Hechos 19:21 - Nuevo Testamento Toba Maskoy

²¹ Netamen ma'a, apmahai'o etnek amaika'a Pablo iokhalhma Macedonia kakpota nhan Acaya, netamen mokhom ma'a Jerusalen, ka tep ma'a apmahai'o emhangkok iokhalhma Roma.

Hechos 19:21 ပူးပေါင်းရင်းမြစ်များ

Hechos 16:12

Netamen ma'a nenmeiakho natemma Filipo, ko Roma lhta apankok ma'a, akto neten ankek akiaspommalhka m'a akieto konne iokhalhma Macedonia, nengakhengvakho nhan moklhem'a aknem ma'a.

Hechos 18:12

Netamen ma'a aptaiekho lhnak gobernador natemma Acaya lhema enenlhet apvesai'a Galion, apkaqnekho lhnak moklhem'a judios apkellammelhma Pablo, ka apkeliantemekho lhnak akieto aliekpelkammalhkelha nentaiangkolha m'a,

Hechos 18:21

Lhna aptemak Pablo: —Staqhakhek ko'o, avatak hata mokhom apkelto la Eniapom Neten —lhna aptemak. Ka apkanetvekho mokhom loma nemmen, apteiapmo m'a Efeso,

Hechos 19:22

Koka meniaktemmakpo lhnak ma'a akieto Asia, apkellapaskamo apketlhelhma'ak ma'a Timoteo kakpota nhan Erasto akieto Macedonia.

Hechos 19:29

Apiennengkeskangkek na lhma enenlhet'avok annatheskama m'a, ka apteniaiangko lhnak apiempeiok apkelketameiangko apkelpathetmo Gayo kakpota nhan Aristarco apkelleniem'o m'a Macedonia, Pablo lhnak apketlhelhma'ak ma'a, apkelienioseikokho av'alhok aknaivommalhkelha.

Hechos 20:16

Pekhai'a lhta nentangkok netlhengama m'a ngkanek Pablo ma lhta emak'ak elhek akvangkakho iokhalhma Asia. Ma lhta nhan nkomak'ak etnek amaika'a na temma Efeso ngkanek apekhak'ave lhta niekhe eniakha Jerusalen kakpota epasengvakhak aktaqmelaikama lhma akvesai'a Pentecostes ma'a.

Hechos 20:22

Koka kolhvave nak hemama Espíritu aniakhak hata m'a Jerusalen, koka moihok mokhom akmak'akha ngkotnek emanie.

Hechos 21:17

Nelvakhe lhta akieto Jerusalen ma'a, nkelpaihakhe lhta apvalho'ok hengenmangko takha apkellelto engelialheng'a m'a.

Hechos 21:4

Nelvetangvakho lhta nema altamesaikamok ma'a, nengakhengvakho 7 aknem apieseksek ma'a. Koka alhta aptangkok apkellano Pablo aniem'o nhan Espíritu meleltemo emhangkok akieto m'a Jerusalen.

Hechos 23:11

Po'ok pelhasep na lhta aptemak ma'a, apteiapvei'o lhna lhta Apveske napaqtek Pablo ma'a, lhna lhta aptemak apkanemo: —Eiennekho Pablo, ntasek helheianmo lheiap asvesai'a hengke'e aktemakha lhta nhan hetai'a Jerusalen anak, hata nhan emhangkok ma'a akieto Roma, elheianvomok na asvesai'a m'a —lhna lhta aptemak.

Hechos 27:1

Netamen ma'a, apkellelto apkelemhama apmaniaie apkenmak'o lhta hengellapaksek ma'a akieto Italia lhema loma nemmen akiavai'a. Apkellangkongvakme lhta nhan ma'a Pablo kakpota nhan apnaqtemommap lhemek lhema capitan apvesai'a lhta Julio, apveske lhta nhan ma'a kempokhakme apankok Cesar.

Hechos 27:24

lhke ptak heiano: "Menia nkoie' Pablo, Eniapom Neten hata evongkesek tep lheiap kakpota nhan apketlhelhma'ak aniem'o lheiap, ngkanek nkaimelhkek elhong mokhom lheiap napaqtek apnakha apiav'akha apveske Romano", lhke aptak heiano ángel.

Hechos 28:16

Koka apkellelto lhta apkelemhama apmaniaie ko Roma, ma lhta ellaqlhengkeskamak nengaqlhengkasemmalhkelha Pablo m'a, apkellangke lhta lhema pa'at Pablo kakpota elhek ma'a, lhema kempokhakme lhta apkelanekama m'a.

Romanos 1:11

Avanhek ankek askeltemo alvetangvetak ketlhengkap, atsakhesek askelpasmoma m'a aniem'o Eniapom Neten kakpota ngkoitek aliennaktema meliaskeiam.

Romanos 1:13

Ketlhengkap elialheng'a ko Roma, avanhe lhta niekhe askeltemo atnentak amaika'a ham, koka heliasakha lhma lhta nnak ma'a. Asmak'a alhta niekhe apaiaksek ania'a aktaqmanma kakpota meliaskamek enenlhet'avok ma'a, ka stemakha lhta nhan ma'a mo'ok iokhalhma apkellomakha nak metnangko judios.

Romanos 1:15

Avanhek ankek aspekhai'o niekhe apaiaksek ania'a aktaqmanma apieseksek anak ketlhengkap ham.

1 Corintios 16:5

Koka amanie sekhek hata aniakhak ma'a iokhalhma Macedonia, netamen hata avatak ham Corinto.

1 Corintios 4:19

koka kolhvavek hata avatak ham apkelto la Apveske, alvetangvetak hata apkellelto nak aliephesekama apkellammakpo, vanlha koka mok apatno'ok niapma'ak ma'a, atengvatak hatelha apkenmopvanka la ellanangkok qaselha.

2 Corintios 10:16

Ka nhan nenmak'ak angetso'ok angelpaiaksek ania'a aktaqmanma m'a tep apkakhaiangkolha nak ketlhengkap, metka koka neliekai'a apkenmakmekama po'ok enenlhet la'a, mangeleltok nkolalhkok engelvalho'ok nenmakmekama po'ok enenlhet la apkenmakmekama.

Galatas 2:1

14 iantelhkapa lhta niekai'ak ma'a, ka asmeiekho lhta mokhom Jerusalen kanhan asketlhelhma'ak alhto ka Bernabe kanhan Tito.

1 Tesalonicenses 1:7

Netamen apkelvaneiangko lhta nhan aptaiangkolha ketlhengkap aplhamakho apkellelto nak meliaskeiam ma'a akieto iokhalhma' Macedonia kakpota nhan Acaya.