Hechos 18:6 - Nuevo Testamento Toba Maskoy

⁶ Apkellammelhmek noka judios ma'a kakpota nhan apkeltaknongvekha Pablo m'a, ka apalhnelhkaiangka lhnak aptalhnema Pablo apkeltemakha lhna mota judios ma'a, lhna aptemak apkellanemo: —Ema apanko'ok apankavek hata nkopallentak takhalhet apqatko'ok anak ketlhengkap, have ko'o aniemai'a nema aliaqmongkaskesekha nak apkeltemakha, kolhva amhangkok hata m'a atlhekmoskamok apieseksek anak metnangko nak judios —lhna aptemak Pablo.

Hechos 18:6 ပူးပေါင်းရင်းမြစ်များ

Lucas 22:65

Avanhek nak na apkellaikamok ngkollatsekama apatno'ok apkellanei'o m'a.

Lucas 9:5

Koka menmakpo la takha ketlhengkap na temma la'a, elpalesemma ta lhepop aktek apmanko'ok napaqtavek ma'a apkelvetaskeskama nkovak hata akiaqmoienta m'a, netamen eltaqho ta m'a —lhnak aptemak Jesús ma'a.

Hechos 13:51

Ka apkelenteiapmo lhnak Pablo m'a kanhan Bernabe, apalesaiakmo lhnak apmanko'ok lhepop aktek aniem'o apkeltaknongkoma enenlhet'avok anak ma'a, ka apkenmeiakho lhnak iokhalhma Iconio.

Hechos 26:11

Askeliaqpelhketaiangke mota apiempeiok akietemelha la apkaqnekhelha, askeltemo elvatesangkok aptaikamok meliaskeiam Jesús. Asmenlhenaikama akvakho mo'ok apkellavakha ngkanek avanhe lhta apkenmopaska askellanei'o m'a.

Hechos 26:20

Ka askeltennangka lhta nhan ania'a aktaqmanma amanie nkek ma'a natemma Damasco, netamen na apiav'akha temma Jerusalen kakpota nhan lhamakho aiempek iokhalhma Judea. Ka askeleltennaseiangko nhan metnangko nak judios eliaqmongkasekhak mo'ok apvalho'ok, elpengkamok na apvalho'ok ma'a akieto apnakha Eniapom Neten.

Hechos 28:28

Ka nkeniemai'ak nenvongkasemmalhka nak tep apketlhevangveiakmo m'a metnangko nak judios, ellailhok hata nhan ma'a.

Romanos 3:29

Eniapom Neten apto nhan apveske apanko'ok metnangko nak judios, have vanlha m'a apkellelto nak judios.

1 Timoteo 5:22

Kolketamama ta apvalhok amanie nkek sekhek apmahai'a enengkenek apmeiok takhaplhet la enenlhet kakpota etneskesek apkemhama apmanie' m'a apieseksek Jesucristo apkennemolhema, koka mankolketamengka la apvalhok ma'a, etnek hata nhan lheiap malha apselhnanemmap aniem'o m'a enenlhet mangkolatsekama apmakmekama, etne ta mota alhnai'o apvalhok lheiap.

2 Timoteo 2:25

etnek na meientalhnemo ennavaksek apkellelto nak apkellammelhma la apketlhekmoskama, koka Eniapom Neten hatelha enianak eliaqmongkasekhak mo'ok apvalho'ok ma'a kanhan eliangveskeskamhok akvesai'a nak akto have niapak,

1 Pedro 4:14

Aktakmelakho nkek apkeltaknommap la'a aniem'o apkelleliehekho Cristo, ngkanek Espíritu Eniapom Neten apankok nkelloka mota lhemek ketlhengkap ma'a.

1 Pedro 4:4

ketlhengkap koka mmaskek apkelpasengvakmo m'a neksa apkaqnaikama la m'a apkellanekamok anak nkeskama qaselha ngkollatsekama, ka ngkanek enenlhet anak meliamolhma elkenatkesek ketlhengkap kanhan eltaqnevama aniem'o melpasmakhak ma'a.