Hechos 18:18 - Nuevo Testamento Toba Maskoy

¹⁸ Nlhaniek nak aknem apnema Pablo m'a akieto Corinto, netamen apkelpaivesaiangko lhnak apkelialheng'a m'a apmahai'a eniakhak iokhalhma Siria. Apketlhelhma'ak noka Aquila kakpota nhan aptava Priscila, apkelvekho natemma Cencreas apiesekho lhnak Pablo m'a alhnai'a nkek nak aptemak apqatek ngkanek apeneskamo apaivoma etnehek napaqtek Eniapom Neten. Netamen apkelkanantemo lhnak loma nemmen apkenmeiekho iokhalhma Siria.

Hechos 18:18 ပူးပေါင်းရင်းမြစ်များ

Marcos 6:46

Netamen nak ma'a apmeiekho lhnak Jesús neten metaimong akhaiam kakpota enmalhnak ma'a.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Hechos 15:23

Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 15:41

Ka aplhengamo lhnak ma'a, apkeliekai'o lhnak Siria kakpota nhan Cilicia, apkeliateikokho lhnak moklhem'a iglesia apkelvaianlha la'a.

Hechos 18:2

Apvetangvekho lhnak lhema judio apvesai'a Aquila, apteiaianlha apankek nak ma'a iokhalhma Ponto. Man na nkovenaktemak apvaiam ma'a, aplhelhma lhnak na aptava akvesai'a Priscila, lhna nkeniemai'ak nkolentepok Italia m'a. Apiav'akha apveske lhna apsongkek apvesai'a Claudio apkeleltemo elentepok ma'a lhamakho judios akieto Roma. Ka apmeiekho lhnak Pablo aptema amaika'a m'a akhangkolha,

Hechos 18:26

Lhema aknem na ntemak apketlhekmoskamo akleklemo nkek apvalhok akieto apkaqnekhelha judios ma'a, ka allengai'o lhnak Aquila kakpota nhan Priscila, aliantemo mok ankavek ma'a, apkelpeiveskasekho m'a akietemo nke amai apankok Eniapom Neten.

Hechos 18:27

Netamen ma'a Apolo apmahai'o lhnak eniakhak iokhalhma Acaya, nkelleklemavek nak apvalho'ok apkelialheng'a m'a akieto Efeso. Ka apkellaiangko lhnak lhema vakkahak apnaqtalheskama kakpota elletsakhesek ma'a nema altamesaikamok akieto Acaya, apkeleltemo eltaqmelkaso apkenmama takha Apolo m'a. Apvaiakmo lhnak Apolo m'a, avanhek nak apkelpasmoma apkellelto meliaskeiam aniem'o aktaqmanma apkellanei'o Eniapom Neten.

Hechos 21:23

Nenmak'ak ennengko'o angeltennasama lheiap lhema qaselhaha kakpota mangkoitek akmaska hengke'e nenieseksa nak, apkakhangkek na hengke'e 4 enenlhet aimommalhkak elpenaksek aptangkolha lhta apkelpaqmeiasma etnangkok hata napaqtek Eniapom Neten ma'a.

Hechos 21:24

Eliantemekha ta lheiap ma'a enenlhet anak Eniapom Neten apnemakha kakpota elalhnasekhak apvalho'ok napaqtek ma'a, lheiap hata nhan enialhnasekhak apvalhok ma'a. Elianmongkeskes hata nhan patakkom apankok lheiap kakpota ngkolhek aliesesangko, kakpota elvetak aplhamakho enenlhet have niapak aplhengkeskama lheiap mokhom ley enganko'ok anak, kakpota nhan etlhenek ma'a akmovana ania'a aplhenammap lheiap.

Hechos 21:3

Netlhengo m'a, nelvet'o akieto ensangkalvelha akiakiengveiam lhepop akhalhiengkaiam iemmen akvesai'a Chipre, nelieko'o nelvakho iokhalhma Siria, nelentepo nhan m'a akieto aknaktetemmalhkelha loma nemmen natemma Tiro. Nengakhengvakho lhta m'a ngkanek loma nemmen nne lhta alentepkaso nentoma atsekama m'a.

Romanos 16:1

Asmak'ak aleltennaksek lhema aspaioma, enmamok hata takha enialheng Febe akto diaconisa iglesia akieto natemma Cencreas.

1 Corintios 9:20

Neksa asnema lhta mota apieseksek anak judios, asieplavkaske lhta nhan ley apanko'ok, evanke lhta niekhe molvanankek ma'a, koka askeliehakhave lhta kakpota enmankok takha askeltennaikama.

Galatas 1:21

Netamen asmeiakho lhta nhan iokhalhma Siria kakpota nhan Cilicia.