Hechos 18:12 - Nuevo Testamento Toba Maskoy

¹² Netamen ma'a aptaiekho lhnak gobernador natemma Acaya lhema enenlhet apvesai'a Galion, apkaqnekho lhnak moklhem'a judios apkellammelhma Pablo, ka apkeliantemekho lhnak akieto aliekpelkammalhkelha nentaiangkolha m'a,

Hechos 18:12 ပူးပေါင်းရင်းမြစ်များ

Juan 19:13

Apleng'a lhta Pilato m'a, ka apkelto ngkolhek aktepkeso konne pa'at akiavai'a Jesús, apkananto lhta akieto akiekpelkammalhkelha nentaiangkolha, apnakmo lhta nhan m'a.

Hechos 13:12

Niemaskangkek nak apvalhok gobernador apvetai'o m'a, mei'askeiakmo lhnak na nema atlhekmoskama aniem'o Apveske.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 13:7

Ka aptemo lhnak na mota aplhelhma gobernador apvesai'a Sergio Paulo, apto nhan neten apankek apiangveiakmo m'a. Ka apkeltemo lhnak gobernador ngkolhek akiantemantamo Bernabe kakpota nhan Saulo, apmahai'avek nak eniailhok ania'a aplhenammap Eniapom Neten.

Hechos 13:8

Koka mang noka eniasekhai'ak apiolhma melatsekama Barjesus, mo'ok nemaltema griego apaivoma Elimas, aniem'o nhan meltemo mei'askamek gobernador.

Hechos 14:19

Koka nietemavek nak na apkelvai'o judios apkelleniem'o Iconio kakpota nhan Antioquia, ka apkelpengkangvekho lhnak apvalho'ok enenlhet ma'a kakpota ellammelhkasekha Pablo. Ka apkeliaqneiangko lhnak metaimong ma'a, atlheianmo lhnak apvalho'ok enietsepmak ma'a, apkelienioseikokho lhnak na akieto nepiava temma.

Hechos 14:2

Koka moklhem'a judios apkeliaskeiakmek nak ma'a, ka apkellavkeskamo lhnak na moklhem'a metnangko judios ma'a kakpota ellammelhekhak engelialheng'a.

Hechos 17:13

Koka apkellengai'ak nak judios akieto m'a Tesalonica apkeltennaikama Pablo Eniapom Neten apaivoma natemma Berea, ka apkenmeiekho lhnak ma'a, apkeltemeskeskekho lhnak na mokhom apkeliennengkeskama lhma enenlhet'avok aniem'o apkellammelhma Pablo.

Hechos 17:5

Koka napokha judios apkeliaskeiakmek nak ma'a kakpota nhan apkeliasepkeskama. Apkelleliaiangka lhnak moklhem'a enenlhet meliamolhma apkellomakha apankek la amai kakpota eliasangkolhma lhamakho temma nak. Apkelteniaiangkek nak apiempeiok apkelentalhnengvaiakmo apnemakha lhema enenlhet apvesai'a Jason. Apkelleliaiangka m'a Pablo kakpota nhan Silas kakpota eliantemekhak napaqtavek enenlhet'avok kakpota eleltangkok meliamolhma m'a.

Hechos 18:11

Lhema iantelhkapa nalhet lhna ntemak apnema Pablo m'a akieto Corinto, apketlhekmoskamo nhan Eniapom Neten apaivoma m'a.

Hechos 18:27

Netamen ma'a Apolo apmahai'o lhnak eniakhak iokhalhma Acaya, nkelleklemavek nak apvalho'ok apkelialheng'a m'a akieto Efeso. Ka apkellaiangko lhnak lhema vakkahak apnaqtalheskama kakpota elletsakhesek ma'a nema altamesaikamok akieto Acaya, apkeleltemo eltaqmelkaso apkenmama takha Apolo m'a. Apvaiakmo lhnak Apolo m'a, avanhek nak apkelpasmoma apkellelto meliaskeiam aniem'o aktaqmanma apkellanei'o Eniapom Neten.

Hechos 19:21

Netamen ma'a, apmahai'o etnek amaika'a Pablo iokhalhma Macedonia kakpota nhan Acaya, netamen mokhom ma'a Jerusalen, ka tep ma'a apmahai'o emhangkok iokhalhma Roma.

Hechos 25:10

Ka apkatemmoiangka lhnak Pablo m'a, lhna aptemak: —Ka nietavek ankek ko'o ngkolhek heiekpelkok astemakha hengke'e akieto neniekpelkammalhkelha napaqte apiav'akha apveske romanos, ngkanek apiave lheiap mamma askelammelhma judios.

