Hechos 18:5 - Nuevo Testamento Toba Maskoy

⁵ Ka apkelvekho lhnak ma'a Silas kakpota nhan Timoteo, iokhalhma Macedonia lhnak apkeleniektak ma'a. Ka apkempai'akha lhnak Pablo akiokho nkek aplheianma mota ania'a aktaqmanma, apmahai'a elvetaskesek judios aptemakha Jesús apto Cristo.

Hechos 18:5 ပူးပေါင်းရင်းမြစ်များ

Lucas 12:50

Malha ta ngkotnek na knema helavkeskekha aiseksek akientalhnakha neksa askaniemhaikama, avanhek aslengaiangko kolhvave nak akvakmo ta m'a aktakha nnelha.

Lucas 16:28

kakpota eleltennaskakhak 5 elialheng'a aktakha asvetai'a hengke'e, elianmongkesek hata apvalho'ok kakpota melvek hengke'e nenlengaiankolha nak akmaska akiavai'a", lhna aptemak ma'a.

Juan 1:41

Apkelientemongkasave lhta apmeiekha Andres apiantengvakho nhan apialheng Simon, lhta aptak apkano: —¡Nelvet'ak lhek Mesias ha'e, mo'ok nema altema koka Cristo! —lhta aptak.

Juan 10:24

Ka apkelvakhengvo'o lhta apkelemhama apmaniaie judios ma'a, lhta aptangkok apkellano: —¿Se lha aknem angeliangvomhok se lha enenlhet lheiap ke, he? Apto la lheiap Cristo, hengeleltennes kolhvave nak, meilhakpo koka —lhta aptangkok.

Juan 15:27

Ketlhengkap hata eleltennaksek enenlhet'avok lhamakho qaselha aktemakha apkelvetai'a askelanai'a ngkanek helieplekama lhta askempai'akhasekha lhta asmakmekama —lhta aptak Jesús.

Juan 3:28

Apkelleng'a lhta aktakha alheianma ketlhengkap alhnakho nke have ko'o Cristo, vanlha nema heiapaskama apmanie m'a.

Hechos 10:42

Netamen hengellapaskamo ennengko'o angeleltennaksek ania'a Eniapom Neten aptemeskeskamo Jesús hengiekpelkemo niapom apkellelto aphalhnanko'ok kakpota nhan apkenmaskengvaiakmo.

Hechos 15:22

Aplhamakho nema allapaskamo kakpota nhan metno apketko'ok ka nhan iglesia apkeliekiesaiangko lhnak apqanet enenlhet apkellelto neten apankavek apkeliaspommap apkelvesai'a Judas mo'ok nema altema Barsabas, kakpota nhan Silas, kakpota eltek apketlhelhma'ak Pablo kakpota nhan Bernabe neksa apketlhengama akieto Antioquia.

Hechos 16:1

Apvekhek nak Pablo m'a akieto iokhalhma Derbe kakpota nhan Listra, aplomaka lhnak na m'a lhema apketkok nema altameskama apvesai'a Timoteo, ngken noka akto judia mankoiaskeiam nak na m'a, apiapom noka apto griego.

Hechos 16:12

Netamen ma'a nenmeiakho natemma Filipo, ko Roma lhta apankok ma'a, akto neten ankek akiaspommalhka m'a akieto konne iokhalhma Macedonia, nengakhengvakho nhan moklhem'a aknem ma'a.

Hechos 16:9

Pelhasep nak aptemak ma'a, akvetai'o lhnak apaqtek Pablo lhema enenlhet ko Macedonia apkenengvai'o m'a, lhna ntemak akvetai'a apaqtek apkapiosemmakpo enenlhet ma'a: —Elheng, hengelpasengvata akieto nak hengke'e iokhalhma Macedonia —lhnak aptemak enenlhet akvetai'a apaqtek ma'a.

Hechos 17:3

Apkelelpeiveskasekho nhan enenlhet'avok aktemakha aklheianma vakkahak Eniapom Neten Apaivoma aktemakha nhan apketsepma Cristo, aplhatekhangveiakmo nhan. Lhnak aptemak na Pablo: —Ka enenlhet na lhta Cristo, Jesús alhta m'a —lhna aptemak.

