Hechos 16:13 - Nuevo Testamento Toba Maskoy

¹³ Ka kto lhta sabado nennekhelha nenmeiakho neiava alvata akieto tep temma, lhta nellanemak apkaqnekhelha judios ma'a apkelelmalhnongkomakha la mota nhan. Ka nelvakho lhta m'a, nengakhengvakho neleltennasengka ania'a aktaqmanma moklhem'a ngkelvana'ak ma'a.

Hechos 16:13 ပူးပေါင်းရင်းမြစ်များ

Marcos 16:15

Netamen lhna aptemak Jesús apkellanemo apkeltamesaikamok: —Enmamok hata ketlhengkap lhmankek ham, eleltennasamok hata ania'a aktaqmanma m'a.

Lucas 13:10

Apketlhekmoskangkek nak Jesús akieto apkaqnekhelha judios aknem sabado nennekhelha.

Juan 8:2

Lhema aknem alhta ntak akiekai'a m'a, atsak'o lhtoka mokhom akmopeiam konne', apvaktamo mokhom Jesús Eniapom Neten apnemakha. Apkelteteskaktamo lhta nhan enenlhet apentalhnema apnakha m'a, ka apno lhta Jesús ma'a, apketlhekmoso nhan.

Hechos 13:14

Koka Pablo kakpota nhan Bernabe apkeliekai'ak nak na temma Perge, ka apkelvaiakmo lhnak natemma Antioquia akieto konne iokhalhma Pisidia. Aknem nennekhelha sabado lhnak ntemak ma'a, apkelentalhnengvaiakmo lhnak apkaqnekhelha judios, apkakhengveiakmo nhan konne m'a.

Hechos 13:42

Ka apkelenteiapmo lhnak Pablo kakpota nhan apketlhelhma'ak akieto apkaqnekhelha judios ma'a, koka apkeleltemo lhnak mokhom enenlhet'avok elvatamok mo'ok sabado nennekhelha kakpota ellengaskesek mokhom ania'a nak.

Hechos 16:16

Lhema knem alhta ntak ma'a, nenmeiakho ennengko'o akietemelha apkelelmalhnongkomakha m'a, nelvet'o lhta lhema ngkelvana tkok nema annengkasekama aklheianmo lhta mota akmak'akha ta ngkotnek aniem'o akmaikama kasekapo av'alhok, avanhe lhta annaksepkeskama patakkom apkelveskaie nkok ma'a.

Hechos 16:6

Pablo kakpota nhan apketlhelhma'ak apkenmahai'avek na niekhe elpaiaksek ania'a aktaqmanma iokhalhma Asia, koka Espíritu Santo lhnak meltemok ma'a. Ka apkeliekai'o lhnak konne iokhalhma Frigia kakpota nhan Galacia,

Hechos 17:2

Ka apmaiangko lhnak Pablo m'a aptemakha apankek na mota m'a, hanetolhem'a sabado aknem nennekhelha lhna ntemak apkellatemommap ma'a.

Hechos 18:4

Lhamakho aknem sabado nennekhelha lhnak apmeiekha mota Pablo apkaqnekhelha judios, apkellatemommakpo lhnak judios kakpota nhan griegos apkeltemo lhnak nkollekvomok apvalho'ok ma'a.

Hechos 20:7

Ampakhasekha nke knem semana alhta ntak nengaqnakho m'a akieto mo'ok av'alhok neten pa'at kakpota angellanangkok nentoma aktaqmanma m'a. Nlhanie lhta nhan talha alhankok nema alapommatkeskama m'a, aholhe lhta apketlhekmoskama Pablo m'a meliaskeiam ma'a akvakmo neplhet pelhasep alhta m'a, lhta ngkanek apmak'o elhong mokhom sosekhek ankek ma'a.

Hechos 21:5

Ka akvakmo lhta 7 aknem ma'a, nenmak'o lhta angetlhong mokhom, nelelto lhta nhan netlhelhma'ak aplhamakho meliaskeiam, apnaqteiangka'a nhan, kakpota nhan apketkak akieto iokhalhma apkellavakha nak ma'a nekha alvata. Nelelteklhengko lhta nhan entapno'ok nalhepop ma'a, nelelmalhno lhta Eniapom Neten ma'a.

Hechos 9:20

Apkempai'akha lhnak kolhvavek anke apkeltennaikama Saulo apkaqnekhelha judios Jesús apto Eniapom Neten apketka.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.