Romanos 15:26

Apkellankesek alhta anmahai'a nkek apvalho'ok elialheng'a metnangko nak judios apkakhangko m'a iokhalhma Macedonia kakpota nhan Acaya, kakpota ellapaskesek ma'a elialheng'a judios metka apkelletsekama akieto m'a Jerusalen apieseksek apkelpokkenammap ma'a.

Romanos 16:5

Kakpota nhan askapaskek aklheianma evalhok iglesia apkaqnekhelha na mota akieto akhaiangkolha nkek ma'a. Ka nhan nlhenkek evalhok stema emo'ok askamelaianlha apvesai'a Epeneto, apto lhta apmanie apankek mei'askeiam ania'a aktaqmanma aplhenammap Jesús apieseksek enenlhet akieto m'a iokhalhma Asia.

1 Corintios 16:15

Apkeliavek ketlhengkap apketkak anak Estefanas akieto Acaya, aptangko lhta apmaniaie apankavek apkenmaikamok takha ania'a aktaqmanma m'a, koka mokhom apketlhengkeskama aptaikamok apkellasennaikama apkellelto apkelpokkenammap ma'a.

2 Corintios 1:1

Ko'o Pablo asto heiapaskama Cristo Jesús aniem'o nhan aptema Eniapom Neten, alhelhma koka ko'o Timoteo hengke'e. Nengenmak'ak angellapaksek atlheianma engvalho'ok apkellelto iglesia apankok Eniapom Neten ham na temma Corinto, kakpota nhan aplhamakho apkelpokkenammap apkakhangko m'a iokhalhma Acaya.

2 Corintios 11:10

Hai, nkalhkek ko evalhok ehenkok ehenkek ma'a, apkeliavek ketlhengkap have niapak ankek ma'a astakha nak, meltemo Cristo atnama asmopvana ania'a.

2 Corintios 11:26

Alhengamo lhta nhan akvenaktema nkek, asiekai'o nhan alvata asketsepma kelha lhta niekhe, man na ntek atlhengkeskama ngkolhek henmenielhkaso qaselha ehenkok, aspaiomo lhema ehenkek na heleliaikama apkenmahai'a henaqtevaksek kakpota nhan metnangko nak judios. Aslengaiangkek akientalhnema apiav'akha temma nak, iokhalhma, alvata kakpota nhan apieseksek engelialheng'a apkeltaikama nak apankavek apkelpeivomo.

2 Corintios 9:2

Nkanek asiave ko'o anmahai'o nkek apvalho'ok ketlhengkap ma'a. Askeleltennaske lhta engelialheng'a nak hengke'e Macedonia nkalhkek na ko evalhok aniem'o ketlhengkap ko Acaya, iantelhkapa lhta apkelpeneskamo apkelpakmeiasma ellankeskasekhak hata alpasmoma kakpota ellapaskesek engelialheng'a mo'ok nekha la'a. Apkenmak'a alhta nhan ketlhengkap elietkesangkok aptaiangkolha ko Macedonia aniem'o apkelvetai'a alpaikehka apvalho'ok ma'a neksa apkellankesaikokha alpasmoma po'ok.

1 Tesalonicenses 2:14

Apaivomolhema apankave lhta nhan apkenmenlhenaikama ketlhengkap ma'a, lhta nhan ntemak ma'a iglesia apankok Eniapom Neten akieto m'a Judea aniem'o meliaskeiam Cristo, apaivomo lhema apankave lhta judios apkenmenlhenaikama m'a.

1 Tesalonicenses 2:16

Ma lhta nhan hengellaiangkoho angelpaiaksek ania'a aktaqmanma nenvongkasemmalhka tep apieseksek metnangko judios, koka m'a niaveiangke lhta nhan ngkollatsekama apkellanekamok, koka nkovak hata nhan akiavai'a nema aliaqmongkaskesekha apkeltemakha m'a.

Santiago 2:6

Ketlhengkap koka apkeltemeskesantek koneng ma'a enenlhet'avok anak metka apkeletsekama. ¿Have nlho nema apketsekama nak apkellaiangkok akientalhnema apkenmakmekama, ketsek koka apkelianmongkeskama m'a, he? ¿Have nlho nhan nema apketsekama nak elieniosokha ketlhengkap napaqtavek apkelientalhnemo nak, he?