Hechos 17:15 - Nuevo Testamento Toba Maskoy

¹⁵ Ka apmeiekho lhnak Pablo kakpota nhan apketlhelhma'ak apiav'akha temma Atenas, netamen ma'a apkeltaqhemo lhnak neptamna'ak apketlhelhma'ak. Apkeleltennaskekha ania'a Silas kakpota nhan Timoteo, aplheianma lhnoka Pablo etnangkok pekhai'a apkenmeiekha m'a akieto na temma Atenas kakpota eniaqnekhok ma'a.

Hechos 17:15 ပူးပေါင်းရင်းမြစ်များ

Hechos 17:14

Ka apkelvetai'o lhnak apkelialheng'a m'a, apkeliantemekho lhnak Pablo nekha alvata, koka Silas kakpota nhan Timoteo apkakhaikokhek noka m'a natemma Berea.

Hechos 17:16

Apkelel·halhanmek nak Pablo Silas kakpota nhan Timoteo akieto m'a Atenas, ka apkaniemhaiangka lhnak apieseksek temma m'a, apvetangveiakmo lhnak ngkeskama qaselha akiokha apkellanekamok, avanhek ankek nak akiephesekama aploma Pablo m'a.

Hechos 17:21

Lhna ngkanek enenlhet'avok ko Atenas kakpota nhan po'ok enenlhet apkellelto apkellomakha nhan ma'a, vanlha lhna mota apkeltemakha apkelelpengkamekho qaselha akvaiam la m'a, apkelteniai'a nhan ania'a alhnankok la'a.

Hechos 17:22

Ka apkenmekho lhnak neten Pablo m'a aiseksek konne apkaqnekhelha apkelemhama apmaniaie m'a, lhna aptemak apkellanemo: —Ellailhoho apkelennava'ak ko Atenas, neksa askaniemhaikama lhta asvet'o ngkeskama akietemelha apkelelteklheiangkelha aptapno'ok naqtek dioses apanko'ok kakpota ellahok ma'a. Avanhek apkenmahai'a ellaqhaskesama av'alho'ok aklhamakho dioses ketlhengkap, asvet'o nhan lhema asota metka qaselha akiokha alanemmalhka la neten, vanlha iamet akpaihema nekha akieplomo aktalhesammalhka: "Ka nke'e asota nak takhalhet apto dios mongelvet'o mokhom", lhta ntak aktalhesammalhka. Ko'o koka asiekpelkek ma'a apto apkellai'o na mota ketlhengkap neksa melvetai'a mokhom, asva'ak asmahai'a aleltennaksek Apvesai'a ketlhengkap ma'a.

Hechos 18:1

Netamen nak ma'a, apteiapmek nak Pablo natemma Atenas apmeiekho lhnak natemma Corinto.

Hechos 18:5

Ka apkelvekho lhnak ma'a Silas kakpota nhan Timoteo, iokhalhma Macedonia lhnak apkeleniektak ma'a. Ka apkempai'akha lhnak Pablo akiokho nkek aplheianma mota ania'a aktaqmanma, apmahai'a elvetaskesek judios aptemakha Jesús apto Cristo.

1 Tesalonicenses 3:1

Hai', avanhek nengeleltemo antangkok mokhom amaika'a ham koka nne lhta hengeliasengko lhma m'a, lhta nkeniem'ak nelpaqmetkesalhko nengaqhengvakho akieto Atenas.

Tito 3:12

Angvapaksek hatelha Artemas nlho ka la nhan Tiquico apnakha nak lheiap ham, epekheso toka nhan lheiap eniakhak ma'a Nicopolis kakpota angelvetalhkak ma'a, ko'o nhan asmak'ak aniakhak ma'a kakpota alhek apvalhok pieiam ma'a.