Hechos 17:1 - Nuevo Testamento Toba Maskoy

¹ Ka apkelempaikokho lhnak mokhom apketlhengama Pablo kakpota nhan Silas, apkeliekangvekho lhnak na temma Anfipolis kakpota nhan Apolonia, apkelvekho m'a na temma Tesalonica, nietnengkek nak na apkaqnekhelha judios ma'a.

Hechos 17:1 ပူးပေါင်းရင်းမြစ်များ

Hechos 14:1

Apkelvaiakmek nak Pablo kakpota nhan Bernabe akieto Iconio, apkelentalhnengvaiakmo lhnak apkaqnekhelha judios, ka apketlhekmoseiangko lhnak ania'a aktaqmanma m'a. Man nantek judios kakpota nhan griegos man nak eliaskeiakmok ania'a m'a.

Hechos 15:21

Ka ley anak Moises lhennenga nemo aleltennaskamo enenlhet'avok moklhem'a apkellavakha apkaqnekhelha la judios lhamakho aknem nennekhelha la sabado.

Hechos 16:13

Ka kto lhta sabado nennekhelha nenmeiakho neiava alvata akieto tep temma, lhta nellanemak apkaqnekhelha judios ma'a apkelelmalhnongkomakha la mota nhan. Ka nelvakho lhta m'a, nengakhengvakho neleltennasengka ania'a aktaqmanma moklhem'a ngkelvana'ak ma'a.

Hechos 17:10

Ka aptemo lhnak pelhasep ma'a, apkellapaskamo lhnak apkelialheng'a Pablo kakpota nhan Silas enmeiakhak natemma Berea, ka apkelentalhnengvaiakmo lhnak akieto apkaqnekhelha judios ma'a.

Hechos 17:11

Apkeltakmelkasemmakpo apankavek nak ma'a judios, havek lhnak aptangko nak judios ko Tesalonica, apkelleltakmelkeskamavek nak apkellailhemo apketlhekmoskama Pablo. Apkelleliaiangka lhnak na Vakkahak Eniapom Neten Apaivoma kakpota elvetak have niapak ankek aptemakha apketlhekmoskama Pablo.

Hechos 17:13

Koka apkellengai'ak nak judios akieto m'a Tesalonica apkeltennaikama Pablo Eniapom Neten apaivoma natemma Berea, ka apkenmeiekho lhnak ma'a, apkeltemeskeskekho lhnak na mokhom apkeliennengkeskama lhma enenlhet'avok aniem'o apkellammelhma Pablo.

Hechos 20:4

Apketlhelhma'ak nak Sopatro apketka Pirro apkeniem'o natemma Berea, Aristarco kakpota nhan Segundo apkelleniem'o Tesalonica. Gayo apkeniem'o Derbe, Timoteo, Tiquico ka nhan apialheng apvesai'a Trofimo apkelleniem'o koka m'a Asia.

Hechos 27:2

Ka nelkananto lhta nhan loma nemmen ampo lhta m'a akieto Adramitio, akmeiekha akieto aknangkongvekhelha loma nemmen akieto Asia. Netlhelhma'ak alhta nhan ma'a apvesai'a Aristarco apkeniem'o lhta Tesalonica akieto konne iokhalhma Macedonia.

Filipenses 4:16

Ka asnemo lhta nhan ma'a Tesalonica nlhamakme lhta nhan hellapaskeskama helpasmoma asteniai'o lhta nhan alaimommalhkelha lhta ko m'a.

1 Tesalonicenses 1:1

Ennengko'o Pablo, Silvano, kakpota nhan Timoteo, nketlhenkek engelvalho'ok iglesia akieto nak ham Tesalonica, apkellelto apkelpasmekha Eniapom Neten apto eniapma'ak kakpota nhan Apveske Jesucristo. Nengeleltavek eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

2 Tesalonicenses 1:1

Ennengko'o Pablo, Silvano kanhan Timoteo nketlhenkek engelvalho'ok iglesias akieto apiav'akha temma Tesalonica apkellelto nhan apkelpasmekha Eniapom Neten eniapma'ak ennengko'o kanhan apveske engankok Jesucristo.

2 Timoteo 4:10

ngkanek Demas heieniakhehe', apmeiakhe lhta ma'a akieto Tesalonica apteniai'a qaselha meiaspongkomakha nak Eniapom Neten. Crescente lhtoka apmeiakhak ma'a akieto iokhalhma Galacia, Tito koka m'a iokhalhma Dalmacia,