Hechos 18:28

Nkelammelhmek na mota apaivoma akmovana nkek Apolo judios ma'a, ka apkelietsatmo nhan Vakkahak Eniapom Neten Apaivoma, apkelpeiveskasekho nhan akietemo nkek Jesús apto Cristo aplhenammap eva'.

Hechos 2:36

Ellailhono enenlhet ko Israel, have niapak anke ketlhengkap apkeliaqlhaiangke lhta apmeiok apmankok neten iamet aktenneskama Jesús alhta, Eniapom Neten alhto ka aptemeskasak Apveske kanhan Cristo —lhna aptemak Pedro apkellanemo enenlhet'avok ma'a.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 20:23

Koka neksa alhengama alhta mota lhamakho apkellavakha lhmankek ham, heltennaskangke lhta mota Espíritu Santo nkolhe ta hetvaso m'a, kakpota nhan ngkolhek hetalhneso nenmammalhkelha.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 4:20

Mongellapvankek ennengko'o angelvanma angetlhenek lhamakho aktakha alhta nenlengai'a kakpota nhan nelvetai'a —lhna aptemak Pedro.

Hechos 9:22

Koka Saulo nheklhek nak apkeltennaiangka ania'a aktaqmanma metka apkenmenai'a, apketlhekmoskangkek nak Jesús apto Cristo, man noka eliamok na m'a judios apkakhaiangko m'a akieto Damasco.

2 Corintios 1:19

Ennengko'o Silvano, Timoteo kakpota nhan ko'o have nentaiangkolha alpengkammalhka atlheianma engelvalho'ok, nelieplavkaskek ennengko'o aptemakha lhta mota Eniapom Neten, metka aptema hai, nlho ka la mma'. Vanlha aptema hai' ma'a aplheianmo mota aptemakha Apketka Jesucristo.

2 Corintios 11:9

Neksa aimommalhka lhta nhan qaselha ko'o ham, ma lhta alelmalhnekama helpasmoma la ketlhengkap. Macedonia lhtoka apkeleniem'ak elialheng'a hellangkok qaselha alaimommalhkelha la ko'o m'a. Ma lhta alelmalhnekama helpasmoma la ketlhengkap, molelmalhnekhek hata mokhom qaselha alaimelhko la ko'o, mankonmak'ak na allapsongkeskesek apvalho'ok ketlhengkap ham.

2 Corintios 5:14

Hai, avanhek ankek na hengeliephesekama angellasekhekhok ketlhengkap aniem'o Cristo m'a, ampai'o lhta nhan neliangveiakmo apketsepmo lhta lhema enenlhet apkeliaqmoiekha aplhamakho enenlhet lhmankek ham, ka nkeniemai'ak ma'a malha apkeletsepmo lhemek ma'a.

Filipenses 1:23

Nientelhek ankek angeliekiaksek ma'a, askeltave niekhe angvetsepok kakpota amhangkok ma'a alhnemok napokha Cristo, koka m'a neten ankek aktaqmanma.

1 Tesalonicenses 3:2

Ka nellapaso lhta enialheng Timoteo ham apto nhan Eniapom Neten apkasennaikama, nenmakmekamo lhemek nahan nelpaieskama ania'a aktaqmanma aplhenammap Cristo, nellapaske lhta ham kakpota eliatekho, elpasmok nahan nkoliennak meliaskeiam ketlhengkap

1 Tesalonicenses 3:6

Apvaktame lhta Timoteo hengke'e apkeniaktamo ham Tesalonica, apsantanie lhta ania'a aktaqmanma, avanhek na lhta akietnema meliaskeiam ketlhengkap, nengasekhai'o, avanhek nak na apkenmahai'a hengelvetekhak ketlhengkap ennengko'o, ennengko'o nhan ntak ma'a avanhek nemmahai'a angelvetekhak ketlhengkap.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.