaksek ania'a lheiap aktemakha lhta hengellanei'o Eniapom Neten nenieseksa ennengko'o. Mantek na enenlhet apnaktalhesaikamok aktemakha ania'a nak ma'a,

Hechos 19:39

Koka mangkolatsema etnangkok apkaknekha hengke'e, mamma hengeliekpelkemo niapma'ak hengke'e.

Hechos 19:41

Ka apeneskamo lhnak apaivoma, apkeleltemo nhan elentepok aplhamakho enenlhet'avok, eltaqhekhak ma'a.

Hechos 20:1

Netamen nak ma'a akmaskemo akiennoma lhma' m'a, ka apkellaveiangka lhnak Pablo aplhamakho nema altamesaikamok kakpota eleltennasangkok apkeleltakha ta etnangkok. Netamen nak ma'a apkelpaivesaiangko nhan, aplhengamo lhnak apmeiekho iokhalhma Macedonia.

Hechos 21:31

Ketse' lhta nkaimelhka apkellaqhemakha Pablo m'a, nietave lhta nhan apleng'o ania'a apveske apankok soldados romanos akteiapma akmaska akieto Jerusalen.

Hechos 21:38

¿Have nlho lheiap Egipcio aptepkeskamo nak apkennapommap apkammelhma apveske ko Roma, apkankesekho nak na lheiap 4.000 enenlhet'avok apkenmopvanka'a ennapakpok akieto m'a iokhalhma metkelha temma, he? —lhta aptak.

Hechos 24:22

Apiamavek na lhta Felix aktemakha meliaskeiam apkelelto apkelieplavkeskama Alhnankok Amai, man na lhta nhan nkomahai'ak elhenek apkelanai'a ngkolatsekama Pablo, lhna lhta aptemak: —Hato ka apvaktamo ta Lisias apto apkemhama apmaniaie soldados, apakmetkese ta kakpota elhenek ania'a nak —lhna lhta aptemak Felix.