Hechos 18:14 - Nuevo Testamento Toba Maskoy

^14-15 Nietemavek nak apmahai'o eliata Pablo kakpota eniatemmoma aplhenammap, koka gobernador Galion lhna aptema apmanie: —Have akiav'o qaselha ngkolatsekama apkelanai'a enenlhet anak, mankaimelhkak atnek asiekpelkemo. Vanlha apketlhekmosengko mota mok apkelvesai'a kakpota nhan ley apanko'ok apankave nak ketlhengkap judios, ellanekha ta apankavek ketlhengkap, momak'ak ko atnek ma'a —lhna aptemak.

Hechos 18:14 ပူးပေါင်းရင်းမြစ်များ

Marcos 9:19

Koka lhna aptemak Jesús apkellanemo m'a: —¡Apkeliaskeiam ketlhengkap, heiastengangke niekhe, mankoleklemo niekhe nhan evalhok aspalhkaiangka mota ketlhengkap! ¡Ngva', eliantementa no apketkok anak halep! —lhna aptemak

Hechos 13:10

lhnak aptemak apkanemo: —Meihamolhma nak lheiap apmopvana ania'a, aveske keliaqhameio' atka. Mankonmahai'ak ellana qaselha aktaqmanma, apkelaptengkasekama qaselha akpeivomo aniem'o m'a Apveske.

Hechos 13:18

Malha 40 iantelhkapa lhna ntemak apkelaktemmap ma'a iokhalhma metkelha temma, apkeltakmelkeskangkek nak nanek na Eniapom Neten ma'a.

Hechos 21:39

Ka apkatemmongka lhta Pablo m'a, lhta aptak: —Have ko'o m'a enenlhet anak aplheno nak lheiap, judio apanke ko'o, ka asteiaianlha m'a natemma Tarso, akto neten ankek akiaspommalhka m'a akieto iokhalhma Cilicia. Heiangko no sekhe altennama napaqtavek enenlhet'avok anak hengke'e —lhta aptak Pablo.

Hechos 25:11

Lhta sto la askelanai'a ngkolatsekama, nietavek angvetsepok, koka aptangko la apkenmopvanka ania'a hetlheianma enenlhet'avok anak, mankoieto lheiap hellangkongvomok ma'a. Askeltave ko'o hellapaksek napaqtek apiav'akha apveske romano kakpota heiekpelkok ma'a —lhna aptemak Pablo.

Hechos 25:26

Koka nkaimelhkek angvapaksek astalheskeskama la lhema vakkahak apiav'akha apveske ehenkok kakpota altennasama qaselha ngkolatsekama kelhaha apkelanai'a enenlhet anak. Koka mamma aptemakha niekhe enenlhet anak, ka ngkanek aiantementak hengke'e napaqtek lheiap Agripa, kakpota nhan napaqtavek ketlhengkap apkelemhama apmaniaie kakpota elelpeivesekhok apkelanai'a qaselha ngkolatsekama kelhaha, kakpota atalhaksek vakkahak, angvapaksek na apnakha apiav'akha apveske Romano.

Romanos 13:3

Ka apkelientalhnemo nak mankoieto eniagak enenlhet apkellanai'a la aktaqmelo qaselha, koka eniagak ma'a apkellanai'a nak qaselha ngkolatsekama. Ka apkelan'o la lheiap qaselha altaqmelo, mangkoitek hata nhan apkai'a apkelientalhnemo nak, etlhenama ta mota apto apiamolhma lheiap ma'a.

2 Corintios 11:1

Elvaskapekho hellanei'o ko mota, niekhe stema malha anema neksa askeliatekama mota. ¡Elvaskapekho ta!

2 Corintios 11:4

Asleng'a lhta nhan ko'o ania'a ketlhengkap apkenmaiangko lhna lhta takha alleklemo nkek apvalho'ok nema aleltennaskama ania'a mok aktemakha koka netlheianmo na mota apvesai'a Jesús. Hai, apkenmaiangko lhna lhta takha ania'a mok aktemakha nkek ania'a aktaqmanma, apkenmaiangko lhna lhta nhan takha lhema espíritu, have koka m'a Espíritu apketlhevaiangko lhta sekhe lhta.

Hebreos 5:2

Ka apiav'akha nak sacerdote meienna'ak ma'a ngkanek enenlhet apankek ma'a, apvankek koka nhan elietnahok napaqta'a enenlhet'avok la meliangveiakmo kanhan malha apketlheneiam anak.