Hechos 18:2 - Nuevo Testamento Toba Maskoy

² Apvetangvekho lhnak lhema judio apvesai'a Aquila, apteiaianlha apankek nak ma'a iokhalhma Ponto. Man na nkovenaktemak apvaiam ma'a, aplhelhma lhnak na aptava akvesai'a Priscila, lhna nkeniemai'ak nkolentepok Italia m'a. Apiav'akha apveske lhna apsongkek apvesai'a Claudio apkeleltemo elentepok ma'a lhamakho judios akieto Roma. Ka apmeiekho lhnak Pablo aptema amaika'a m'a akhangkolha,

Hechos 18:2 ပူးပေါင်းရင်းမြစ်များ

Hechos 11:28

Agabo lhnak apvesai'a lhema, apmaikama Espíritu kakpota elhenek lhema ania'a nkovak hata aknem aktema metka aptekamok lhmankek ham. Hai', ngvai'a lhta have niapak ma'a aptemo lhta apiav'akha apveske Roma apvesai'a Claudio.

Hechos 18:18

Nlhaniek nak aknem apnema Pablo m'a akieto Corinto, netamen apkelpaivesaiangko lhnak apkelialheng'a m'a apmahai'a eniakhak iokhalhma Siria. Apketlhelhma'ak noka Aquila kakpota nhan aptava Priscila, apkelvekho natemma Cencreas apiesekho lhnak Pablo m'a alhnai'a nkek nak aptemak apqatek ngkanek apeneskamo apaivoma etnehek napaqtek Eniapom Neten. Netamen apkelkanantemo lhnak loma nemmen apkenmeiekho iokhalhma Siria.

Hechos 18:26

Lhema aknem na ntemak apketlhekmoskamo akleklemo nkek apvalhok akieto apkaqnekhelha judios ma'a, ka allengai'o lhnak Aquila kakpota nhan Priscila, aliantemo mok ankavek ma'a, apkelpeiveskasekho m'a akietemo nke amai apankok Eniapom Neten.

Hechos 2:9

Nelpalhkalhkek ennengko'o hengke'e nelleniem'o mo'ok apkellavakha, ko Partia, Media, Elam, Mesopotamia, Judea, Capadocia, Ponto, Asia.

Hechos 27:1

Netamen ma'a, apkellelto apkelemhama apmaniaie apkenmak'o lhta hengellapaksek ma'a akieto Italia lhema loma nemmen akiavai'a. Apkellangkongvakme lhta nhan ma'a Pablo kakpota nhan apnaqtemommap lhemek lhema capitan apvesai'a lhta Julio, apveske lhta nhan ma'a kempokhakme apankok Cesar.

Hechos 27:6

Koka m'a apvet'o lhta capitan lhema loma nemmen akiavai'a ampo'o iokhalhma Alejandria akmeiekha Italia, ka apkelto lhta angelkanetvomok ma'a kakpota angetlhong mokhom.

1 Corintios 16:19

Apkellapaskek atlheianma apvalho'ok iglesias apkakhangko nak hengke'e iokhalhma Asia nak, apkellapaskek na atlheianma apvalho'ok Aquila kakpota nhan aptava Pricila, apkellapaskek na atlheianma apvalho'ok akieplomo apvesai'a Apveske engankok iglesia apkaknekha na mota akhaiangkolha nkave nak ha'e.

2 Timoteo 4:19

Nketlhenke ta evalhok Prisca kanhan atava Aquila kakpota nhan apketkak apkennemolhema Onesiforo.

Hebreos 13:24

Smak'ak asaksek aklheianma evalhok aplhamakho apkelemhama apmaniaie apanko'ok ham kakpota nhan aplhamakho apkellelto apkelpokkenammap, nketlhenkek na apvalho'ok engelialheng'a ko Italia.

1 Pedro 1:1

Ko'o Pedro asto heiapaskama Jesucristo, nlhenkek evalhok ketlhengkap apkellelto apkellenteiapma apkellavakha apanke, apkelhpanmo nhan apkenmaiangko apkeliav'akha temma Ponto, Galacia, Capadocia, Asia kanhan Bitinia.